قواعد مهنة المحاماه " الثلاثون "

قواعد مهنة المحاماه " الثلاثون "
1- انسي الي درسته في كلية الحقوق تماما واتعلم من اول وجديد الشغل غير الدراسه الاكاديميه.
2- لازم تضرب صحوبيه مع كل الي تقابلهم عشان الي مش هتحتاجله النهارده بكره المحاماه تحوجك لقفاه 
3- لازم تحفظ المحاكم بمكاتبها بموظفينها عشان محدش هيديك معلومه صحيحه يعني علم نفسك بنفسك.
4- اول ما تنزل تدرب لازم تتاكد انك نازل تتمرممط لان الي بيتدرب ده لقطه كل الي معاك في المكتب هيرمو عليك الشغل ولما تيجي تشتكي هيستهبلو ويقولو عشان تتعلم لازم تتسحل 
5- اعمل حسابك وانتا في فترة التدريب انتا الي هتصرف من جيبك واحتمال تحط من معاك فلوس للشغل مش انتا بتتعلم ادفع يا برنس 
6- انسي موضوع المرتب وانتا بتدرب نهائي اه هيطلع عين اهلك في محكمه الصبح والمكتب بالليل بس كل ده بلووشي اومال الناس هتقعد تقول الاستاذ راح الاستاذ جه ازاي استحمل بقا 
7- زمايلك في المكتب لو معرفتش تحطهم في جيبك وتشكمهم من اول مره هياخدو عليك وهيعملوك تسليتهم 
8- الاستاذ صاحب المكتب الي هتدرب معاه لازم يشوفك المطيع الهادي ويكون مبدئك لا اسمع لا اري لا اتكلم 
9- المهمه الي هيكلفك بيها استاذك اعملها وبس متروحش تعمل حاجه تانيه مع زميلك في المكتب غالبا هيكون مبوظ الدنيا ويلبسك انتا الغلط ومحدش هيتهزق غيرك 
10- ميبقاش تفكيرك ان مهمتك تلبس الروب الاسود وتقعد باشا تحضر الجلسه كده وخلاص لا لازم تاهب نفسك انك لو المحكمه الي رايحها دي عشر ادوار هتطلعهم في اليوم بالميت خمس مرات واحيانا من غير اسانسير
11- حاول تصاحب الموظفين وتبقا ظريف معاهم بس متخليهمش ياخدو عليك عشان هيخنقوووك 
12- وانتا داخل مكتب اي موظف هتتقلب في القلم الي معاك فا نصيحه مطلعش قدامهم قلم بتحبه عشان متزعلش  
13- غالبا مش هتلاقي الموظف يقعد في مكتبه متتخضش استناه ساعه اتنين تلاته هيجي متقلقش 
14- الموظف الي تروح ليه في طلب مره واتنين ويقولك مش دلوقتي اعرف انه عاوز رشوه ونصيحه لو انتا جديد متعودش موظف علي انك تديله رشوه طبعا مش هيخلصلك شغلك واستاذك هيقولك انتا فاشل ومش عارف تخلص الشغل مفيش قدامك غير تتخانق مع الموظف وممكن تضربه واحتمال تروح للنيابه ويعملولك محضر اعتداء علي موظف عام 
15- متحاولش تتخانق مع موظف عشان هتتحط في البلاك ليست وابقا قابلني لو خلصلك اي شغل تاني خليك كيوت 
16- لو اتخانقت مع موظف متحاولش تشهد زمايله عليه عشان عمرهم ما هينصفوك 
17- متروحش تشتكي موظف لمديره لان المدير مبدءه الموظف دايما علي حق واخره هيطيب خاطرك بكلمتين ويقولك معلش ابقا عدي علي الموظف يوم تاني اصله مضغوط
18- متطلعش قدام موظف قلم بتحبه عشان هيقلبه منك 
19- لما موظف يقولك تعالي كمان نص ساعه خليك واقف متمشيش عشان لو مشيت هترجع تلاقيه قافل المكتب وفلسع 
20- لما موظف يقولك تعالي بكره اتاكد من مصادرك الخاصه بكره ده يوم شغله ولا راحته لانه غالبا هيبقا يوم راحته وبيشتغلك 
21- مطلعش قلم بتحبه قدام موظف عشان هيقلبك فيه
22- لما يبقا عندك جلسه لازم تبقا في المحكمه من الساعه 9 حتي لو السكرتير قالك بيجي 11 لان القضاه ملهمش امان انتا تستناه اه بس هو مبيستناش حد لو اتاخرت دقيقه هيشطبلك القضيه او يرزعك حكم وترجع تغني ظلموه 
23- لما تقعد في الجلسه متفتحش بقك بكلمه عشان حظك النحس هيخلي القاضي يسيب كل الي بيرغو ويكز معاك ويرخم عليك  وافتكر اني قلتلك بلاااش 
24- لو رولك اخر الجلسه اوعي بص اوووووعي تعرف كل زمايلك عشان هتلاقي متوزع عليك خمسين قضيه  متعرفش غير صديقك الصدوق الي اخره يوزع عليك قضيتين تلاته بس 
25- كل قاضي لازم تعرف نظامه ايه الي بيحب المرافعه اترافع براحتك الي مبيحبش الكلام الكتير اعمل مذكرات الي لا بيحب مرافعه ولا مذكرات واحكامه زفت وقطران قدم فيه شكوي „„وامرك لله
26- لما تقدم شكوي في قاضي اياااك تمضي عليها باسمك عشان هتندم ندم عمرك خليها امضاء مجهول 
27- مطلعش قلم بتحبه قدام موظف عشان هيقلبك فيه 
28- لو موصي الحاجب يشوفلك الحكم ايه اخر الجلسه واتصلت بيه مردش اعرف انك اترزعت حكم زفت لان لو الحكم حلو كان اتصل بيك وعملك فرح في التليفون 
29- متنساش تكرمش ايدك بورقه بخمسه للحاجب عشان يجبلك الحكم والا مش هيعبرك 
30- متشتغلش محامي عشان الضغط والسكر