مطرب راب يتقمص مهنة السايس لا ثابت ا(ن مفيش مهنة اسمها سايس)

كتب :شهرزاد الثورة 
نشر الفنان الشاب مادوا مطرب الراب على صفحته على موقع التواصل الإجتماعى فيسبوك عن صدفه جعلته يتحول من فنان لسايس باركينج فى لحظة شهامة يقول الفنان : واحدة بتركن عربيتها عند فودافون سفنكس وانا واقف ساند علي عربيتي سرحان كانت هتخبطلي الشنطة قولتلها كمان كمان .. حضني شوية .. بس كدة .. تمام .. سيبيها مدورة ! 
فبمنتهي التلقائية قولتلها الباركينج يا استاذه .. فتحت الشباك وطلعت خمسة جنيه وقالتلي اصل مش هطول ... انا بلسان معووج براحتك يا أبلة .. أخدتها ومشيت .. علشان اقولكم أن مفيش مهنة اسمها سايس .. مفيش حاجة اسمها براك غير لو جوه جراج رسمي !!!!!!! كلنا هبل وعبط أننا بدفع مبالغ شهرية فنصب اسمه الباركينج .. الحكومة سبب كبير ف انها سايبه الناس دي.. ووصلت حالهم اصلا أنهم من غير شغل ووصلوا ...المهم الخمسة جنيه دي مش هصرفها علشانها حرام ومستني البنت تخرج من فودافون عشان ارجعهالها . لكدة .. الغريب ان بدأ الناس تعتقد فعلا انه سايس وكان فى ناس منتظرة انه يساعدها فى ركن سياراتهم فبيقول مادو انه واثناء كتابة البوست ... في واحد راجل ف سن جدي وقفلي علي الكبوت مستني الباركينج وواحد ف سن اخويا الكبير علي الشباك زي مانتوا شايفين الصورة ...... لنا ولهم الله 
كان معكم مادو من مستنقع العالم التالت في صراع الإنسانية والحق وقرر مادو رد المال لصاحبته قائلا ..... ما اخذ بسيف المروئة فهو باااااااااطل باااطل باطل -انا مشوش علي صور الناس دي علشان محدش يقولي اني بفضحهم علشان انا مش كارهم علي قد ما كاره الظروف الي توصل الحياة لكدة وأكمل مادو حكايته مع الوظيفة الجديدة بعد ما حاول يرد الخمسة جنيه لصاحبتها وقالها انه مش سايس فرفضت تاخدها وقالت له هى نصيبك .. الغريب ان البنت طلعت مش عارفة انه فنان وبيغنى ... تعليقات المتابعين .. لم ينته الموضوع عند صدفه حولت الفنان لسايس بل أثارت التعليقات موضوع عمل السايس وانه نوع من البلطجة فرضتها البطالة 
فقالت ولاء السيد : السايس هو بلطجي العصر ، وياتدفع يااما ماتزعلش من الهيحصل لعربيتك وفعلا هو خدش بعرض العربية علامة انك غصب عنك هتدفع !!!! حسبي الله ونعم الوكيل في السايب الناس دي ف الشوارع بدون حق وعلق يحيى ابو طالب : انا يمكن ليا وجهه نظر تانيه شويه اني انا اديلهم فلوس بمزاجي احسن ما يخدوها غصب عني بمعني اني لو مديتوش و حس بإن المجتمع ساخط عليه و متجاهله هيعمل اييييه ؟ هيبقي حرامي أد الدنيا و يسرقني و يسرقك
وقالت ريهام حلمى : بصراحة مختلفة معاك ..انا لولا السايس اللى بيظبط لى مكان في اجدعها زحمة كان زماني بغني ظلموه انا بعتبرها صدقة... وهو بيتعب عشان يلاقي مكان لكل واحد وكده بس ماليش فى اللى بيظهره بعد ما بركن مش بديهم... انا بتكلم على اللى بيساعدك بجد..والله أوّلى بالمعروف وكفاية وقفة الشارع وبهدله دة كان جزء من التعليقات اللى كانت بتحمل اراء ووجهات نظر مختلفة لكن البوست عامة نسى موقف الفنان واشتغل سخرية وجدل على شغلانة السايس وقرر بعضهم انه ينزل يشتغلها والركنة بخمسة جنيه والحسابة بتحسب ..
--------------- اكسجين مصر :اسعى لاثبات الحقائق المجردة فهذا ما تقضيه امانة الكلمه