TE Data خدمة النترنت من شركة المصرية للإتصالات عاملة صفحة على الفيسبوك تتابع فيها شكاوى العملاء ولشدة اهتمامهم بالعملا لاحظنا الآتى صراخ فى تعليقات عن سوء الخدمة وانقطاع الإنترنت رغم دفع الإشتراك ومشاكل من النوع دة كتير ..... والرائع فى الموضوع أو هكذا يبدو ان الأدمن المسئول عن الصفحة بيرد على كل الشكاوى وبيتابع كل التعليقات بس للأسف بنفس الجملة ونفس التعبير كوبى وبست ... وهنقل لكم بعض الشكاوى واتفرجوا على الردود السلام عليكم. حضرتك انا اشتركت يوم 21 اكتوبر . ولسه النت موصلش. اشتركت في العرض الجديد ودفعت 75 لسرعة 1 ميجا 100 جيجا. وقالي بعد كده هيبقي الاشتراك 95 وهتستلم راوتر والمندوب هيتصل بيا. اولا المندوب بتاع حضراتكم دا راجل باشا مش بيعبر حد.، نفس الموضوع حصل معايا ف السعوديه واتصلت ب stc اشتركت في نت علي سرعة 20 ميجا كانت ب 350 ريال. المهم تاني يوم ما اتصلت حضر المندوب والمشكله انه كان مصري ومعاه راوتر شكله رهيب ومدفعتش ليه فلوس بس شكلهم كانو بياخدو 300 للنت و50 للراوتر كل شهر. والمندوب شغل الخدمه وشفرلي الوايرليس وكله تمام . ومرداش ياخد فلوس حتي ليه هو ههههههههههه . قوانين . هنا بقي اتصلت ب 19777 بتمن ما كنت بشحن باقة المحمول وبفضل ع الانتظار اشيل ف ذنوب واسمع موسيقي وامامك فترة انتظار اقل من ؟؟؟؟ امامك فترة انتظار اقل من ؟؟؟؟ ولحد النهارده مش عارفها اقل من كام. حضراتكم الشركه مش ليها ذنب. دي عملاقة الانترنت ف مصر. بس هي خدمة العملاء هم اللي مش تمام بصراحه. اللي بياخد الاشتراك ف السنترال بتاعنا. شكله كئيب وبيرد باستفزاز لو مسمعتوش من الزجاج مثلا وقلتله نعم يتخنق الراجل هههههههههه عاوز اقوله يا ابني احنا مشغلينك عندنا الاشتراك اللي بندفعه دا هو اللي بتاخد منه مرتبك . فحللها يا اخي . اشتغلو بضمير الشركه هتكبر اكتر TE Data بنعتذر عن اى سوء معامله تم و عشان نقدر نساعد حضرتك ممكن تتابع معانا من خلال الشات لمراجعه بيانات خط حضرتك و مساعدتك ان شاء الله يوميا من 8 ص لـ 12 منتصف الليل محمد أكسجين : التليفون عندي مفصول من امبارح والنت بيقطع 0233278877 و المحمول 01112977701 مع العلم ان النت مدفوع و التليفون الرضي مدفوع...ا انا قرفت منك يا بلطجية يا لصوص الله ينتقم منك حسبى الله ونعم الوكيل فيكم TE Data : بنعتذر لو بيواجه حضرتك اي مشكلة يرجي المتابعة من خلال الشات من 8 ص الى 12 ص لفحص حالة الخط و اكيد هنساعدك من خلال اللينك التالي http://goo.gl/oQhpwe الفشل والغش والخداع والنصب والكذب عنوان تي اي داتا شركة بها اسوأ فنيين لايجيدون اصلاح عطل بالسنترال منذ اكثر من 45 يوم الفشل عنوان تي اي داتا النت فاصل عندي بقاله اكتر 45 يوم ياأفشل خلق الله ياشركة زبالة بتقدم خدمة زبالة ومعاد التجديد الشهري يوم 22 من كل شهر وبعتين ليا رسالة عشان دفع الشهر الجديد علي الرغم اني لم استفيد من القديم بتعريفه يعني خدمة زبالة ونصب عندما تعجز ال@#$ TE Data : بنعتذرلك عن اي مشكلة قابلتك في الخدمة ويرجي التواصل معانا عن طريق الشات و احد ممثلي فريق الدعم والمساعدة هايرد علي استفسارك ويساعدك في متابعتها يوميا من 8 ص لـ 12 منتصف الليل http://www.tedata.net/.../Customer-Care-And-Live-Chat. للأسف لو تابعنا مئات الشكاوى سنجد مئات النسخ من نفس الرد ولا جديد حتى خدمة العملا على التليفون انتظار لأكثر من ربع ساعة اهدار للرصيد فى سماع موسيقى والربط على الإنتظار ولا حلول بعد كل هذه المعاناة
--------------- اكسجين مصر :اسعى لاثبات الحقائق المجردة فهذا ما تقضيه امانة الكلمه
){kind=link}
0 تعليقات
أكتب تعليق على الموضوع