كتب:شهرزاد الثورة/تصوير: محمد اكسجين
تقول شقيقة البطاوى أولا اخى صحفى بمؤسسة أخبار اليوم وأنا كمان بشتغل صحفية وعارفة يعنى ايه اخويا يتقبض عليه أو يتأذى بسبب مقال كتبه أو شئ كتبه فأول حاجة كنت حريصة عليها وبعملها ان محمد يخرج باتصالات بمؤسسة اخبار اليوم اتصالات بنقابة الصحفيين كنت بقول خرجوا محمد .. لكن دلوقتى وبعد 6 شهور حبس كل اللى اقدر اقوله الحقوا محمد قبل ما يتعب اكتر من كدة لما القاضى نفسه يقول معلوماتى انك مفروض تخرج بس مش عارفين أمن الدولة هتعمل معاك ايه... فى الأول محمد أصيب بحساسية فجهزنا له شوية علاج وصابون ومراهم وحاجات وقائية بعدها عرفت انه تعب ولقيت زوجة الصحفى أحمد سبيع بتقولى محمد عنده ايه قلت لها احتمال يكون حساسية نتيجة الوضع والمكان اللى هو فيه فوجئت انها قالت لى آه دة دى البداية يعنى المسألة ممكن تبدى تكبر لما توصل لأمور سيئة ولما اتعرض محمد على طبيب وشاف الحساسية منتشرة فى كل جسمه محمد طلب منه يكتب له علاج فالطبيب قاله انا مليش اكتب لك علاج انا أكتب تقرير بحالتك وبس
مع العلم ان محمد ما اتعرضش على طبيب غير بعد شهر ونص من مطالبتنا وعلشان مفيش علاج وبعدين الطبيب قاله دى حالة نفسية انت محتاج تتعرض على دكتور نفسى وفعلا ابتدا محمد انه ياخد يوميا قرصين تدراتول كل يوم قرصين ينام ميصحاش ولما سألت الدكتور عن العلاج اللى بياخده عرفت انه علاج ضد الصرع ابتديت اقوله يا محمد حاول انك ما تخدش الدوا أدامهم او اعمل انك اخدته وارميه او اعمل اى حاجة انا حاسة انك بتموت موت بطئ دول بيقتلوك مش بيعالجوك والناس دى قاصدة انها تدمر أعصابك .. وبعيدا عن الكلام عن المشقة والتعب والمرض اللى فى السجن .. فى كلام مسرب لأخويا محمد بعد فترة اختفاؤه القسرى لما قال انا بكيت بحرقة أمام ظابط أمن الدولة عندما ذكرنى بزميلى الصحفى الشهيد أحمد عبد الجواد وزميلتى ميادة أشرف وزميلى الحسينى ابو ضيف و انه كان بيتم تهديدهم بمصير مثل هذه الشخصيات وتذكرت ساعتها زراوى والأبانى وراضى وشوكان وعمر عبد المقصود وآلمنى بشدة ان يكتب تاريخ الصحافة بالحديد والنار وللأسف هو دة الواقع وهذا ما تواجهه الصحافة فى مصر واعتذر .. واضافت شقيقة البطاوى انه ابنته الصغيرة وعمرها سنتين ونصف ما زالت تنتظر والدها وبتحلم باليوم اللى يرجع فيه احنا بنطالب بحرية البطاوى علشان فرحة اطفاله فرحة سندس وهيا وهمس الأبارى حرية علشان اطفال اتحرموا من ابائهم وعرفوا وهم اطفال وابرياء يعنى ايه ظلم .
---------------
اكسجين مصر :اسعى لاثبات الحقائق المجردة فهذا ما تقضيه امانة الكلمه
0 تعليقات
أكتب تعليق على الموضوع