بالفيديو: صحفية “صوت الأمة” بلطجية الداخلية قاموا بالاعتداء علي ومزقوا ملابسي وشعري

لحظة الاعتداء على الصحفية تصوبر:اسماء جمال

تصوير:محمد اكسجين
شهادة عن ماحدث اليوم امام ‏محكمة_زينهم‬
توجهت للمحكمة في تمام الثانية عشر ظهرا .. للقيام بعملي كصحفي ميداني يرصد الاحداث في الشارع ويوثق منها ما يستطيع
واليوم كان الاستئناف علي قرار النيابة بحبس 25 شاب لمدة 15 يوم علي خلفية احداث ‫#‏جمعة_الارض‬
منذ وصولي الي محطة السيدة زينب وسائق الميكروباص بيقول للركاب خلي بالكم من العيال بتوع 6 ابريل اللي متجمعين عند المحكمة
ووصلت وجدت عدد من الصحفيين ومعهم اهالي الشباب المحبوسة واصدقائهم ينتظرون امام المحكمة قرار النيابة
شاهدنا عدد كبير من النساء ذات العبايات السوداء متواجدين بجوار المحكمة
ومع اقتراب خروج الشباب من المحكمة لترحيلهم الي اقسام الشرطة .. جاء من يحذر الشباب ان هناك بلطجية تحتشد بالزجاج والطوب وتستعد لضرب المتواجدين في محيط المحكمة
وبالفعل تحركت البنات من امام المحكمة وانا ظللت واقفة وانا اظن ان عملي كصحفية سيحميني
خرج الشباب الي الاقسام في حماية الشرطة .. وبدأت من بعدها الفوضي .. صوت صراخ في كل مكان والكل يجري في اتجاه المترو .. وعربات الشرطة تقف باعداد كبيرة في الطريق ولا يوجد ممر نجري ونهرب منه سوي الرصيف الذي يمتلئ بنساء اشكالهم غريبة
حاولت التحرك انا ايضا للخروج وانا امسك الكاميرا في يدي .، فوجدت احدهن توقفني وتسالني انتي معاهم ؟؟؟
فأجبت انا صحفية ورفعت الكاميرا ...
وكانت اجابتي سر التفافهم حولي والضرب في كل مكان ..
حاولت واحدة منهم شد الكاميرا والاخري اخذت تمد يدها داخل حقيبتي
كان عددهم حوالي 6 نساء وانا قررت ان احمي كاميرتي .. ولم اتركها لهم
احدهم قطعت ليا شعري بين يديها والاخري تضرب في ظهري و رقبتي ووشي
الاصابات الظاهرة لا يوجد .، ولكن الالم ينتشر في كل عظام جسدي
قررت ان اذهب القسم لتسجيل بلاغ ضرب واعتداء وسرقة وتواطئ من الامن الذي كان يشاهد كل ماحدث ولا يتدخل
ووجدت هناك بنت اخري تم ضربها وسحلها وسرقتها ايضا
قابلنا ظابط ومن ظابط لحجرة تانية بظابط اخر وبعد كده نقعد ويجي ظابط تاني يسال .. وكان واضح انهم مش هيعملوا محضر وبيجهزوا لحاجة وخصوصا بعد ما طردوا الشهود اللي كانوا معانا
اخبرت الظابط ان يكتب المحضر لاني اريد الذهاب للمنزل والراحة
فكانت اجابته احنا هنا في قسم .. ابقي ارتاحي في بيتكم
وجاء الطلب ان نذهب الي رئيس المباحث .. ذهبنا الي غرفته .، فقال لنا لو حد معه صورة او فيديو للشرطة وهي بتتكلم مع حد من البلطجية هاتوه
واحنا مكنش ينفع نعمل حاجة ومنعرفش مين البلطجية دول ومحضركم هيكون ضد مجهول
نزلنا مرة اخري الي الاستيفة وطلبنا التراجع عن المحضر فاجابنا احد الظباط هو دخول الحمام زي خروجه .. هيتعمل باسامي كل الموجودين مذكرة وبعدين تخرجوا
كان واضح جدا ان في حاجة بتتدبر لنا في القسم من تصرفاتهم وطريقة التعامل والكلام
اتعمل مذكرة واخدوا كل بياناتنا وكاننا احنا المتهمين
مشينا من القسم واحنا مش مصدقين اننا خرجنا منه ..
نورا عفيفي
مراسل صحفي

--------------- اكسجين مصر :اسعى لاثبات الحقائق المجردة فهذا ما تقضيه امانة الكلمه