عبدالله الصياد يكتب :خارج الدائرة

عبدالله الصياد يكتب :خارج الدائرة.. !!

_ آلو.. أيوة ازيك يا بوب اخبارك ايه؟ _ الحمد لله تمام.. هو ايه يابنى اللى بيحصل عندكم فى مصر ده ؟! انا مش فاهم أى حاجة !! لو شرحتلك الوضع مش هتفهم أى حاجة برضو .. _ يا عم بس احكيلى انا بسمع كل شوية الاخوان والفلول والعسكر والثوار وكلام غريب كدا ايه ده بقى؟؟ برضو.. ماشى يا سيدى مادام مصر شوف.. احنا هنا فى مصر بقينا منقسمين ل 4 طوائف تقريبا.. اخوان - سلفيين - فلول - ثوار _ اه.. طب مين مع مين ومين ضد مين؟ الأخوان والثوار ضد الفلول. _ تمام. والثوار والفلول ضد الأخوان ! _ ؟!!! والأخوان والفلول ضد الثوار ! _ طب والسلفيين؟ مع الكل وضد الكل.. _ أه.. دانتم مجانين بقى ! هو ايه اللى حصل لكم بالظبط احكيلى القصة من الاول عشان افهم. ماشى.. بص يا عم يوم 25 يناير 2011 الناس كان ىفاض بيها من الفساد والقمع والاستبداد و.... و..... فنزلوا الشارع وفضلوا معتصمين 18 يوم عشان مبارك يمشى .. _ عظيم ! يعنى ثورة شعبية.. الثوار والاخوان قالوا كدا.. _ والفلول؟ قالوا مؤامرة خارجية.. _والسلفيين؟ قالوا الخروج على الحاكم حرام ولازم نطبق الشريعة ! _ تمام.. وبعدين؟؟ بعد كدا مبارك تنحى عن الحكم والجيش أعلن انه مسك الحكم بقيادة المشير طنطاوى اللى هو وزير دفاع مبارك.. _ انقلاب عسكرى يعنى ! الثوار قالوا كدا.. وفضلوا يهتفوا يسقط حكم العسكر _ والفلول؟ قالوا الجيش حمى الثورة ! واللى بيقولوا يسقط حكم العسكر خونة ومأجورين ! _ ههههههههههههههههه مش كانت مؤامرة ! طيب الاخوان قالوا ايه؟ قالوا نفس الكلام. _ والسلفيين؟ قالوا ثورة.. ولازم نطبق الشريعة ! _ ايه الهبل ده!! يعنى طنطاوى هو اللى ماسك الحكم بعد الثورة؟!! لأ.. هو فضل ماسك سنة ونص وبعد ضغط الثوار راح مسلم السلطة للأخوان بقيادة محمد مرسى ! _ آآآآه ...وصلت.. يا ولاد اللعيبة ! يعنى محمد مرسى بتاع الاخوان اللى ماسك دلوقت؟ لأ.. _ ايه اللى حصل تانى فضل يكفر فى الناس وحبس الثوار وقتل منهم ناس و البلد بقت بترقص على الحبل وهو عمال يقول كلام غريب .. راح الثوار والناس والفلول نزلوا الشارع وفضلوا 3 ايام و..... _ ثورة تانى يعنى ! والاخوان قالوا ايه ؟ قالوا الجيش معاهم وهينزل يحمى الشرعية ! _ ههههههههههههه والفلول ؟ قالوا ثورة شعبية.. والثوار؟ نفس الكلام ! طب والسلفيين؟ قالوا الخروج على الحاكم حرام ولازم نطبق الشريعة ! كمل .. ها وايه اللى حصل بعد ال 3 أيام؟ الجيش شال مرسى وجاب واحد صورة كدا بس بقى هو اللى بيدير البلد .. _ انقلاب تانى !!! الاخوان قالوا كدا.. وفضلوا يهتفوا يسقط حكم العسكر ! _ ههههههههههههه سبحان الله طب ماهو نفس سيناريو 11 فبراير !! الكلام اختلف ليه؟ طب والسلفيين؟؟ قالوا ثورة.. و لازم نطبق الشريعة ! _ طب والثوار؟ قالوا طلاسم والغاز غريبة مفيش حد فهمها وبعدين فضلوا يتخانقوا مع بعض لحد دلوقت ! _ هههههههههههه جالهم صدمة عصبية وللا ايه؟!! وطبعا الفلول قالوا ثورة والجيش حماها واللى بيقول يسقط حكم العسكر خونة ومأجورين صح؟ ايه ده عرفت ازاى؟ _ مانا فهمت السيستم ماشى ازاى بقى وطبعا عملوا انتخابات وسلموا السلطة للفلول صح؟ لأ.. عملوا انتخابات واستلموها هما ههههههههههههههههههههههههههههههههههههههههههههههههه _ يا مثبت العقل والدين يارب !! طب والاخوان بيعملوا ايه دلوقت؟ بيقولوا يسقط حكم العسكر _ آه !! طب والثوار؟ نفس الكلام. _ والفلول؟ بيقولوا ان الاخوان خونة و مأجورين.. _ والثوار؟ بيقولوا نفس الكلام.. _نفس الكلام؟! طب والاخوان بيقولوا ايه على الثوار؟ بيقولوا انهم مع الفلول ! _ ايه العبط ده !! طبالفلول بيقولوا ايه عالثوار؟ بيقولوا انهم مع الاخوان !! _ ايه الجنان ده يا عم انت بتشتغلنى على فكرة ! والله زى ما بقوللك كدا ! _ امممم يعنى طنطاوى رجع مسك الحكم تانى.. ابن اللعيبة !! لأ.. السيسى اللى مسك.. _ السيسى؟؟ مين السيسى ده؟ دا وزير الدفاع بتاع محمد مرسى _ ........... تك. الخط اتقفل فى وشى ! صورة: عبدالله الصياد يكتب :خارج الدائرة.. !! _ آلو.. أيوة ازيك يا بوب اخبارك ايه؟ _ الحمد لله تمام.. هو ايه يابنى اللى بيحصل عندكم فى مصر ده ؟! انا مش فاهم أى حاجة !! لو شرحتلك الوضع مش هتفهم أى حاجة برضو .. _ يا عم بس احكيلى انا بسمع كل شوية الاخوان والفلول والعسكر والثوار وكلام غريب كدا ايه ده بقى؟؟ برضو.. ماشى يا سيدى مادام مصر شوف.. احنا هنا فى مصر بقينا منقسمين ل 4 طوائف تقريبا.. اخوان - سلفيين - فلول - ثوار _ اه.. طب مين مع مين ومين ضد مين؟ الأخوان والثوار ضد الفلول. _ تمام. والثوار والفلول ضد الأخوان ! _ ؟!!! والأخوان والفلول ضد الثوار ! _ طب والسلفيين؟ مع الكل وضد الكل.. _ أه.. دانتم مجانين بقى ! هو ايه اللى حصل لكم بالظبط احكيلى القصة من الاول عشان افهم. ماشى.. بص يا عم يوم 25 يناير 2011 الناس كان ىفاض بيها من الفساد والقمع والاستبداد و.... و..... فنزلوا الشارع وفضلوا معتصمين 18 يوم عشان مبارك يمشى .. _ عظيم ! يعنى ثورة شعبية.. الثوار والاخوان قالوا كدا.. _ والفلول؟ قالوا مؤامرة خارجية.. _والسلفيين؟ قالوا الخروج على الحاكم حرام ولازم نطبق الشريعة ! _ تمام.. وبعدين؟؟ بعد كدا مبارك تنحى عن الحكم والجيش أعلن انه مسك الحكم بقيادة المشير طنطاوى اللى هو وزير دفاع مبارك.. _ انقلاب عسكرى يعنى ! الثوار قالوا كدا.. وفضلوا يهتفوا يسقط حكم العسكر _ والفلول؟ قالوا الجيش حمى الثورة ! واللى بيقولوا يسقط حكم العسكر خونة ومأجورين ! _ ههههههههههههههههه مش كانت مؤامرة ! طيب الاخوان قالوا ايه؟ قالوا نفس الكلام. _ والسلفيين؟ قالوا ثورة.. ولازم نطبق الشريعة ! _ ايه الهبل ده!! يعنى طنطاوى هو اللى ماسك الحكم بعد الثورة؟!! لأ.. هو فضل ماسك سنة ونص وبعد ضغط الثوار راح مسلم السلطة للأخوان بقيادة محمد مرسى ! _ آآآآه ...وصلت.. يا ولاد اللعيبة ! يعنى محمد مرسى بتاع الاخوان اللى ماسك دلوقت؟ لأ.. _ ايه اللى حصل تانى فضل يكفر فى الناس وحبس الثوار وقتل منهم ناس و البلد بقت بترقص على الحبل وهو عمال يقول كلام غريب .. راح الثوار والناس والفلول نزلوا الشارع وفضلوا 3 ايام و..... _ ثورة تانى يعنى ! والاخوان قالوا ايه ؟ قالوا الجيش معاهم وهينزل يحمى الشرعية ! _ ههههههههههههه والفلول ؟ قالوا ثورة شعبية.. والثوار؟ نفس الكلام ! طب والسلفيين؟ قالوا الخروج على الحاكم حرام ولازم نطبق الشريعة ! كمل .. ها وايه اللى حصل بعد ال 3 أيام؟ الجيش شال مرسى وجاب واحد صورة كدا بس بقى هو اللى بيدير البلد .. _ انقلاب تانى !!! الاخوان قالوا كدا.. وفضلوا يهتفوا يسقط حكم العسكر ! _ ههههههههههههه سبحان الله طب ماهو نفس سيناريو 11 فبراير !! الكلام اختلف ليه؟ طب والسلفيين؟؟ قالوا ثورة.. و لازم نطبق الشريعة ! _ طب والثوار؟ قالوا طلاسم والغاز غريبة مفيش حد فهمها وبعدين فضلوا يتخانقوا مع بعض لحد دلوقت ! _ هههههههههههه جالهم صدمة عصبية وللا ايه؟!! وطبعا الفلول قالوا ثورة والجيش حماها واللى بيقول يسقط حكم العسكر خونة ومأجورين صح؟ ايه ده عرفت ازاى؟ _ مانا فهمت السيستم ماشى ازاى بقى وطبعا عملوا انتخابات وسلموا السلطة للفلول صح؟ لأ.. عملوا انتخابات واستلموها هما ههههههههههههههههههههههههههههههههههههههههههههههههه _ يا مثبت العقل والدين يارب !! طب والاخوان بيعملوا ايه دلوقت؟ بيقولوا يسقط حكم العسكر _ آه !! طب والثوار؟ نفس الكلام. _ والفلول؟ بيقولوا ان الاخوان خونة و مأجورين.. _ والثوار؟ بيقولوا نفس الكلام.. _نفس الكلام؟! طب والاخوان بيقولوا ايه على الثوار؟ بيقولوا انهم مع الفلول ! _ ايه العبط ده !! طبالفلول بيقولوا ايه عالثوار؟ بيقولوا انهم مع الاخوان !! _ ايه الجنان ده يا عم انت بتشتغلنى على فكرة ! والله زى ما بقوللك كدا ! _ امممم يعنى طنطاوى رجع مسك الحكم تانى.. ابن اللعيبة !! لأ.. السيسى اللى مسك.. _ السيسى؟؟ مين السيسى ده؟ دا وزير الدفاع بتاع محمد مرسى _ ........... تك. الخط اتقفل فى وشى !

---------------------------- --------------------------------------------------------------------------------------------------------