بالصور: شارع زحمة اجمل شارع فيكى يا مصر

شارع الزحمة بالمنصورة - شارع الجمهورية - برج السوسن

كتب: شهرزاد الثورة

حلم شباب من زحمة ستور لشارع الزحمة .... وكيف تحول لواقع ناجح ؟؟

أكسجين : نتعرف على حضرتك ؟؟
اولا انا السيد نصار صاحب محل زحمة ستور المحل موجود من 3 او 4 سنين مش لسه فاتح مع الصور اللى حضرتك شوفتيها انا عندى 27 سنه من المنصورة وانا صاحب النشاط
أكسجين : ازاى بدأت الفكرة ؟؟
فكرة المحل كانت ف الاول طباعه تشيرتات باللغه العربية وتسويقها ف محيط بسيط اصحابى جيرانى والاقارب بس مع الوقت حصلت على توكيل ناس تريندز من اكبر البراندات فى المجال ده وبعدها تتوالى الشركات ذى خطوة وفكرة ولورنزو وعين وروكس والكثير .....وتوسع المجال لاكتر من منتج
أكسجين : ايه انواع المنتجات اللى فكرتوا فيها ؟؟
طباعه تشيرتات والمجات والكشاكيل والتابلوهات والبروشات ومجال الدعاية والاعلان
أكسجين : ازاى تطورت مراحل الفكرة لواقع شارع زحمة ؟؟
البداية بدأت بمحل واحد كان اسم الاستور ف البداية yes ومع زيادة الشركات والمنتجات تم تغير الاسم الى za7ma ليتماشى مع هذا الكم من المنتجات والشركات وكنا فرعين فى ذلك الوقت فرع جيهان وفرع قناه السويس ودى كانت المرحلة الاولى.... اما المرحلة التانية كانت شارع الزحمة اللى حضرتك سمعتي عنه كانت الفكرة فى البداية مجرد تجديد فرع قناه السويس بالمشاورة مع احد اعز اصدقائى المهندس محمود رزق حيث انه كان يعمل معى فى شركة لتنظم الحفلات تدعى بروكسى وكان له نظره فى تغير ديكورات كل عرض وقد عرض على تصميم ديكورات محل جديد من البداية وبالصدفة لاقينا محل بعدها بفترة قليلة جدا وبدءنا ندور على ديكورات وصور من النت واتفقنا على فكرة اننا نعمل شارع واقعى لان مساحة المحل طولية وتم العمل بمساعدة ومشاركة مهندس اخر زميل لنا يسمى محمد طارق وبدءت الفكرة تتطرح افكار اخرى لحد ما واصلنا للشكل ده وبكده فريق العمل بقى السيد نصار 27 سنه بكالوريس تجارة وصاحب زحمة ستور المهندس محمود رزق 25 مهندس مدنى والمهندس محمد طارق 25 مهندس مدنى وبمساعده عم ياسر المصطفى النجار ومحمد نصار اخويا فى مده 40 لا تتجواز ال 40 يوم
أكسجين : وازاى جمعتوا التكاليف والخامات ورأس المال ؟؟
انوع المنتجات كتير جدا وذكرت عدد منها ف الجزء السابق بنشترى الاول المواد الخام للطباعه وكذلك المنتجات وبنبدأ نجهز تصميمات ونطبعها على المنتجات من تشيرتات ومجات ومخدات وتبلوهات وبروشات وميدليات وكفرات الموبيل والشنط الحريمى ومستلزمات الافراح واعياد الميلاد والحفلات
التكاليف طبعا كانت موجودة لان النشاط شغال من 3 او 4 سنين بأسم زحمة ستور
أكسجين : هل سبق الموضوع دراسة للسوق ولا الفكرة كانت حلم مشيتوا وراه بشكل عفوى مرتبط بهوايات ؟؟
الموضوع ف الاول كان مجرد تسلية وتتضيع وقت فراغ لكن مع مرور الوقت تم وضع دراسة للسوق واسعار الخامات والتكاليف وبدئنا مراحل تصنيع التشيرتات بالاضافة طبعا لهواية الرسم والتصميم كان ليها عامل كبير فى الموضوع
أكسجين : ايه الصعوبات اللى واجهتوها .... تصاريح عمل توفير خامات او اى مشاكل من اى نوع ؟؟
اكيد العمل ف مصر لا يخلو من الاجراءات والروتين المٌميت لكن بفضل من الله وببعض المجهود ومساعدة المقربين جدا لى تم التغلب على هذه المشاكل
أكسجين : هل هناك اطراف او جهات رسمية ساعدتكم ؟؟
لا يوجد اى جهه رسمية ساعدت ف المشروع ولكنه مجهود خاص وعمل مشترك ولا يوجد لينا فروع رسمية
أكسجين : فكرة فتح فروع فى محافظات مختلفة جت ازاى وازاى قدرتوا تنفذوها على الأرض؟؟
لا يوجد لينا فروع رسمية ولكن يوجد موزعين وتوصيل للمحافظات وغالبا بيبقى عميل بياخد كميات مختلفة وبيبقى ذى موزع او منفذ لينا فى المحافظات وعندنا فريق العمل الثابت ف الاستور مبيعات :- ميدو نبيل ..... و طارق سمير ....... و احمد عادل ...... و محمد نصار
أكسجين : ايه الحلم اللى نفسكوا توصلوا بيه فى شارع الزحمة ؟؟
نفسنا نبقى ستور بيجمع كل الحاجات الغريبة والنادرة والغير مألوفه ف مكان واحد
أكسجين : رسالة توجها للشباب اللى عندها افكار زيكوا ... ازاى ومنين يبدأ ؟؟
نصيحة ان الشباب تعتمد ف الاول على تسويق الفكرة قبل المنتج لاصحابهم واقاربهم وجيرانهم حتى تنتشر الفكرة ويتوسع النشاط