دوار العمدة مليان بشر حرس و غفر ........ثارت عليه الناس ظالم وحكمه ميراث قام الحرس والغفر حجزوه فى أوضة كبيرة وسابوا معاه مرجانة والحق يتقال بأمانة عاملت معاه الواجب ولاعمره دخل زنزانة ..........اما الحرس والغفر ..قالوا حبسنا العمدة وخلعنا الفساد وياه ...........احتلوا الدوار واتمتعوا بخير الغنايم عملوا الولايم كتير ...وقسموها ظفر وفطير كان على الموائد عساكر تاكل ما تاكل لا يوم بتشبع ولا حق فاكر ...... وورا العساكر واقف الخدام استنوا ياخدوا الأمان فاكرين على الموائد قاعدين او ع الكراسى راكبين ... وفى اول الدوار قاعد عجوز بجبة وقفطان ومعاه قسيس كمان قدامهم صينية عليها من الطعام ألوان وعلى سلم الدوار شحاتين من الدراويش لابسين جلاليب مش هية تحت الركب بشوية وما بين مسواك وطاقية الدقن زى الريش ياخد ويقول معاييش والكرش زانق والحر خانق بس الحقيقة عاملين بأكلهم وبيدعوا لولى النعمة ..وبيرددوا وراه الكلمة ...ويقولوا للناس دى حكمة الإله علشان تنول الرضا لازم تبوس يمناه ......ولسة الموائد منصوبة والضحكة تعلا فى ارجاء المخروبة حوالين الموائد كلاب حراسة تجار نخاسة مغناوتى وطبالين ومعاهم رقاصة بس الحقيقة كرم العساكر رمى للكلاب عظام ديوكه ..ريش وضانى طبعا كلابة تنبح.. تخوف اللى يفكر منهم يقرب يضرب يكهرب يسجن يغرب بس الحكاية الليل بطولة اكل وأربعة ضحك وكركعة وبعد ما الليل يعدى يمر نمل البلد يجر فتات الموائد اللى على الأرض اتهرد ومبقع الباركية اومال ايه ياكل ويشبع ....يعيش فى صمت يعيش ويدفن همومه كبت ..... طعامه بكرة هيجى يومه يتعرى يمرض يلبس هدومه........... بس تدوم الولايم !!!.......ويعيش يعيش ابو العزايم !!! shaherzad
----------------------------------------------------------------------------------------------------------
0 تعليقات
أكتب تعليق على الموضوع