15 نصيحة مصيرية لطلاب الثانوية العامة عن دراسة الإعلام
1- ابتعدوا عن كلية الإعلام لما تمثله من الولا حاجة في سوق العمل
2- هتشتغل هتلاقي رئيس قسمك دبلوم تجارة ومدير تحريرك ممكن يكون معهد فوق متوسط.. وفي بعض الأماكن هتلاقي رئيس التحرير بكالوريوس تجارة عادي جدًا متتفاجئش.
3-فكك من جو انك هتغير الكون بكتاباتك النارية، لإنها هتتحجب، ولو ع السيناريو فأخرك هتبقي مقيم في قهاوي وسط البلد.
4- الوصول للشاشة عايز مجهود كبير أووي "تعريض" فمتحطش في دماغك إن إعلام بتطلع مذيعين.
5- التعريض بديل الواسطة في المهنة والعكس.. بس لا غنى عنه ولازم تكون فهلوي ومنظراتي
6- لو ناوي تطبل أعرف فن اللعبة وأصولها ومتديش قيمة لحد مايستاهلهاش يعني ألعب صح
7- مرة تاني لو كتاباتك اتحجبت وعملت جيفارا هتتحبس
8- كل خريجين الكليات بيشتغلوا صحفيين وإعلاميين وكتاب، بس انت كخريج إعلام يا بتقعد ف البيت يا بتشتغل صحفي بالعافية.
9- القصة بقيت بيزنس مش أكتر.. لعبة فيوهات وإعلانات وشركات
10- أدخلوا تجارة إنجلش وخارجية، أداب لغات، حقوق حتى، ألسن، أثار، أي حاجة
11- أول ما تتخرج هتقعد سنتين شغال من غير فلوس بتتحلب تحت بند متدرب، ومن ثم مكافأت 200 جنيه، وهيتطور بعدها الموضوع، لـ 600 جنيه راتب شهري، وبعد ما تقف على رجليك هتاخد مرتب 2000 جنيه.
12- بعد ما تفقد لذة الحياة، ودماغك تتفشخ ويجيلك أمراض الدنيا، وشعرك يقع.. هتاخد كارنية تتعالج بيه ويديك حفنة فلوس تساعدك، أسمه عضوية النقابة.
13- الدراسة حمادة والشغل ميادة
14- خدوها من قصيرها وابعدوا عن المجال عشان المشرحة مش ناقصة قتلىّ.
15- متضيعش فلوس أبوك وتدخل إعلام خاص.. أفتح بيهم مشروع أفيد.
باختصار شديد المهنة دي مفيش ليها شروط عشان تشتغل فيها.. يعني الدكتور والمهندس والمحامي والعاطل وابو اعدادية يشتغلها عادي.. وانت متقدرش تشتغل في وظيفة حد منهم..
مهنة عايمة ومالهاش ضوابط. واي كلام ف ودان علام وعبيله واديله ومولد وصاحبه غايب
ابعدوا عن الموضة
#_الاعلام_الحقيقة_المره
0 تعليقات
أكتب تعليق على الموضوع