فوزى الرشيدى يكتب :الحشيش لعلاج التفكير مع الحشيش المقنن تكون أكثر أماناً من تشغيل عقلك والتفكير فى المستقبل وتكون مؤيد لاإرادى لأى قرار صاحب الغزره يقوله لأنه إمتلك عقلك وجيبك وصحتك . بعد هيصة الحشيش وانه مقنن فى هولندا والإعلام بدأ يشتغل انه الحشيش بيعالج حَب الشباب وشويه شويه الحشيش هو اللى هيحرر القدس وينهى التطرف فى العالم وسيحقق أرباح أفضل من المستريح . وعشان احنا فى مصر إعلام ترديد والجمهور المبرر اللإرادى شغال تمام . بص ياعم المبرر مفيش دوله فى أوربا كلها مقننه الحشيش غير فعلا هولندا ولكن دا كان فى السابق وكانت لتنشيط السياحه فقط لأن السياح فى أوربا كانت بتسافر هولندا تشتشرى الحشيش وليست كميات لأن قهاوى مخصصه هى من تبيع ذاك المخدر من الحشيش وكانت فقط سعيا منها إلى محاولة الفصل بين المخدرات الخفيفة والخطيرة، واستقرار عدد المدمنين الذي أصبح في حدود 25 ألفاً في هولندا . ومن أسبوعين الحكومة الجديدة التي تشكلت قررت إلغاء "تصريح الحشيش" والسماح ببيعه من جديد لكل من يرغب سواء من أهل البلد أم من السياح الأجانب. دا غير انه اتعمل قانون واقر بيه وزير العدل والأمن القومي الهولي قرارات برفع السنّ الذي يسمح فيه للشباب بشراء السجائر من 16 سنة إلى 18 سنة، الغريب في الموضوع أن وزير العدل الجديد كان هو نفسه وزير العدل في الحكومة السابقة؟ وعندما سئل عن أسباب سماحه ببيع الحشيش للأجانب الآن بعد أن منعه سابقا؟ كانت إجابته هي: أنا أنفّذ ما اتفقت عليه الحكومة! سيبك بئى من كل دا إحنا فى مصر مش ناقصين غياب للعقل والوعى دى حاجه تانى حاجه ديننا لا يسمح بغياب العقل واهدار المال والصحه وقال رسول الله صلى الله عليه وسلم ما أسكر كثيره فقليله حرام وقال صلى الله عليه وسلم: كل ما أسكر حرام، وما أسكر الفرق منه فملء الكف منه حرام. وفي رواية: الحسوة منه حرام. بمعنى فيه ناس هتقولك لو شربت مش بسكر منه أو عقلى مش بيغيب زى بالظبط معاك إزازة ويسكى لو شربت بوء مش هتسكر طبعا طيب لو شرب الإزازه كلها أو كاسين منها طبعا هتسكر إذاً بوء واحد قليل من الكثير دا حرام لأنه كثيره حرام فقليله محرم . التقنين مش هيزود دخلك القومى ومش هيسدد ديون مصر ولا هيزود عدد شاربيه لأن اللى بيشربه فى الخفاء هو نفسه اللى هيشربه فى العلن لكن فقط هيجعل من شاربيه الجهر به وبدل مابيشرب فى غرزه أو مكان مغلق هيشرب فى المواصلات والطرقات والقهاوى وأماكن العمل وبدل ماكانت بتعانى مصر من حرق قش الرز أهو الحشاشين تملىء سماء القاهره بدخان حشيشك يامصر، ياريت نقنن أنابيب الغاز أفضل وتكون موجوده ى كل مكان بدل مابيشتريها الشعب كأنها من الممنوعات وممكن تلاقيها مستقبلاً بالجرام. ولو الناس بتشرب الحشيش خوفأ من عقاب القانون فلابد منعه خوفاً من عقاب الله أفضل وبما إن فيه كتير بيخافوا القانون أكتر من الله فيا أيتها الحكومه من ضمن وظائفك هى حماية المجتمع لا تخريبه وغياب عقله وكفى علينا العقول المغيبه إعلاميا فذاك الجهاز وخصوصاً المرئى أكثر بكثير من المخدرات وكل انواع التغييب العقلى وما اكثر تجار التغييب العقلى على رأسهم زعيم العصابه أحمد موسى وكل من على شاكلته من إعلام غرزة التغييب العقلى والجهل المقدس.
---------------------------------------------------------------------------------------------
اكسجين مصر
0 تعليقات
أكتب تعليق على الموضوع