 |
| السيسى راح هو و محلب فى زيارة للعشوائيات.. بيوت مبنية بالطين ومتسقفة بحطب.. مجارى طافحة.. المهم.. وقفوا قدام بيت من البيوت.. خبطوا عالباب.. فتحلهم صاحب البيت .. كان بيتفرج على التليفزيون.. السيسى بيبص لمحلب ومحلب بيبصله.. السيسى بيميل على محلب وبيهمس فى ودنه : مش المفروض ان الناس دول فقراء؟؟ ازاى عندهم تليفزيون؟! سمعه صاحب البيت وبادر بالاجابة: ياريس لازم يبقى عندنا تليفزيون طبعا.. فى التليفزيون بنتابع الاخبار عشان نسمعكم وانتم بتقولوا ان البلد بخير وان الناس عايشة كويس وان قلبكم على الفقراء وان مصر ام الدنيا وهتبقى اد الدنيا ونصدقكم عشان ننسى بالواقع ونعيش... لولا التليفزيون دا يا ريس كان زمنا اصطدمنا بالعيشة اللى احنا عايشنها فى مقابل العيشة اللى انتم عايشينها .. كان زماننا فوقنا على الواقع الاليم وساعتها هنفترسكم ونقطعكم باسناننا يا ريس.. يبقى لازم يبقى عندنا تليفزيون ولا لا؟؟ السيسى يبص لمحلب ومحلب يبصله وفى الاخر محلب يهمس فى اذن السيسى قائلا: انا بقول يا ريس ناخد التليفزيون دا ونجيب للراجل شاشة عرض كبيرة .. السيسى لمحلب : انا بقول يلا نمشى من هنا احسن يطلع علينا حد معندوش تليفزيون !! عبدالله الصياد |
-----------------------------------------------------------------
0 تعليقات
أكتب تعليق على الموضوع