الاعلامى «معتز مطر» لـ «اكسجين» : مش هنبيع القضية وندفع التمن مرتين مينفعش نخون الدم بالصمت

كتب : شهر زاد الثورة

اكسجين * نلوم من يخرج على قناة الجزيرة ليهاجم ويعارض ويفضح السياسات الداخلية المصرية ألا تستشعر نفس الحرج وانت تتحدث من خارج مصر؟

لا أشعر بأى حرج .. فعلا .. فقد اجبرت على ذلك .. ولم تفلح اى مساعى للخروج بالقناة للنور من مصر ... والبديل ان الواحد يقعد ساكت وراضخ .. ولا يتكلم .. وهذا ما يريدونه


أكسجين * ألا تخاف من الإتهام بالعمالة لطرف مضاد للسيسى من داخل الجيش بعد ما اظهرته من جرأة وشجاعة فيما تطرحه ؟

المهم انى اقول ما يرضى ضميرى .. وما ازعم وعتقد عن يقين انه الحق .. الله غالب

أكسجين * هل تعرضت لتهديدات من المجلس العسكرى بعد مناقشة حادث طائرة البطوطى وتلميحك بتورط بعض قيادات الجيش

التهديدات كلمة ناعمه .. فقد اغلقت القناة وقطع البث على الهواء .. فى حادثة يعلمها القاصى والدانى .. ونفذها الامين بامر لمجلس العسكرى.. واستكمالا لحديث المعارضه من مصر .. قوليلى على اسم قناة واحده تتحدث بحرية من مصر .. وانا سارفع الرايه البيضاء

أكسجين * فى رحلة البحث عن الحرية ايه اكتر فترة كنت فيها حاسس بحريتك كاعلامى بعد الثورة ؟؟

من اول رجوع محطة مصر من بعد الثورة وحتى حادثة ماسبيرو .. ومن بعدها بدأ التضييق وعلمت ان الامين سيغلق القناه من يومها بعد حدوث خلاف حينها

أكسجين* اقصد كمان تجربة مصر 25 هل كان هناك مساحة اوسع من الحرية ولا الموضوع لم يكن مختلف

نعم كان هناك مساحه من الحريه كما اتفقنا ولكن مع الاعلان الدستورى كانوا فى قمة القلق واختلفنا


أكسجين * لو وزعنا نسب مسئولية ما وصلنا اليه تقسمها ازاى على القوى الساسية والثورية بما فيها النخب الأحزاب والشباب

الاخوان 70% والقوى الثورية 30%

رسالة وتقييم للرئيس المعزول محمد مرسى ؟؟

رسالة لمحمد مرسى ... الله غالب

أكسجين* رسالة وتقييم  لعدلى منصور وما صدر عنه من قرارات وقوانين ؟؟

 عدلى منصور ... ارتكب اغتيال كامل للقانون بما اصدره من تشريعات بداية بالإعلان الدستورى وحتى قانون التظاهر وقوانين تحمى الفساد وتحصنه وغيرها كما انه مسئول فى نظرى مسئولية مباشرة عن مجزرتى رابعة والنهضة وهى من اكثر الصفحات الدموية فى تاريخ مصر ورسالتى له لن يرحمك التاريخ ولن ينسى التاريخ لك ان اكبر اختراقات للقانون والدستور حدثت فى عهدك وان اغرب احكام قضاء صدرت فى عهدك لتجعل من دنشواى حادثة لطيفة تحت حكم احتلال مقارنة بعهد رجل العدالة الحاكم ورسالتى له سبق وقلتها فى مقدمة برنامجى واكررها حكمت بملاطفة القانون ثم اكملت متحرشا بالقانون تحرشايجرمه القانون ثم ختمت مغتصبا للقانون اغتصابا دمويا يذهب بصاحبه فى دولة القانون الى عشماوى

أكسجين * علاء الأسوانى بيقول ان قطاع عريض من الشعب مش مع الثورة دلوقتى ايه رايك فى الكلام دة ؟؟

الثورة مش ملك حد الثورة ملك الطالب اللى اتفصل من جامعته وهو بيدافع عن حقه وحق صاحبه اللى مات الثورة ملك الراجل اللى نزل وهو مش همه انه يرجع ولا ولاده يتيتموا الثورة ملك الست اللى نزلت الميدان تهتف وشربت غاز وطالبت بحقها وحق ولادها منزلتش ترقص ولا تقبل التحرش الثورة ما زالت هى الخيار اللى على الأرض والدليل اللى نزل فى انتخابات الرئاسة 4 مليون بس بعد مد اللجنة اليوم التالت ورغم التهديد بالغرامات وحفلة اللطم من الإعلام على خلو اللجان الناس مازالت مع الثورة لأنه دة الطريق الوحيد لحقهم وحق الدم اللى بيروح من غير تمن وحق المساجين اللى فى السجون اللى يقول الشعب كره الثورة وملهاش مؤيدين غلطان لسة الشارغ مليان غضب وبكرة هيبان اكتر بسبب تصرفات النظام

أكسجين * رسائل لرفقاء الكفاح رفقاء الميدان ؟؟

رسالة للجميع حرارة وبلال فضل وعلاء الأسوانى وعمرو واكد و ريم ماجد ونوارة نجم رسالة للثوار والشباب   نصف ثورة هى حفر قبور لنا ولمسقبل ولادنا احنا كل يوم بنفقد شباب زى الورد فى القبور فى السجون دفعنا كتير ودة تمن سكوت 30 سنة  بس مش هنبيع القضية وندفع التمن مرتين  مينفعش نخون الدم بالصمت و نسيب حق اللى مات واللى اتصاب وندفن المستقبل ويتكتب علينا فى التاريخ فاشلين دة مش وقت سكوت ولا رجوع ومش لازم نسكت علشان خايفين يتقال علينا اخوان او ارهابيين لأ دة مش عذر نضيع بيه حلم ومستقبل ولادنا وبلدنا حرية وطن وكرامة انسان