رامى زين يكتب : إدحلب يا عادلى وإعمل حبيب

إدحلب يا عادلى وإعمل حبيب
وإلبس توب الحمل على جسم الديب
وإتمسكن لأجل ما تتمكن
ماهو أصلو أمر عليك مش غريب
.. إدحلب وإعمل غلبان
يا أبو ريق من سم التعبان
وقول ع الثوره لأ دى مؤامره
من صنع إيدين لامريكان
.. إدحلب وإعمل فيها شريف
وإن كفك م الدم نضيف
لا أمرت بقتل ولا ضرب وسحل
ولا حتى إحداث جرح طفيف
.. إدحلب يا أبو جلد تخين
وإعمل محترم القوانين
وإنك عايش بما يرضى الله
ولا كنت ف يوم م الظالمين
.. إدحلب يا عادلى ومثل كمان
وإعمل رجل الأمن والأمان
ما هى البلد دى لو فيها قانون
كان زمانك إتعدمت من زمان رامى زين