ايفون كمال تستغيث .... اين اختفى جرجس ؟؟ أخويا فين يا حكومة ؟؟

كتب: شهرزاد الثورة
ارسلت ايفون كمال اخت المجنى عليه جرجس كمال فى واقعة التعذيب بقسم الشروق والتى سبق ونشرنا صورا له فيديوهات جديدة تظهر صراخ المعتقلين داخل قسم الشروق واستغاثتهم من التعذيب داخل القسم فى ايام عيد الفطر المبارك ولمدة اربعة ايام من التعذيب المتواصل وتقول ايفون اخويا بيبكى ويقولى ضهرى زى الكبدة من علامات الضرب وتقول 

ان الظابط سحبه من سلسة فى رقبته عليها الصليب ووضع رأسه داخل الحمام وتؤكد ايفون ان التعذيب داخل السجن ممنهج ولا يتوقف وانها تلقت اتصالات كثيرة وصراخ من داخل الحجز حتى تمكن اخوها من ارسال صورا لها عن طريق الواتس آب وعندما انتشرت صوره على مواقع التواصل الإجتماعى تم ترحيله لسجن وادى النطرون واستطاعت ايفون الحصول على كارت ممورى عليه فيديو يظهر المعتقلين تحت وطأة التعذيب داخل الحجز والذى يتجاوز عدد هم فيه 65 شخص وقالت ايفون عندما ذهبنا الى سجن وادى النطرون عرفنا ان السجن رفض استقبال جرجس بسبب آثار التعذيب على جسده واشترطوا ان 

يدخل السجن بعد عرضه على الطب الشرعى وعمل كشف طبى وتقرير بحالته فأعادته الشرطة الى قسم الشروق مرة اخرى وتم اجراء كشف طبى وتقرير صورى لم نتأكد من محتواه ثم اعادوا ترحيله الى جهة غير معلومة رغم انه من المعروف ان سيارة الترحيلات تخرج مرة واحدة كل اسبوع فازاى تخرج يومين ورا بعض ومن غير ما نعرف هو راح فين ؟ ورغم اننا طلبنا خروجه للعرض على الطب الشرعى واخد اقوله فى وقائع التعذيب لكن القسم لم يستجيب لنا صحيح جرجس مش هو لوحده اللى بيتعذب فى السجن لكنه هو الأكثر تعذيبا واكتر واحد مضطهد لأنه بيرفض الإهانة وبيرد على الظابط وانا حاولت اجمع 

كل اهالى المعتقلين اللى بيتعرضوا للتعذيب لتقديم شكوى لكن الموضوع فيه صعوبة وكمان مفيش تعاون من النيابة ولا من القسم ومش عارفين نثبت حقنا ولا نخرج اخويا من الظلم اللى هو فيه من تهم ملفقة وضرب واهانة حتى انهم بينيموا المعتقلين على بطنهم وبيشتموهم بألفاظ قذرة .. كل اللى أنا عايزاه فين حقوق الإنسان من اللى بيحصل وفين راح اخويا ؟ عايزة حد يطمنى رحلوه على فين والتقرير الطبى اللى طلعوا الظابط فيه ايه ؟؟ وليه ميتمش عرض اخويا على الطب الشرعى وياخدوا اقواله ؟؟ ليه سايبين المجازر دى تحصل فى الأقسام فين التفتيش القضائى ؟؟ فين حقوق الإنسان اللى فى الوزارة ؟ ليه مفيش تحقيق فى اللى بيحصل ؟؟......فين اخويا يا حكومة ؟؟

صورة جرجرسبعد التعذيب

----

ملحوظة: المادة 65 من الدستور المصرى
حرية الفكر ، والرأى مكفولة . 
ولكل إنسان حق التعبير عن رأيه بالقول، أو بالكتابة، أو بالتصوير، أو غير ذلك من وسائل التعبير والنشر.

------------
---- اكسجين مصر :اسعى لاثبات الحقائق المجردة فهذا ما تقضيه امانة الكلمه