السيسى بارك الله فيه طلب تجديد الخطاب الدينى وهو ولى امرنا ..... ما نسمعش كلامه ليه ؟؟!!!
الدكتورة هدى بدران الأمين العام للإتحاد العربى النسائى فى لقاء تلفزيونى .تتحدث عن تجديد الخطاب الدينى وتقول فى حاجات كانت بتتعمل ايام الرسول ماينفعش تتعمل النهاردة لأن المجتمع اتغير وتطور والناس عملت قوانين ومش كل حاجة هنقول الشريعة بتقول ايه .. اللى عمل الشريعة بشر ناس زينا الإلهى الوحيد هو القرآن بس هو اللى كلام منزل كلام ربنا .. فيما عدا هذا فهو انسانى يخطئ ويصيب زى ما عمر ابن الخطاب قال اصابت المرأة
واخطأ عمر .. لكن انا ابن حنبل يقولى انا اعمل كذا وانا اخدة دكتوراة ..يعنى ابن حنبل مين دة علشان اسمع كلامه وانا معايا دكتوراه وفضلت ادرس 15 سنة واكسر مخى يقولى انا اعمل ايه ... لا دة بالسلامة يعنى بالسلامة وبعدين يقولوا شهادة الرجل بشهادة اتنين ستات يعنى شهادة البواب الذى لا يفقه شئ غير انه يجيب الطلبات ويشغل
الأصانصير ويحرس البوابة .. دة شهادته باتنين من صنفى ازاى .. اى مهمة ما لايسوق فيها حاجتين المنطق والعدالة .. دة ملف محدش يختلف عليه انا بشتغل بمنطق وعدالة وكفاءة فقط اذا انا ما اشتغلتش بمنطق وعدالة وكفاءة فى كل شئ احنا مش هنتقدم للأمام والسيسى بارك الله فيه قال نجدد الخطاب الدينى ما نسمعش الكلام ليه أصل دة مش دين دة سلطة .. اللى يقولك تعمل ايه وما تعملش ايه دى سلطة عليك لكن لما نسمع كلام السيسى ..السيسى هو ولى امرنا هو مش الحاكم هو ولى امر برضه ما نسمعش كلامه ليه نسمع كلامه ونسمع كلام القوانين اللى هى بتنظم الأمور وتخلينى مع غيرى احافظ على حقى والمجتمع يمشى لقدام ويبقى فى عدالة ويبقى فى منطق واى اختيار تكون الكفاءة هى الأصل .
--------------- اكسجين مصر :اسعى لاثبات الحقائق المجردة فهذا ما تقضيه امانة الكلمه
0 تعليقات
أكتب تعليق على الموضوع