علاء الأسوانى : الإعلام المصرى قام بتخريب وعى المصريين بالكامل و النظام القديم يحكم قبضته على السلطة

تصوير: محمد اكسجين
كتبه :شهرزاد


هل كل الإنفجارات الآن متزامنة مع غلاء الأسعار ...؟؟؟ احنا فى وقت صعب بالنسبة للثورة يعنى ممكن تتعطل شوية بس الإخوان المسلمين انا لست متعاطفا معاهم لأنهم سبب البلاوى اللى احنا فيها الثورة ذو وعى ممكن تبقى محتاجة نتايج الثورة بس انتى مش محتاجة للثورة نفسها بمعنى ان الذى يصنع الثورة مش الظلم لا هو الإحساس بالظلم والوعى باسباب الظلم وبالتالى فى قطاع كبير من الشعب المصرى محتاج الثورة جدا فى اوقات كتير كان محتاج الثورة اكتر من اللى عملوها لكن معندوش الوعى بتاع 

الثورة وتم ترويعه على مدى 3 سنين بطريقة متعمدة كما نعرف جميعا بحيث ان الطريقة المثلى لتفريغ اى ثورة من مضمونها هو انك تضع الناس فى ظروف اصعب من اللى ثارت ضدها وبالتالى الناس العاديين تحس ان الثورة دى هى سبب كل المشكلات وان الثورة دى هى اللى جابتنا لورا وحاجات زى كدة لأن الراجل لو كان بيكسب مكسبه قل خايف على اولاده وفى انفلات امنى متعمد كلنا عارفين انه متعمد حبيب العادلى فى خطة لفتح السجون واخت اللوا البطران فى ندوة قالت لنا ايه اللى حصل قد يكون السجن اللى كان فيه الإخوان تم الهجوم عليه دة ممكن وارد انما 

خطة تفريغ السجون دى خطة منشورة كانت منشورة فى الشروق والدكتور مصطفى الفقى كان بيتكلم عليها وقال ان دى خطة كانت معمولة لو الناس رفضوا جمال مبارك فالحالة اللى وصلنا ليها دلوقتى حالة اصبحت محتاجة ان الإنسان يراجع موقفه هو موقفه فين بالظبط لأن الرسالة اللى انا اعلنتها دلوقتى تعبر عن قطاع عريض جدا من الشباب اللى متعلق بيك وانت حياته و., وبيعامل اسوأ معاملة و متهم بالعمالة والخيانة وجو السجون الموضوع دة جه ازاى لو تراجعى الخبراء الإستراتيجيين هتلاقى ان دة نفس الكلام اللى كان بيتقال خلال ال18 يوم فى بداية الثورة ان دول ممولين ودول كذا وان فى فراغ فى اسيا الصغرى وكلام من هذا الهراء

الفكرة دلوقتى ان عندك اعلام للأسف هو اعلام متحرر من اى قيمة اخلاقية او قيمة مهنية يعنى انت عايز تعمل اغتيال معنوى لواحد يتقول عليه اى كلام وبتجيب ناس تقول اى كلام وتشتم وكمان احنا معندناش اعلاميين احنا عندنا ناسبتطلع تدينا دروس وموجهيين سياسيين يعنى عندنا الست بتاعة الصبح دى وغيره وغيره وللأسف اللى احنا 

بنسخر منه كثوريين بيأثر فى الناس فعلا متنسوش ان عندنا 30 سنة من حكم مبارك فى التعليم والإعلام والثقافة فيعنى معندوش الحاجات الأساسية يعنى لو قلت يا بنى انا بنتقد الرئيس السيسى يقولك ايه انت بتشتم الرئيس السيسى ؟؟ وانا بقول بنتقده فالفرق بين النقد والشتيمة المفروض الناس من ابتدائى تبقى عارفاه وبعدين يقولك يعنى انت كاره جيش بلدك ..ايه علاقة دة بالجيش طيب يعنى انا بتعالج عند دكتورسنان طلع دكتور فى الجيش لقيته كسر لى فكى مثلا واشتكيته فى النقابة ايه علاقة دة بالجيش يعنى انا انتقد اداء لشخص ينتمى للجيش بس الآداء 

بتاعه خارج الموضوع العسكرى لأ كله دلوقتى بيتلخبط على بعضه وللأسف مش بس فى الإعلام فى سوء فهم خارج الإعلام والرسالة اللى عايز اقولها دلوقتى هى لسان حال ناس كتير انا حاولت اساعدك وناس كتير ماتت وناس اتصابت زى حرارة وغيرهم واحنا كان ممكن نكمل حياتنا بعيد عن الثورة يعنى بنحاول نساعدكوا وانتوا فى نفس الوقت بتشتمونا فقبل ما تعمل رد فعل غاضب لازم تشوف اللى بيحصل بالظبط واللى حاصل بالظبط هو ان النظام القديم يحكم حكمه على السلطة فاذا كان الرئيس السيسى يجى فى وقت من الأوقات ويعمل زى محمد على والمماليك ويتخلص منهم انا هبقى اسعد واحد فى الدنيا انما حتى الآن التشكيل الوزارى دة تشكيل مبارك من اوله لآخره وكأنها حكومة احمد نظيف وحرية الرأى غير مسموح بيها ولا اتحدث عن نفسى واللى حصل لى ولكن اتحدث عن الأخرين محمد فتحى فى الوطن تم الإستغناء عنه و بلال فضل واهل اسكندرية وامبارح رئيس الوزرا يقول اصلها بتقدم صورة سيئة للداخلية وكدة والكلام دة معناه ان انت ورا الموضوع وباسم يوسف كمان ..فى النهاية انت عليك ان تسأل 

