مفاجأة تفجرها الممثلة فيدرا فرح عملية ابادة القطط كان مخطط لها ولم تكن المرة الأولى

الجمعة 29 أغسطس 2014

الممثلة فيدرا فرح امام نادى الجزيرة

تصوير : محمد اكسجين _ كتب : شهرزاد الثورة

من يقتل حيوانا اليوم يقتل انسانا غدا .... كانت هذه لافتة رفعتها الفنانة فرح وذلك فى الوقفة الإحتجاجية التى تمت امام نادى الجزيرة اعتراضا على مذبحة القطط التى حدثت فى النادى والتى ضمت عددا كبيرا من الناشطين فى مجال الرفق بالحيوان وبعض المتضامنيين معهم ووقفت اسر بأمكلها تعاطفا انسانيا ضد القسوة وكل اشكال العنف وقتل القطط داخل النادى 

أكسجين : ليه حضرتك متواجدة فى الوقفة النهاردة ؟؟ 

انا متواجدة هنا اعتراضا على عمليى الإبادة اللى تمت انا ضد القسوة انا انسانة مع الرحمة لكل مخلوقات ربنا واخذت تردد كلمة الرحمة الرحمة فقط 

أكسجين : تعليق حضرتك على اللى حصل فى نادى الجزيرة ؟؟ 

النادى احنا قدمنا له حلول كتير طويلة الأمد وهتدوم لكن هم رفضوا واستسهلوا القتل لمجرد ان القطط بتطلع على الطرابيزات قدام الأعضاء وطبعا القطط تتقتل والفيران فى الطابخ تكتر والصراصير دة مش اسلوب واحنا عرضنا عليهم حلول كتيرة الجمعية المصرية للرحمة بالحيوان مدام منى خليل مدام بهرة فهمى كلهم اتكلموا معاهم مدام دينا ذو الفقار مدام مارجو كل الناس اتكلمت معاهم من زمان جدا جدا ...انا جاية الناهردة علشان الموضوع مش للناس المرفهة الرحمة موضوع مهم ولازم وبنلاقيه ابسط الناس يعنى لما بروح الأرياف او بصور فى حتت عشوائية بشوف ناس قاعدة مش لاقية تاكل وبتقسم اللقمة مع الكلاب والقطط وهى دى فطرة الإنسان السليمة اللى فيها رحمة وربنا خص نفسه بالرحمة يعنى ربنا قال بسم الله الرحمن الرحيم .احنا بنعيش بالرحمة رحمتك بالناس وباخوك وجارك والحيوان دة لو ملاقاش رحمة فشكوته لربنا مباشر للى خلقه مبيعرفش يكلمك ميعرفش ينطلق فانت لما تعبر عنه انت لسنه هو يوم ما هيشتكى هيشتكى لربنا يا ويلك من عذاب ربنا 

أكسجين : يعنى فى ناس ممكن تقولك ان فى اعضاء بتخاف منها ؟؟ 

اوك بس فى اعضاء كتير كانت بتحبها وبتأكلها كون ان فى ناس بتخاف منها يبقى مبرر انى اقتلها هو انا كل ما اخاف من حاجة هقتلها ...طيب ما بدل ما انا ادى فلوس لواحد ويجيب سم ويقتل طيب ما انا اجيب طبيب بيطرى يعقم القطط دى فنتحكم فى العادات ..يطعم القطط فميبقاش منها اى خوف من اى نوع وبعدين هقولك حاجة انت عمرك شفت قطة بتتهش وتهجم القطط بتتهش فبتجرى دة كلام فاضى دى ناس معندهاش قلب معندهش عقل ربنا اعطانا القلب واعطانا العقل دول معدومين من الإتنين طب وبعدين مش بتدفع فلوس فى القتل حضرتك علشان تأجر الراجل يسم طب ادفع فلوس فى الخير يا اخى ادفع فلوس فى الرحمة ليه عندك الموضوع شر بس كدة بتحافظ على ايه على اعضاء النادى ما فى اعضاء كتير جدا متضايقين من اللى بيحصل دة وبعدين هم كل مرة بيعملوا كدة ومحدش بيعرف ليه المرة دى حصل كدة والناس عرفت واتجمعت واعلام ومواقع تواصل دة لأن الناس عرفت ان الإبادة دى هتحصل فالناس وقفت واتجمعت وفعلا لقوا عربية تاكسى قدام النادى ودخلت بعد المواعيد العمل الرسمية للنادى والأستاذ شريف القاضى كان وصله خبر من جو النادى بعملية الإبادة دى فوقفوا والعربية دخلت بعد الساعة واحدة من باب الخيل علشان محدش يشوفهم واتمسكوا وراحوا القسم وقال الأستاذ شريف القاضى انه كان حاضرا من وقت القبض عليهم حتى عرضهم على النيابة مساءا فهم عمالين ينكروا طيب انت بتنكر علشان خايف على سمعة النادى لكن احنا ايه مصلحتنا فى اننا نتبلى على نادى الجزيرة يعنى ورفع استاذ شريف القاضى صورا التقطها فجرا للقطط المقتولة امام نادى الجزيرة توضع بعضها فى شكاير وقالت فرح احنا من الآخر معندناش اى مصلحة اننا نتبلى على نادى الجزيرة احنا نتمنى ان نادى الجيزيرة يكون منارة اجتماعية ومكان مفيد رياضيا وأخلاقيا واجتماعيا انا عايزة ابعت ولادى على حتة ابقى مطمنة عليهم وعلى اخلاقهم