فيديو : المصريين ما زالوا يأكلون من الزبالة فى عهد السيسى

12 يوليو 2014

تصوير : محمد اكسجين

كتب: شهر زاد الثورة

سؤال من بياع الخضار :: ناس بتاكل من زبالة الموائد وبقايا الخضار البايظ عند البياعين يرضى مين ؟؟

أكسجين : انت شغال ايه وايه اللى حصل قدامك امبارح ؟؟ 

انا كنت بكنس الزبالة بعد العصر كدة ع الساعة خمسة فبلم الزبالة كدة على جنب 

أكسجين : الزبالة دى اللى هى عبارة عن ايه ؟؟ 

يعنى قشر خضار فلفل بايظ بتنجان بايظ كوسة بايظة قشر بصل وطماطم والكلام دة كله يعنى فلقيت حريم بتلمه قلت لهم بتلموه ليه قالوا هنخده نطبخه للعيال قلت لها يا حجة دة هتطبخيه لعيالك قالت آه يا بنى هنطبخه هنعمل ايه انا باخد عشرة جنيه من ابو العيال مصاريفة انا والعيال هعمل بيهم ايه ولازم ءأكلهم فعلا عشرة جنيه هتعمل بيهم ايه ... هى حاجة من الإتنين يا تمشى مشى بطال يا تسرق بصراحة كدة يا هتمشى مشى بطال يا اما تسرق يعنى عشرة جنيه ايه يعنى واحدة معاه اربع عيال هتعمل ايه عشرة جنيه يكفوها ازاى 

أكسجين : الأكل اللى انت رميتوا دة كان ينفع حد ياكلوا ؟؟ 

لا خالص والله ما حد ينفع انه ياكله اساسا والله ماينفع انه يكون للبنى آدمين دى زبالة وكلها حجات بايظة وبعدين مش عارف هياكلوه ازاى يعنى اقل حاجة النهاردة الأمراض والسرطان والحاجات دى كلها جت منين يا أخى تصدق بالله الناس امبارح بقت تلم الرز من الزبالة وتاكله شفت الناس بتاخد الرز بتاع المائدات الناس بترميه لاقيت ناس بتلمه وتطلعه من الزبالة وتحطه فى كيس وبتاكل منه وناس بتاخده فى شنط يحطوه فى التلاجات ياكلوا منه تانى يوم يرضى مين دة اساسا يرضى مين والله ما يرضى حد اقسم بالله ما يرضى حد