بعد إذن سعادة جناب حضرتك
هنقطع الكهربا عن كل حتتك
فإعمل حسابك وبلغ ولادك
وصرف أمورك دى قصتك ..
وياريت وإنت بتقرى الرساله تبطل شتيمه
أظن بقى إتعودت و بقت حاجه قديمه
وما تقولش يا ظلمه إتعميت م الضلمه
عارفين إنك إشتريت كشاف يا بن اللئيمه ..
ونوعدك لو إتعاونت وبقيت شطور
هنقلل يا شاطر عنك قطع النور
وبدال 5 ساعات بيتقطعوا على فترات
هتبقى قاطعه واحده خمس ساعات إلا كسور ..
وياريت يا مواطن تقف جنبنا
أحمالك اللى زياده ده مش ذنبنا
فلازم تبلعلنا الزلط وتسامحلنا الغلط
وما تنساش إنت بمزاجك اللى إخترتنا رامى زين
0 تعليقات
أكتب تعليق على الموضوع