بالصور: بلطجية "أم سلطان" قتلوا عامل الرخام ومثلوا بجثته

الأحد 17 أغسطس 2014

كتب : شهرزاد الثورة

تصوير : محمد اكسجين

أكسجين : نتعرف بيك ؟ محمد جمال . أكسجين : كام سنة 28 سنة أكسجين : ايه اللى حصل كنا قاعدين انا وعمى فهيم وعمى سمير وعمى خالد وعمى طارق كنا قاعدين احنا الأربعة وبعدين قاعدين فى البيت كان النور قاطع فجأة لقيت واحد ماسك بندقية اسمه كرم من العرب فى منطقة البساتين هم اسمهم عيلة الهرامسة اصلهم من سوهاج جه كرم دة وضرب عمى خالد بالنار وكان معاهم عمهم اسمه سعيد ماسك بندقية آلى وعمال يهوش الناس بيها فى الجو ..فأنا مسكت كرسى اهوش وادافع بيه فلقيت الطعنات وشتيمة حمدى وكرم وسامح وحنش عاطف وسعيد ماسكين اربع بندقيات وفردين وكذلكين وقدر يضرب وانا مش عارف اصد عن نفسى وواقع فى الأرض وهو يقوله عايزك تجيب عينه ...دى اثار الضرب فى ايدى وانا بحاول ادافع عن نفسى ودى غرز قرب العين كذا فتحة وهو بيحاول يجيب عينى بالمطوة أكسجين : ليه اصلا الخناقة سببها ايه ليه يعملوا معاكوا كدة ؟؟ والله العظيم ما اعرف الناس اصلا ناس مفترية معرفش بيعملوا فينا كدة ليه

أكسجين : هل تم القبض على حد فيهم ؟؟ لا وانا فى المستشفى معرفش حاجة خالص وتقريبا كنت فاقد الذاكرة والوعى خالص أكسجين : امتى حصل الكلام دة يوم ايه ؟؟

مش فاكر اليوم امتى
هل كان فى بينكوا خلافات قبل كدة مع الناس دى ؟؟ لا خالص الراجل كان فاتح ورشة مكن سيارات فلما يعدى اسلم عليه ولما اعدى اكلمه كدة وبس جيران أكسجين : انت بتشتغل ايه ؟؟ كهربائى أكسجين : طيب انت بقيت عاجز دلوقتى سامحنى بعد بتر رجلك هتعمل ايه ولا هتشتغل ازاى ؟؟ مش عارف هشوف رجل اركبها ولا هعرف اشتغل ولا اقعد فى البيت ولا اعمل ايه
وفى لقاء مع احد المصابين من نفس العائلة المعتدى عليها

احد المصابين

الناس دى مفترية ومش عارف مين اداهم الحق يهجموا على الناس فى بيوتها ويعملوا فينا كدة مش عارف

زوجة القتيل

زوجة القتيل

فيما قالت زوجة القتيل الأستاذ خالد ان الحادث كما شرحه الأستاذ فهيم وقع فى مساء يوم الأربعاء 6/8 حدثت مشاجرة وقع على اثرها زوجها قتيلا وحدثت الأصابات لبقية الموجودين منهم محمد كمال الذى اصيب 12 طعنة وبتر فى رجله قالت زوجة القتيل انها لم تكن مشاجرة وانا زوجى كان يجلس على الكرسى فى امان الله هو والأستاذ فهيم وابن اخوه واخوه هجموا عليهم 6 افراد واحد منهم اسمه سعيد بس اسم الشهرة بتاعه محفوظ ماسك آلى راعب الناس علشان محدش يحوش ولا يتدخل ومحدش كان قادر يعمل حاجة هل كان فى سبب للموضوع دة ؟؟ لا كان فى مشكلة صغيرو من فترة واحد منهم عينه راحت بيقولوا كدة بس هو بيشوف وانا زوجة اخويا عينها راحت قصادها قلنا خلاص عين راحت وراح قصادها عين نبقى خالصين ونخلص المشكلة قالوا لا العين قدامها عشرة الكلام دة كان يوم 5 رمضان وفضلنا نبعت ناس شاهدة ونحاول نعمل صلح وكدة وهم يبعتوا تهديدات ومش راضيين بالتفاهم ابدا هل اتصلتوا بالشرطة ؟ انا اتصلت بالشرطة اقوله جوزى انضرب بالنار يقولى ايه بتقولى ايه ويكلمنى بالصعيدى ومحدش سأل وكانوا حاجزين جثة جوزى علشان يعملوها حادث سيارة أكسجين : عندك اولاد ؟ ايوة عندى 5 اولاد اتيتموا ربنا ينتقم منهم انا ميرضنيش فيهم غير الأعدام حسبى الله ونعم الوكيل فيهم وكل دة مش مكفيهم دول بيلموا سلاح وبيهددونا لو اتسجنا هناخد قدامهم عشرة .....ليه العدل فين نروح فين يعنى من الأفترى دة فين الحكومة احنا فين فى غابة مش مكفيهم اللى اتقتل واللى اتقطع رجليه واللى بيموت ليه كدة ليه الظلم دة
وفى لقاء مع الحاج فهيم احد شهود العيان

