تعانى المرأة منذ الصغر من العنف والهاجس الجنسى فهى اما محبوسة تحت ضغط الخوف عليها وعلى عذريتها اوضحية تحرشات يومية او ضحية زواج صالون من اجل التخلص من سجن الخوف ووصاية الأب والأخ والمجتمع الذكورى لتقع ضحية عنف جديد فى اغتصاب يومى باسم الزواج خلف ابواب مغلقة تمتلئ البيوت بحكايات تخجل الكثيرات عن البوح بألمهن واسرار بيوتهن خوفا من نظرة المجتمع ففى بحث ميدانى عن شكوى بعض الزوجات من عنف ازواجهن اثناء العلاقة ولمعرفة بعض التجارب عن قرب اجرينا اللقاء التالى : مع السيدة ص ..م اتجوزتى عن حب ولا جواز تقليدى ؟؟ انا اتجوزت جواز صالونات يعنى شافنى فى فرح وكلم اهلى هل حصل عنف اثناء العلاقة الحميمة ؟؟ ايوة حو حصل اكتر من مرة .. ودة بيخلينى مضايقة ومش عايزة اكمل ومش قادرة اتحمل العلاقة بالشكل دة وبكون كارهة جسمى وكارهة الموضوع من اصله بس مقدرش انى امنعه وكمان علشان اعدى الموضوع وماعملش مشاكل ازاى بيكون رد فعله بعدها ؟؟ بيلاقينى زعلانة وكدة بيحاول يعتذر ويقول غصب عنى لكن اتكرر تانى الموقف مرتين تلاتة و رغم انى قلت ان دة بيضايقنى ومينفعش العلاقة تكون بالطريقة دى احساسك بيكون ايه ؟ احساسى انى كارهة نفسى وجسمى وبحس انها متختلفش عن الإغتصاب اللى بيحصل لبنت فى الشارع يعنى مش معاملة زوجين ابدا... يمكن يكون فى بعض البنات تحب الطريقة دى ان تكون العلاقة عنيفة لكن فى الآخر اعتقد انها مش علاقة سوية وفى الغالب اللى يرضى بكدة يبقى انسان غير سوى ومعقد وشعور الست ان الرجل يمتلكها فى اى وقت زيها زى اى شئ بيسليه فى البيت ولازم دلوقتى بشكل مهين وجارح فى الحقيقة . وفى لقاء آخر مع س .ع تحكى عن تجربة صديقتها والتى تزوجت زواج تقليدى ( صالونات ) ايه اللى يخلى العلاقة الزوجية تتحول من الحب والدفء فى علاقة حميمية الى الإغتصاب ؟؟ ايوة ممكن العلاقة تتحول كدة ودة كان بسبب صفات وتربية ومكتسبات بيئته والمجتمع اللى كان عايش فيه واللى خلت العلاقة متحولة تماما ما بين المعاملة ايام الخطوبة وتحولت 180 درجة بعد الزواج هل يمكن ان يكون استخدام الرجل للمنشطات سببا فى العنف الجنسى ؟؟ لا اعتقد ان السبب منشطات .... معتقدش خالص هى السبب ورا دة ربما فى حالات اخرى .انا اعتقد انها افتقار للثقافة فى البلاد العربية والثقافة الشرقة عموما فيتعامل من منطلق القوة والذكورية وان الرجولة تعنى التعامل بخشونة وعنف العنف اثناء العلاقة بيكون ازاى ؟ عنف فى المعاملة وبعدين ضرب اثناء العلاقة الموضوع دة كان بيتكرر فى كل علاقة ؟؟ ايوة اتكرر كذا مرة وبعدين بعد العنف وبعد ما بينتهى وبيضربها بيكون هو مبسوط مش عارفة ليه شعورها كان ايه بعد العلاقة دى ؟؟ الشعور كان صدمة وخوف منه ومش عايزة تقعد معاه وفعلا انتهت العلاقة بالطلاق نماذج متعددة بعضهن يخجلن من الظهور وكثيرا منهم يكتمن اوجاعهن حفاظا على اسرار قد يعاتبها المجتمع اذا اظهرتها رغم انها الطرف المظلوم ولن يبحث المجتمع الذكورى بطبعه تلك المشكلة الشائكة والتى تنطوى آنات ودموع كل ليلة تخفيها امرأة وتظهره أخرى ..... وينتهى الأمر فى النهاية امام المأذون الشرعى أو على اعتاب المحاكم وما زالت المشاكل خلف الأبواب المغلقة يخفيها الخجل ويخففها الأمل
----------------------- اكسجين مصر :اسعى لاثبات الحقائق المجردة فهذا ما تقضيه امانة الكلمه
0 تعليقات
أكتب تعليق على الموضوع