اول ضابط يرفض يقول انت متعرفش انا مين فى كمين

الظابط طارق الوليلى

مع كرهى الشديد لجهاز الشرطة المصرى لكن هناك بعض النماذج المشرفة يجب تسليط الضوء عليهم



كمين فى مدينة نصر الحى السابع واحد معدى فى عربيته طلبو منه الرخصة طلعلهم رخصة العربية ورخصة القيادة فحصهم المقدم وقاله اتفضل كل ده عادى .

اللى مش عادى ان اللى طلع رخصه ظابط مباحث برتبة رائد ماطلعش كارنيه ولا قال انا فلان ولما المقدم عرفه سأله طيب يا باشا معرفتنيش بنفسك ليه او طلعت الكارنيه رد وقال :
اولا: حضرتك طلبت الرخص مش إثبات الشخصية طلعتلك الرخص قيادة وسيارة وسليمة .
ثانيا انا بسمع كلام الرئيس السيسي وهو قال الظابط لو طلب رخصك طلعله الرخص مش تقوله انا فلان كل اللى فى الكمين كانو بيبصو له نظرة إحترام وظابط الكمين كان مستغرب وبيضحك بهيستريا هو والرائد طارق لما قال له انا بسمع وبنفذ اوامر الرئيس السيسي وواضح ان المقدم بتاع الكمين ده اول موقف يمر بيه بالشكل ده .
الظابط ده هو الرائد طارق الوليلى
تحياتنا وإحترامنا الشديد ليك .
وياريت الكل يقتدى بيك لان القائد الحقيقى هو اللى يطبق القانون على نفسه قبل ما يطبقه على غيره .


حساب الظابط طارق الوليلى

Tarek Salah Elwelely