فهيم احد شهود العيان

قال فهيم ان اصل الموضوع بدأ بخناقة عيال صغيرة بينهم وبين بعض اتطورت ان الناس جت بشوم وسنج جنب بيت خالد وسألوا عن احمد وحصل اعتداءات وكدة وناس اتعورت حوالى 6 منهم وحصلت مساعى صلح ورجعت اتجددت الخناقة بالخرطوش وفى ست عينها راحت من هنا وبرضه واحد من عندهم عينه اتصابت كل دة كان فى رمضان .وكان دايما فى محاولات صلح طول الفترة اللى فاتت بس مكناش عارفين ان الموضوع يتطور بالشكل دة وبعدين يوم الأربع الفجر كما قاعدين من بعد الساعة 12 وكنا قاعدين انا وخالد ومحمد جمال كان فى فرح وجه اتفاجئنا بيهم بالآلى وبنادق تانية والمطاوى هجموا علينا والنور مقطوع يدوب النور جه خمس دقايق ولقيت كرم موجه البندقية ناحيتى فلقيت ايده بتترعش كلمته وحاولت اهديه ايه اللى بتعملوا دة وبكلمه وهم مش جايين لكلام فمحمد جمال جرى وطلعوا يجروا وراه خالد جرى علشان يلحقوا كرم سابنى وجرى وراهم لفيت انا من ناحية تانية وببص لقيتهم ضربوا خالد بالنار فى جنبه الشمال واربعة تانين قفلوا الطريق على محمد جمال وكأنها عصابة مخططة هى تعمل ايه مين يقفل ومين يغطيهم رايح اشيله سلطوا على السلاح واستفردوا بمحمد جمال زى ما شوفته فانا خرجت وكان الخرطوش متوجه ليا لقيت الناس قافلة الطريق وناس بتغطى خروجهم بالآلى والموضوع متخطط ليه وهم عملوا اللى عملوه ومشيوا والناس خدت محمد حطته فى عربية ونقلوه على المستشفى انا كنت عامل قلب مفتوح حصلت لى ازمة وطلعونى البيت بالعافية أكسجين : حصل فين الكلام دة فى شارع ايه ؟؟ حارة بيومى شديد متفرع كامل همام من شارع الزهور البساتين أكسجين : ايه الأجراءات اللى اخدتوها بعد كدة ؟؟ خالد ومحمد راحوا المستشفى عرفت بعد كدة بوفاة خالد والشرطة متحركتش غير لما اتأكدت من وفاة خالد فاتصلت بالمحامى رحنا النيابة وبعدين طلعنا على القسم اخدنا تصاريح الدفن واخدنا خالد وديناه مشرحة ذينهم على اساس تانى يوم نبقى فاضيين لإجراءات الدفن وبس تانى يوم رحنا القسم والنيابة علشان تصريح استلام الجثة طلعنا على الصحة فوجئنا بالصحة كاتبة حادث سيارة مفيش طلق نارى وان قسم البساتين بلغنا بكدة والقسم غير الحالة كدة ليه ؟؟ الصحة اللى قالت ان القسم بلغها بكدة واحنا عارفين ان معاون المباحث اسمه احمد مختار قريب الجناه معاون فى قسم البساتين وفى دليل على ان القسم متواطئ او على الأقل متباطئ ايه اللى يخلى قسم عنده حادث قتل وفى واحد عنيه الإتنين راحت وواحد فى العناية المركزة وجريمة زى دى ومينزلش ويعاين الحادث ولا يشوف الشهود من الساعة 12 للساعة 5 ونص فى تباطؤ اكتر من كدة رحنا المشرحة عملنا مشكلة علشان نستلم الجثة طلع واحد فى المشرحة قريب الهرامسة ( الجناة ) اخدناه وطلعنا على الصحة وهو داخل على الدكتور بيقوله مش انت قايل متعملش حاجة فى الموضوع دة فعرفنا انهم متفقين فرفضنا نستلم الجثة غير لما نعمل شكوى فى النيابة وفعلا طلعنا مع المحامى وعملنا شكوى ولما مدير المشرحة عرفوا اننا بنعمل شكوى قالهم خليهم يرجعوا وانا هديهم تقرير انه مصاب بطلق نارى

شاهدة عيان

وفى رواية اخرى لشاهدة عيان قالت نادية ان المجنى عليهم كانوا يجلسون امام المنزل مع خالد وسمير وفهيم وكان محمد راجع من فرح وواقف معاهم فوجئنا بطلق نارى جاى من ظهرهم وناس حواليهم وقف المرحوم خالد واخوه ومسكوا الكراسى ومش عارفين هيعملوا ايه لأن دول جم واستخبوا فى الضلمة ومجرد ما النور جه هجموا عليهم وهم قاعدين جرى المرحوم على الحارة علشان يلحق ابن اخوه محمد جمال فجه اللى اسمه كرم وضربه فى جنبه الشمال
زوجة نسيب القتيل خالد

