رامى زين يكتب : إرفع ياريس الأسعار كمان

إرفع ياريس الأسعار كمان خلينى ابيع الحديده والحزام ارفع براحتك وبالمره ياريت تفرض ضريبه من بكره ع الكلام ... إرفع ياريس وغلى ع الناس كل شىء كماله و أساس وإفرض ضرايب ع المرفه اللى لسه بيلبس تحت هدومه فانله ولباس ... إرفع ياريس زى ماانت عايز وعبى الهوا وبيعهولنا ف ازايز ومية النيل وكل الدعم شيل ووزع فلوسه ع المسئولين جوايز ... إرفع ياريس بقيت الأسعار مش كفايه بنزين ولحمه وخضار إرفع كمان ما أنتوا من زمان بتتشطروا عليا وسايبين الحمار رامى زين