رشا حلمي تكتب : العلاقات الجنسيه قبل الجواز

العلاقات الجنسيه قبل الجواز أو أي تلامس جسدي بدون جواز موجود ومنتشر في المجتمع جدا 

وفي كل الطبقات ألأجتماعيه وفي كل المستويات الفكريه.

وألي بيشوف غير كدا ويقول مابيحصلش يبقي خليه دافن راسه في الرمل أحسن.

والمشكله مش في أنه بيحصل كل يوم وموجود

المشكله في نظرة كل طرف لتاني ومخاوفه وأفكاره قبل أو بعد حدوث دا.

وبحكم ثقافتنا الذكوريه الراجل مابيشوفش في دا عيب او حاجه تقلل منه بل العكس أحيانا.

والبنت بتفضل بين نارين خوفها منه ياتري هيسبها أو هيقول عليها أيه بعد دا ونار أنها بشر ودي مشاعرها ونفسها في التعبير عنها زيها زيه.

وهنا أنا نفسي أوضح كذا نقطه للطرفين

أولا للراجل

لو انت شايف أن البنت ألي بتشاركك في دا منحله وألي أنت بتعمله معاها دا حقك ورجوله

أبقي روح شوفلك حد غير جنس الأناث المنحل تعمل معاه كدا.

ومهما كان سلوك الست دي سئ أو هي بتعمل دا بمقابل منك سواء مادي أو أي مصلحه تطلع بيها او حتي متعه
فأنت مش من حقك أنك تعيب عليها أو بعدها تطلع تشتم وتشوه فيها
لأنك دلوقتي شريكها وذيك ذيها بظبط.

ولو أنت أستغليت حب واحده ليك علشان بس دا
فأنت الحيوانات أكرم وأشرف منك أكيد.

وبالنسبه للبنات

فأنا مانكرش أن فيه بنات بتعرف تفصل تماما بين الحب والجنس

يعني ممكن تقيم علاقه مع واحد بس علشان الجنس واللطافه

ودول أنا ماعنديش أي مشكله معاهم لأنهم بدال بالغين وعاقلين ومحددين أهدافهم وعارفين هما بيعملوا أيه وبمزاجهم ومحدش ضربهم علي أيدهم فدول أحرار وطريقهم واضح.

أنما البنات ألي الجنس مرتبط معاهم بالحب ودول ألاكتر وألأعم.

يبقي دول محتاجين يفكروا كويس أوي قبل الأقدام علي أي خطوه زي دي

ولازام تقف مع نفسها وتسألها هل هندم لو دا حصل لأي سبب من الاسباب سواء دينيه أو أجتماعيه؟

هل لو في يوم سبتوا بعض هتقعدي تعايريه أنك عملتي دا علشانه؟ ولاعلشان كنتي فاكره أن دا رشوه ليه علشان يتجوزك ولا لو ماتجوزكيش لأي سبب كان هتحسي بعدها بلرخص و بلضياع؟

ولو دا هيحصل يبقي هل الشخص دا حد بيحبك بجد وبتحبيه ومخه متفتح
ومش هيحاسبك بعدها ؟
ولاهيحسسك بالوساخه والدونيويه.؟

ولا بيحترمك وبيقدرك وحاسس بمسؤليه أتجاهك؟

وأسألي نفسك كويس هل حبك دا مالوش أي مردود عنده ولا لأ؟

وهل أنتي واحده زي مليون واحده عرفها وخلاص
ومشاعرك دي وجسمك دا زيه زي جسم عشرين قبلك وعشرين بعدك ولا لأ؟

فكروا كويس جدا جدا

لأن أسؤ الغلطات في الدنيا هي الغلطات ألي بيعملها الواحد بأيده في حق نفسه.

#ملحظوه هامه:
بالنسبه بس للأخوه الي هيدخلوا يتهموني بأنحلال
ويقلبوا الكومنتات لرأي الدين وحكم ومواعظ.
أنا تعمدت أني ما أحطش وجه النظر الدينيه وأقول حرام وحلال علشان كل الناس عارفه وفاهمه النقطه دي كويس جدا وبرضو دا لسه بيحصل وهيحصل كل يوم.