اغتيال القط ميشو فى سجن طرة تحقيق

اغتيال القط ميشو فى سجن طرة تحقيق
في المعتقل كان في قط اسمه ميشو لونه برتقالي كان جميل جدا كل المعتقلين كانوا بيحبوه لانه كان مميز طول ماهو ماشي بتقولو يا ميشو يقعد ينونو عليك كانه بيرد التحية ولو انت في عنبر وهو في عنبر تاني اول ما تنده عليه بيجري يجيلك ؛ بيوقف على الزيارات وهي داخله وينمر على الزيارات لي فيها اكل وبيعرف الزنزانه لي فيها اكل وبيروح لغاية هناك وكمان كان بيطلع النضارة بشكل غيرعادي كانه بني ادم وكان بيمد ايده وبياكل بيها زي البني ادمين فاصبح مشهور جدا وكل المعتقلين عارفينه وبيحبوه جدا (من كتر ماهو مش طبيعى ومميز وبيفهم كنا بنقول عليه مرشد للمباحث)
محمد عبد العظيم (رئيس المباحث)عمل ايه بقا ؛ قال للعساكر اللي هما اساسا مسجونين معانا عشان هربانبن من الجيش قالهم تجيبوهولي الصبح في شوال ففعلا جابوه في شوال وقعد يضرب فيه جامد و يشتمه ويقولو يا ابن العاهره يا ابن كذا .. يا ابن كذا انت فاكر نفسك ايه مش قلتلك هجيبك انت ولا حاجه وقعد يضربه وبعد كدا خلى العساكر بتوعو يربطوه من فوق الشوال ويحذفوه في الزباله كل ده عشان كان ميشو اشهر منه بس