بالفيديو: لقاء مضحك مع أحد انصار المؤيدىن للسيسى

شاب معاه 2 جنيه فا عايز يفطر ومحتار...
قابل شاب اخواني قاله هاتفطر ب 2 جنيه واخواتك ماتوا ف رابعه!!
افطر ب جنيه، وانصر القضيه بجنيه..
سابه..
وقابل شاب ليبرالي.. قاله بص ال2 جنيه دول هايجبولك جرام ونص جبنه ريكفورت..
حلوه الريكفورت والرجيم عسل وبص بص اقعد وسط اصحابك واتفشخر انك فطران ريكفورت..
سابهم وقابل شاب يساري.. قاله حلو موضوع اننا (ن)فطر ب 2 جنيه دا..
اتخنق ومشى...
قابل شاب سلفي قاله انت جايب الاتنين جنيه دول معدن ولا ورق؟
سابه ف قابل شاب التراس.. ضحك الرفيق وقاله كمل عليهم وجبلك شمروخ..
سابه قابل سيساوي.. قاله على فكرة ال 2جنيه دول هايجبولك بيض وجبنه رومي ولانشون وبسطرمة وبقسماط وعسل نحل التمساح وحاجات كتير موت صدقني.. وتسلم الأيادي تسلم يا جيش بولادي..
سابه قابل حد من حزب الوفد قاله هات ال2 جنيه نطبعبهم بوسترات..
سابه قابل قسيس قاله هات ال2 ف صندوق النذور واديك بيهم قوراص بعجوة هايله ..
وف الآخر زهق قعد تحت شجرة، جاله واحد قاله انت تعبت اوي يابني عشان تفطر ب ال2 جنيه دول..
قاله اه والله ياعم الحج،،
-قاله انا هاريحك..
قاله تشكر ياحج، هاتفطرني؟؟
-قاله لاء هاخود ال2 جنيه..
قاله انت مين يا حج!!!
-قاله انا عمك عبفتاح السيسي..

---------------------------------------------------------------------------------------------
اكسجين مصر