بالصور:وقفة احتجاجية فى مواجهة التحرش وممارسات البلطجية من سائقى التوك توك فى حى حدايق الأهرام

كتب: شهرزاد الثورة
نظم سكان حدايق الأهرام بالجيزة اليوم وقفة احتجاجية على تجاهل الحكومة ومحافظ الجيزة دكتور خالد العادلى بعد كثرة شكواهم من ممارسات سائقى التوك توك من البلطجة والسرقة بالإكراه والتحرش بسيدات وفتايات الحى وغياب الأمن وانتشار المخدرات والبلطجة .. وطالب جموع سكان المنطقة توفير وسيلة مواصلات آمنة للسكان وبديل للتوك توك وتوفير الأمن للسكان وقال المحتجون ان المقولون وغياب الأمن حول المنطقة الى شبه عشوائية فى غياب تنظيم الحى ورقابة المحافظة ...... كان السكان قد اعلنوا عن مقاطعة التوك توك فى حملة على الفيسبوك لاقت تفاعل من السكان وقامت احدى الجمعيات التعاونية للإسكان بتوفير عدد من الفان السوزوكى صغير ليستطيع توصيل السكان الى الشواراع الضيقة وخاصة كبار السن والنساء والأطفال فيما ظهرت الشكوى من بعض سائقى الفان الذى بدأ يستغل حاجة السكان له ومقاطعة التوك توك ,,,,,,,, ورغبة السكان فى تأديب سائقى التوك توك ولحماية زويهم من ممارسات التحرش والبلطجة التى يعانى منها السكان والتى تنتشر بشكل فج بين سائقى التوك توك فيما روت نونة يونس ما حدث لها فى موقف من سائق فان وقالت : انا ساكنه فى 1الف فضلت ماشيه شارع الثروه المعدنيه لحد ماقابل عربيه فان تروحنى مشيت لحد خضار باب رزق لقيت عربيه فان ركبتها وماكنش معايا فكه عطيته عشره جنيه خدها وطنش قولتله هات الباقى قعد يدور هنا وهنا ويطقطق ودانى خمسه حنيه قولته بردوا هات الباقى انا المسافه صغيره جدا بس علشان معايا بنت صغيره ماينفعش امشى بيها كتير المهم قعد يبرطم وقالى خلاص كده قولتله خليكوا كويسين علشان تشتغلوا قالى احنا هنشتغل لو انتوا تبعدوا عننا انتى اصلا راكبه معايا علشان تسمعينى الكلمتين دول كنتى تروحى تركبى توكتوك طالما مش عاجبك قولتله انا لو عاوزه اركب توكتوك كنت ركبت ومنتهى قله الادب ومصاحب واحد سواق توكتوك قالوا امشى ورايا وفعلا كان ماشى وراه لحد مانزلت الله اعلم انا حسيت راكب العربيه الفان علشان يكره الناس فيها علشان بحد قليل الادب جدا وقال احد سكان المنطقة على جروب حدايق الأهرام ان استبدال التوكتوك بالفان مش الحل.. التحرش و التثبيت سهل عن طريق التوكتوك.. و سهل برضه عن طريق الفان..بالعكس..الفان سهلة الخطف فيها كمان.و اللي معتقد ان سواقين الفان اللي جايين دول وارد سويسرا..فهو مخطئ..فيوم فيوم فيوم.. باختصار..الفروق مش كبيرة..الفرق بس في المركبة..ده سوزوكي هندي و ده باجاج هندي برضه مازلت انادي بمشروع نقل داخلي رسمي تابع للجمعية.. سوزوكي ماروتي مملوكة للجمعية..40 وللا 50 عربية مرحلة اولی..و يتعينلها سواقين موظفين.. تترخص باسم الجمعية..و تشتغل داخلي فقط..و هاتجيب تمنها في مفيش.. و سقف العربيات يتأجر كمساحة اعلانية..لشركة دعاية و اعلان..عشان يجيب دخل..و العربيات طبعا تترقم..بارقام مسلسلة كبيرة علی ابوابها.. ده الحل الوحيد في رأيي.. سواء تعملها الجمعية..سواء يعملها مستثمر.. المهم تتعمل..بس تتعمل كمشروع نقل داخلي موحد..رسمي..معتمد..و بسائقين معينين رسميا بفيش جنائي حديث و مصوغات تعيين كاملة.. وما زالت معاناة السكان مستمرة رغم الوقفات المتكررة والمطالب التى لم تتوقف واقتراحات الحلول ومحاولات للوصول للمسئول الغائب دائما او عامل ودن من طيوودن من عجين !!!!!!!!

--------------- اكسجين مصر :اسعى لاثبات الحقائق المجردة فهذا ما تقضيه امانة الكلمه