نفسك انت كنت مخلص لهذه الثورة علشان احترامك لنفسك واحترام مبادئك واخلاصك لهذه الثورة ولا علشان منتظر مقابل من الناس ان كنت تنتظر مقابل من الناس فاعلم ان قطاعا عريضا من الناس لا يستحق هذه الثورة ولا يستحق التضحية من اجله وقطاع عريض من هذا الشعب لا يستحق هذه التضحية وانا اسف انى بتكلم بمنتهى الصراحة وانا بأكد قطاع عريض وليس كل الشعب قطاعا عريضا من هذا الشعب لم يكن يريد الثورة وأؤكد انه لا يستحقها ولا 

يستحق هذه التضحيات وانا ارى ان اللى عملوا الثورة مكانش مستنى تقدير ولا تعويض من حد يعنى مفيش حاجة تعوض حرارة عن نور عينيه وعن مهنته اللى هو تعب فيها جداواللى هى انتهت بالنسبة له لن تعوضوا المصاب اللى هو عموده الفقرى انضرب بالرصاص ولن تعوضوا اهالى الشهداء ابدا عن ابنائهم ان كنت ولا زلت متمسك بالثورة لأنها مبدأ ولأنها حق ولأنك انت عندك الوعى الحيادى ولأنك لو بعت مبادئ هذه الثورة مش هتحترم نفسك وبالتالى وانا ماعتقدش ان الثوار عندهم اى اختيار فى انهم يهملوا هذه الثورة معندهمش اى اختيار ولكن اياك ان تعتبر اننا عملت الثورة من اجل هؤلاء الناس لأنى عايز الناس يقدرونى لأ الناس دى حاجة تانية خلينا نتكلم بصراحة الناس دى حاجة تانية علشان تعمل مجهود معاهم وتفهمهم ان اللى عمل الثورة دول انبل ناشباب واللى هم فى السجون 

دلوقتى وبيقولوا عليهم عملا ومفيش دليل واحد على كدة .الإعلام المصرى قام بتخريب وعى المصريين بالكامل بحيث ان الناس مبقتش قادرة تشوف حاجات واضحة جدا يعنى لما انتقد الرئيس السيسى يبقى بشتم مصر يعنى الرئيس السيسى بقى مصر هل رئيس الجمهورية هو مصر ازاى كدة يبقى معنى كدة ان الحزب المعارض فى اى دولة ديمقراطية مجموعة من الخونة مفروض يتعدموايعنى الإعلام سيطر على عقول وغير مفاهيم قطاع عريض من الشعب المصرى والثورى له نظرة مغايرة لا يفهمها هؤلاء لأن عاش الحدث فى الواقع شاف الدولة وواجهها بوجهها القمعى على الأرض الى متى يظل الشعب لعبة فى يد السلطة يلهيه بالتفجيرات واختلاق الأحداث بعيدا عن واقع ومطالب الثورة ؟؟ لأن ببساطة ان الثورة لم تعد تلقى تأييدا شعبيا فى الواقع لذلك لازم نشوف الواق زى ما هو مش زى ما احنا عايزيينه وإلا هنعمل زى الإخوان ايام يناير مكانوش مع الثورة والأعلام الرسمى قال ان اللى فى الميدان اخوان 20 مليون اخوان وزى ما الإخوان مقتنعين ان اللى نزلوا يوم 30/6 دول فوتوشوب وفيلم فمن المفروض ما نكررش نفس الخطأ الثورة الآن تأييدها الشعبى فى اقل اقل اقل احوالها ونجحت الخطة الإعلاميةجهنمية مع خطة أمنية على مدى 3 سنوات ان الناس كارهة الثورة وكارهة سيرة الثورة ومش عايزة تسمعها ومتشككة فى كل الناس اللى نزلت الثورة ايضا الحل ايه ؟؟
احنا معندناش خيار غير الدفاع عن الثورة ومبادئها وعدم التخلى عنها لأن انك تهملها دة معناه انك بتبيع حق الشهداء اللى سقطوا فى هذه الثورة ودة مش من حقنا انما فى نفس الوقت علينا ألا نعيش فى الأوهام لأن الشارع مش معانا واللى بقول ان الشارع مع الثورة يبقى ميعرفش الشارع . الشارع دة مش مع الثورة وانا اتفق ان الشارع مش مع السلطة بشكل كامل بدليل انه منزلش انتخابات

اين النخب من بعد 30 /6 والرموز من مطالب اللى نزلنا علشانها وخصوصا ان خيارات ما بعد 30/6 انحسرت فى الإنتخابات بين السيسى وحمدين ؟؟؟ الخيارات بعد 30/6 اصبحت انا اصادرحريتك يعنى لو نزلتى مظاهرة تتسجن 15سنة فى المقابل ممكن تاخد شقة لولادك ممكن نزودك شوية نوفر احتياجاتك وامنك 

دة الخيار اللى بيشغل قطاع عريض من الناس يعنى الحكاية انهم اشتغلوا على 80%من الشعب المصرى لأن طبقة المثقفين والثورة مش هتوافق بالخيار دة لأن الثورة قايمة اساسا علشان حقوق وحريات وبالتالى انا هرجعكوا لأنكوا اقلية هرجعك لسلم النقابة تانى ومش كدة وبس دة انا هخلى الأغلبية من الناس اللى عايزة تعيش وبس هى اللى تنزل تضربك مش الأمن المركزى ولا غيره وكمان تحت قانون التظاهر بقيوده علشان كدة لازم نعيش الواقع ونتعامل معاه مش نوهم نفسنا الناس دلوقتى مش مع الثورة يمكن بعد فترة يرجعوا للثورة ويصبح فى صف الثورة ونتعامل على هذا الأساس