فوزى الرشيدى يكتب : حديث الظالمين

-

تقابل ثلاثة ظالمين على قهوة واخدها خرابه وبما أن لكل إرهابى إسم يسبقه أبو فلان .. فكان إرهابى الحرية أسماؤهم هى

الأول أبو علاء وهو كبيرهم سناً الثانى أبو محمود الثالث أبو مصطفى جلس ثلاثى الظلام يتباهون بظلمهم وكل منهم يستعرض قوته فى الظلم فكان الحوار بينهم كالتالى أبو علاء أنا حكمت 30 سنه هجرت شبابها نشرت الفساد فى كل أنحاء المعموره حتى ظن الناس أن الفساد طقوس يوميه يجب اعتيادها ، دخلت الدم الملوث ، شاركت فى حرب العراق بأمر من أمريكا ودمرناها وشغلت إعلامى المطبلاتى يشتم البرادعى وإنه السبب ، همشت التعليم والصحه وزاد الجهل والمرض والعشوائيات ، كنت بضيع الدخل القومى فى بناء كبارى هشه ، وكل مااتزنق أقول هنعمر الصحرا وتوشكى واكتشفنا غاز ، وكنت سايب الناس تتسلى واللى يفتح بوءه بزياده عندى أمن يقطعوه حتى جه يوم قام شوية شباب عملوا ثورة عليا وشالونى بس كنت خاربها والمصيبه فيه ناس متمسكه بيا بعد كل هذا الخراب وشالونى وقالوا هيجيبوا واحد مدنى مكانى وجابه أبو محمود

رد أبو محمود عليه بس متقولش مدنى أنا إخوانى والاخوانى لا مدنى ولا عسكرى لكنه بياخد الاسلام هو الحل للوصول للكرسى ولما وصلت معرفتش احافظ عليه لأنى بدأت من حيث انتهيت يا أبو علاء ونزلنا الثورة اللى شالتك لكن بعد يوم 28 لما لقينا الشباب مصمم انك تمشى فكنا لازم نركب وركبنا وخوناها وعملت صفقات مع عساكرك ضد اللى شالوك وقولنا على الشباب بلطجى وترمادول وسجناه وقتلناه وشغلنا اعلامنا يكفروه وكنت هاعمل تفريعه ومشاريع شرق التفريعه فيها سبوبه للجماعه حلوه وقطر كانت الراعى الرسمى لبرنامج بيع بلدك وحبسنا دومه وقتلنا الجِندى وكريستى وطغينا فى الارض ونشرنا مليشياتنا لترهيب كل من يخالفنا لأنه يخالف الدين ونحن خير من يمثل الدين لكن فى سركم كنا نستغل الدين قص ولزق حسب المصالح وبيعنا سينا كمان بس ملحقناش نسجل العقد وقولنا هنعمل نهضة واكتشاف غاز بردو واتصورت فى غيط القمح زيك يا ابو علاء لحد ماجه شباب خلعونى وجابوا أبو مصطفى ورجع حكم العسكر

رد أبو مصطفى لا والله ماحكم عسكر ، أنا لقيت الشعب مش لاقى حد يستغله وخاصة بعدما شوهنا كل مدنى حر وخدناكم يا ابو محمود على رجلنا وخلعنا عنكم قناع الدين فكان لاز الشعب يدور على منقذ وكنا احنا الجاهزين واخدتها خرابه رغم ان اللى خاربها من 64 سنه حتى اليوم عسكرى لكن شعب طيب اوى ، كلمتهم بحنيه طلعت اللى فى جيوبهم ، عملت تفريعه ملهاش لزمه سجنت الشباب واللى يزودها يموت واعلامى يقول عليه ارهابى ، دخلت الجيش فى كل سبوبه حتى لبن الاطفال وكل شغل هندسى ، نشرت جنودى للقتل والتشويه جبت كل مساعدينى من اهلى وعشيرتى ، شغلت الباقى لتخوين كل من يعارضنى ، بعت الأرض واللى يعارض البيع اسجنه واللى يقول مصريه اشوهه، والغريب يا ابو علاء ويا ابو محمود عندى بهاليل زى بتوع آسفين يا ابو علاء وزى بتوع ابو محمود راجع مصدقين ان ليا انجازات واستغليت الوطنيه هى الحل للوصول للكرسى وسجنت دومه برو يا ابو محمود وشوهت البرادعى وصباحى وكل حد بيحب البلد ومش عسكرى ولا رجل اعمال

كان فى الكرسى المقابل شاب ثورى سامع للحوار فرد مسرعا على ثلاثى الظلام تحيا مصر من غيركم ويحيا جيش مصر بدون جينرال فاشل خاين ، وانا اللى مش اخوان وانا اللى مش عسكر بس الجدعان والله العظيم اكتر فحل النهار على ثلاثى الظلام فما كان منهم الا ان اختفوا كمصاصى الدماء لأن الثوره لهم كالشمس التى تحرق مصاصى الدماء  

عاشت مصر وعاش ثوارها الأحرار5 ------------------------- اكسجين مصر :اسعى لاثبات الحقائق المجردة فهذا ما تقضيه امانة الكلمه