فيديو: على باب وزارة الإسكان تتحطم احلام الشباب فى الحصول على شقة

 الجمعة 11 يوليو 2014 ميلادى

تصوير : محمد اكسجين

كتب: شهرزاد الثورة

على باب وزارة الإسكان تتحطم احلام الشباب فى الحصول على شقة
محمد لأكسجين مصر : احنا بينضحك علينا و المشروع فاشل

أكسجين * : ايه حكاية وزارة الإسكان ومشروع اسكان الشباب عملت ايه ؟
والله يا محمد انا لسة جاى من وزارة الإسكان دلوقتى حالا والموضوع فظيع اول حاجة المفروض انى اكون قدمت من 2011 علشان هى دى الوحدات السكنية اللى نازلة اللى مقدمش ساعة الثورة ملوش الحق فى المزايا اللى نازلة فى وزارة السكان رغم انها للأسف مفيهاش مزايا خالص
أكسجين * : الشروط ايه علشان التقديم ؟؟ الشروط دفع 5 آلاف جنيه عشان التقديم وبعدين تقسيط فى ايجار شهرى 480جنيه كحد ادنى مساحة الشقة 90 متر
اكسجين * : اقل قسط 480 جنيه ؟؟
ايوة اقل قسط 480 والمشكلة كمان انهم كاتبين فى الأوراق اضافة زيادة 7%على 15سنة .طيب انا مرتبى 1200 جنيه اجيب منين مقدم وايجار يزيد كل سنة وغير المسافة فى مدينة بدر مفيش غير هناك يعنى الواحد هيعمل ايه ؟
أكسجين * : عندك كام سنة ومرتبك كام فى الشهر ؟
انا مرتبى كله 1200 جنيه وعندى 28سنة يعنى اجيب منين 5 آلاف جنيه مقدم مش عارف ايجار اد كدة ومواصلات وزيادة 7% والدنيا عمالة تغلى والمواصلات بتغلى وعلشان اجيب عربية مشكلة وللأسف مفيش والمشروع فاشل شاب مين اللى يقدريدفع 480 جنيه كل شهر مع الغلا اللى احنا فيه دة انا نفسيا احبطت لأنى بقالى 3 سنين كل شهر رايح جاى وفى الآخر الآقى الموضوع صعب كدة وبالزيادة دى يعنى بيضحكوا علينا ولا بيضحكوا على الشباب فين اسكان الشباب دة وانا شاب ومش لاقى شقة بقالى 3 سنين فين بقى الوعود ووزارة الإسكان

يعنى انا عندى 28 سنة وكل ما اروح اخطب اتسأل عندك شقة والموضوع يفشل وبعدين لو كان القسط 250 او 300 او حتى 350 كان ممكن لكن 480 وكمان زيادة 7% ومكان بعيد وسط غلا المواصلات دة ايه يعنى هو 90 متر وبعيدة يا عم انا عايز حجرتين وصالة انما آخر الدنيا ومواصلات والإيجاردة موضوع فاشل وبيضحكوا علينا