بالفيديو: اعتراض طبيب امام النقابة لتقصيرها فى معالجة الاطباء

تصوير:محمد اكسجين/مدونة اكسجين مصر

وقف الدكتور يحيى عبد الشافى امام نقابة الأطباء موجها رسالة جديدة لنقابة الأطباء ووزارة الصحة ولأجهزة الدولة المعنية بصالح المواطن وصحته قائلا الأطباء مش لاقيين علاج انا عاصرت حالات كتير فعلا أطباء يخدمون فى وزارة الصحة 20 و30 سنة وبعدين لما يحصله حاجة مش بيلاقى علاج والطبيب يعامل معاملة تانية اقل من اى فئة من فئات المجتمع وخاصة فى نواحى الرعاية الصحية والعلاج والطبيب اذا حصل له حاجة فى المستشفى او انتقل له عدوى من المرضى ميلاقييش علاج وبيموت وبدل العدوى الذى يتقاضاه الطبيب اقل بعشرات المرات من فئات وناس تانية يعملون فى الشرطة او الجيش والقضاء او الجهات السيادية وانا كطبيب لما ألاقى وزير الصحة بيرجع للدولة من ميزانيه الوزارة 3ونص مليار جنيه من ميزانية وزارة مش قادرة توفر أجهزة صحية جيدة وادوية لعلاج المرضى والطبيب فيها مش عارف يتعالج يبقى هذه المنظومة بها خلل فى منظومة وزارة الصحة اللى الوزير فيها عايز بس يحافظ على كرسيه ومش مهم يتهان الدكاترة او يموت الدكاترة فالإهانة مش بس من امين شرطة داس على راس دكتور الإهانة ان الدكتور ملوش مستشفى يتعالج فيها ولما بيتعب مش بيلاقى علاج يعنى لما نتقدم لمستشفيات عامة زى 

مستشفى القصر العينى اللى توجه ليها احد الأطباء لإجراء آشعة رنين على ركبته عميد الكلية رفض وقاله ما ينفعش علشان انت مش اصطاف عندى يعنى مش دكتور عندى رغم ان معاه الكارنيه فالأطباء مش لاقيين مكان نضيف ولا مستشفى يتعالج فيها ولا حتى فى المستشفيات الحكومية فحق الطبيب علاج كريم نظير المجهود اللى بيقدمه للمرضى وتعرضه لمخاطر العدوى . مفيش أمان صحى ولا كرامة طبية فان شاء الله اذا كان مجلس النقابة مش قادر يوفر للأطباء بتوعه خدمة العلاج بكرامة وخدمة صحية تليق بطبيب يبقى هو عاجز ولا يستحق المكان وعليه ان يوفر الخدمة الصحية التى تليق بالطبيب وما يقلشى مفيش زى رئيس الجمهورية .. احنا جبنا ناس تخدم ولازم يكون قادر على توفير الموارد دى لأن بالفعل فى موارد مش عايزيين مجلس روتينى يقول معنديش وانا عرضت عليهم نتقدم للدولة بطلب قطعة ارض نبنى عليها مستشفى يتعالج فيها الأطباء واحنا نكمل بنائها استغربوا الفكرة واستحالوا تنفيذها وانا مش عارف الناس دى جاية تخدمنا ازاى .. وخصوصا ان تخصيص الأراضى بيتم بسهولة لناس تانية كتير منهم الحرمية ورجال الأعمال يعنى احد رجال الأعمال اخدر مساحات شاسعة من الدولة بتراب الفلوس فى مدينة نصر ومازالت دولة مبارك تحكم والنقابات لها خط احمر لا تتخطاه .. امناء الشرطة ورجال القضاء لما بيكون لهم 

حق بيطالبوا بيه بياخدوه احنا كمان من حقنا نطالب بحقنا وناخده انا من حقى كدكتور ادخل مستشفى ألاقى علاج اعرف اتعالج بكرامة ومن الحاجات المثيرة للضحك استبعاد علاج الأسنان من الللائحة وكأن الأسنان دى خارج تغطية الجسم يعنى لو احتاج عملية لخراج او علاج جذور اسنان يترفض اصله خارج اللائحة ومش تبع الجسم أكرر ندائى لنقابة الأطباء ان يكونوا ايجابيين وان يطالبوا بحقوقنا لأن لابد من تغيير النظرة لكل النقابات تختلف والدفاع عن اعضاء النقابة المحبوسين وحقنا نتعالج العلاج حق لكل طبيب خدم الصحة والبلد ولابد ان يأخذ كل ذى حق حقه وليس من المنطقى ان يتولى حسابات وماليات وزارة الصحة لواء جيش ليه لواء جيش يمسك لنا حسابتنا فى وزارة الصحة .. هى وزارة صحة ولا قوات مسلحة .. دة شئ عجيب لايجب السكوت عليه ونقابة الأطباء ان لم تستطع رعاية حقوق ومصالح الأطباء ونفذت مطالبهم ممكن ان نكون نقابة موازية لأن هذا المجلس ان لم يحقق للطبيب الحد الأدنى من الكرامة والعلاج والمعيشة الطيبة فلن يكون جديرا بثقتنا .

--------------- اكسجين مصر :اسعى لاثبات الحقائق المجردة فهذا ما تقضيه امانة الكلمه