بالفيديو : شيخ سيناوى يكشف البعد الثلاثى للإرهاب

الشيخ عبد العال السعود

تصوير : محمد اكسجين -كتب : شهر زاد الثورة

تحدث احد شيوخ من شمال سيناء فى مؤتمر عن مستقبل مصر بعد الثورة ومحاربة الإرهاب وقال :: بكل امانة انا بقول للشعب المصرى سيبك من السلطة ..السلطة دى موضوع تانى مش فى ايدك او فى تخيلك او او لأن دة موضوع اكبر مما نتخيل احنا من 52 حتى الآن شيلنا الملك وبعد الملك جه الرئيس عبد الناصر ثم الرئيس السادات ثم ثم ولم يتغير النظام وانا اعتقد النظام فى مصر شئ خفى وليس شسئ ظاهر علشان نوضح ملامح المرحلة القادمة من تاريخ هذا الوطن حضراتكوا اتكلمتوا عن 2020 وانا رأى نخليها 2023 اما قبل 2023 فلن يتحرك ساكن فى هذا الوطن ولن يتغير شئ لأن التاريخ يعيد نفسه من 52 حتى الآن فى 54 اتولى عبد الناصر وفى 2014 اتولى السيسى وهكذا منذ 52 والتاريخ يكرر نفسه فى كثير من المحطات ولذلك انا خايف من 2016 او 2017 لأن التاريخ بيعيد نفسه تيبكال او كوبى زى ما بتقولوا انا عامل دراسة عن التعذيب النفسى والتعذيب النفسى اقوى تأثير من التعذيب البدنى ووجدت ان نسبة التعذيب النفسى تصل الى 83% ونسبة التعذيب البدنى 17% ولذلك لما نتتبع الأيات ( قالت ياليتنى مت قبل هذا وكنت نسيا منسيا ) على الرغم انها لم تشعر بآلام حمل او مخاض لكنها كانت تشعر بألم فى مواجهة اهلها وهى تحمل طفلها المسيح عليه السلام ...انا جاى من محافظة شمال سينا والله ما نراه الآن فى سينا والله يمين 

نحن لم نقتل جنودنا ال 17 ولا ال 25 ولا ال35 كمان نكبة كرم القواديس كانت خير شاهد ودليل دول ولادنا مستحيل يكون بدوى يرعى اكباد الأبل يقتل الجنود والله ما قتلناهم يا اخوانا فى حاجة اسمها البعد الثلاثى للإرهاب اللى عمل احداث طابا هو اللى عمل احداث شرم الشيخ هو اللى عمل حادثة القدسين هو اللى قتل جنودنا فى سينا ثلاثية خطيرة جدا اللى فجر مديرية امن الطور هو اللى فجر مديرية امن الدقهلية هو اللى فجر مديرية امن القاهرة الللى عمل حادث الفرافرة هو اللى عمل شمال دمياط هو اللى عمل كرم القواديس احنا تعبنا انا علشان اعدى استنى 3ساعات انا النهارد بحمل جريمة اسمها الهوية المصرية وهى تاج على راسى لو ركبت بيها العربية من سينا انزل لو مركبتش انزل ولو معدى بيها فى اى مكان بعربية وشمال سينا اركن والله العظيم ما عملنا حاجة تضر هذا الوطن واقسم بالله لولا وجود رجال سيناء فيها لإخترقت مصر من زمن بعيد ولكن ربنا من على البلد دى اننا بنحمى هذه الحدود وبنقول زى ما قال الشاعر بلدى وان جارت عليا عزيزة .... اهلى وان ضنوا عليا كرام ولما سمعت كلمات الشاعر اللى بتقول لأكتب اسمك يا بلادى ع الشمس اللى ما بتغيب .....لا مالى ولا ولادى عن حبك مالى حبيب والله ولا مالى ولا اولادى ولا روحى ولا نفسى عن مصر غيرها حبيب الكلمة الأخيرة بنقول لكل من يعذب ابناء سيناء ..مهما فعلتوا هناك علاقة عكسية كلما زاد التعذيب فى ابناء سيناء كلما زاد ولاءهم لمصر واطمنوا على سينا والله العظيم احنا نرابط لحماية هذا الوطن ..... ولا نرضى له الضرر ابدا

---------------------------------------------------------------------------------------------------------- اكسجين مصر