وقالت زوجة نسيب القتيل خالد انها فى يوم 4 رمضان فى حال كانت معزومة عند خالد وزوجته وجدة من ينادى فيهم الحقوا احمد بيتخانق احمد ابن خالد القتيل فخرجنا لقيت ناس بتضرب فى اخت جوزى التانية رحت ألحقها لقيت واحد منهم ضربنى بحاجة فى عينى عينى اتصفت ولما رحت المستشفى مفيش حد كان راضى يقبلنى علشان فى اجزاء من عينى خارجة لبرة فرحت المستشفى تانى يوم لحد ما عرفنا ندخل وبعتوا من الستشفى اشارة للقسم وقعدت يومين من غير ما حد جه يحقق معايا ولا ياخد اقوالى ويعمل محضر يثبت حقى لحد ما والدى راح النيابة وجاب امين شرطة معاه عمل محضر واخد اقوالى ودة التقرير الطبى انفجار فى مقلة العين اليسرى وخروج اجزاء منها والعين اليسرى لا ترى النور بس والناس دى محتمية بمصطفى بكرى بيقولوا انهم قرايبه لأنهم كانوا بيطلعوا معاه الإنتخابات مع البلطجية وكمان معاون القسم قريبهم اصلا حتى يوم اللى حصل فيه ضرب النار وعرفنا حاولت اتصل محدش بيرد فى النجدة ولا القسم واتصلت باستغاثة الجيش 30 مرة محدش بيرد حتى القسم متحركش غير لما عرف ان خالد مات ولغاية دلوقتى القسم منزلش يشوف كرم دة والناس دى ولا حد اتقبض عليه وعمالين يهددونا يحرقوا بيوتنا ولو حد اتسجن منهم هيقتلوا قصاده عشرة وابوهم كل يوم فى الحارة وبيقولوا بيجمعوا سلاح وكل دة والشرطة والقسم سايبهم يهددونا ولا بيقبض على حد منهم ولا بينزل يحقق ولا يسأل شهود

شاهد عيان

وقال شاهد عيان ومصاب من الأحداث انه عندما سمع اصوات انفجار اعتقد ان اسلاك سقطت او شئ فوجد طلق نارى ووجدت المرحوم خالد غرقان فى دمه لقيت رصاصة خرطوش صابتنى فى وشى عند الحاجب وتحت العين واخترقت اللثا والشفى السفلى والدم غرق وشى قعدنا نتصل بالنجدة محدش رد علينا اتصلت برقم لوزارة الداخلية قلى اتصل بالنجدة قلت له اتصلت ومحدش بيرد والناس بتموت قال لى خليك ورا النجدة لما ترد عليك اتصلت كذا مرة ومحدش سأل فينا رأيك من الغلطان فى الوقائع دى ؟؟ انا بصراحة معرفش الموضوع بس المرحوم خالد مفيش حد بيقول عليه وحش دة انسان محترم وناس فى حالها مش بتوع مشاكل الله يرحمه كان محبوب من الناس كلها هو وكل اخواته

فيما اجمع الحاضرين ان القتل تم عن عمد وتدبير وان القتيل يشهد له الجميع بحسن الأخلاق وطيب السمعة واجمع الحاضرين على تقصير اجهزة الأمن والشرطة وعدم استجابة النجدة ولا قيام القسم بواجبه حتى الآن

فيما اوضح الأستاذ خالد المحامى بتوصيف القضية بأنها جناية قتل عمد مع سبق الإصرار والترصد مبيتين النية والعزم على القتل ومستنين الوقت اللى تجمع فيه المجنى عليهم ومحضرين سلاح الجريمة وراحوا ضربينهم بالنار .دلوقتى فى 6 متهمين 3 اتقبض عليهم و3 هاربين صدر ضدهم ضبط واحضار أكسجين :تفسر بايه تباطؤ الشرطة فى ضبط الجناه ؟؟ والله وضع البلد مش متحمل وهم وكأنهم مش عايزين ينزلوا مش عارف هم عايزين يوصلوه لنا ايه مش عارف عايزين يحسسونا اننا محتاجين لهم طيب اتحركوا لنجدة الناس ولا ليه تسيبوا الناس لما توصل انها تنزل بسلاح وتاخد حقها ولا تعمل ايه مش عارف

سمير اخوا القتيل

فيما ذكر سمير اخوا القتيل ما حدث وذكر اسماء والحنش وحمدى وما يحملون من سلاح وروى ما حدث بشكل مفاجئ وهو ما يتفق مع اقوال الجميع فمتى يأمن المصريون على ارواحهم وارواح زويهم ومتى تعمل النجدة الدور المنوط بها فى النجدة ومنع الجريمة وسرعة الإستجابة لإستغاثة المصرلايين من اجرام البلطجية بل متى تتوقف الشرطة عن محاباة وحماية البلطجية والتواطؤ معهم ولصالح من تعمل ان لم تكن تسعى لفرض الأمن ومنع البلطجة