بالفيديو: العامل المصرى بالأردن يحكى تفاصيل الإعتداء عليه واهانته : عاملونى كحشرة ورمانى بالحذاء

كتب: شهرزاد الثورة
يحكى العامل المصرى عما حدث له من النائب الأردنى واخيه لبعض الصحفيين والمواطنين من الأردن الذين تعاطفوا معه وونددوا بالفعل المشين والمهين لكرامة المصرى والذى صدر من النائب واخيه تجاهه .. يقول المصرى فى شهادته جاء اخو النائب ومعه اصدقائه ولم أكن أعرفه إلى المحل فى حوالى الساعة الواحدة بعد منتصف الليل ليلة الجمعة وطلب احدهم أوردر وكان الأوردر تحت التنفيذ لكنه يسير حسب النظام وتبعا لرقم الطلب وأوضحت له ذلك 

بكل هدوء فى حين عاملنى كحشرة بأسلوب فج وعنيف ومهين فتركته وذهبت اتحدث لشاب من العاملين بالمطعم لإستعجال طلبه ففوجئت به يلقى بحذائه فى وجهى ويقول ليه بتحكى وليه بتتكلم من أنفك بتتكبر على مين يا مصرى .. المهم فضل يهدد سأخرجك من الأردن وارجعك بلدك ولازم تسيب المطعم دة .. زملائى ابعدوه وابعدونى وتركته وانصرفت وانا مغلطش فيه واتحملت لأقصى درجة أسلوبه واهانته فى مكان أكل عيشى تانى يوم يعنى يوم الجمعة لقيت اتنين لابسين بدل ومعاهم ناس تانية دخلوا فى حوالى الساعة 6 مساءا وسألوا عليا وقالوا لى انت 

اللى عملت المشاكل امبارح مع أخو سيادة النائب وأنا حتى معرفش من فيهم النائب انا معرفش حد قلت ولا مشاكل ولا حاجة طلبوا يقابلوا المدير فالمدير جه وقابلهم وانا دخلت اشوف شغلى وبعدين صليت المغرب وواقف لقيتهم دخلو عليا وضربونى كل واحد فيهم نزلوا فيا ضرب وشتيمة واهانات بدون رد منى ولا سابق معرفة ولا اى حاجة حصلت تستفزهم من ناحيتى بالعكس هم كانوا بيسخروا منى بتصلى المغرب ونزلوا ضرب وانت لازم تسيب الشغل وانت متعرفش انت بتتعامل مع مين .. وزى ما شفته فى الصور والفيديو لم يصدر منى اى خطأ فى حقهم وتحملت اهانة فوق طاقتى

--------------- اكسجين مصر :اسعى لاثبات الحقائق المجردة فهذا ما تقضيه امانة الكلمه