دعوة لتوحيد الشباب فى حملة البرلمان للشباب كأول تحول فى نمط العمل الثورى

 الخميس 21 أغسطس 2014 

كتب : شهرزاد الثورة

انطلاق دعوة لتوحيد الشباب فى حملة البرلمان للشباب كأول تحول فى نمط العمل الثورى 
انطلقت دعوة لتجمع الشباب لتوحد حول فكرة البناء فى حب مصر واعادة بلورة العمل الثورى ليتخذ شكلا سياسيا اكثر تنظيما واكثر فاعلية على الأرض بعيدا عن الخلافات والإختلافات الحزبية والإنتماءات الأيدولوجية والتمسك بهدف واحد هو حب مصر وبناء المستقبل وتحقيق احلام ثورة الشباب وفى حوار مع منسق الحملة الدكتور احمد ابوشنب قال : ان الحملة ليس لها علاقة بالنشاط الحزبى وزهى دعوة تضم كل الشباب والحركات الثورية والكيانات والإئتلافات والجبهات وكل طوائف الشباب للعمل تحت مظلة واحدة هى حب مصر ونحن على وشك اعلان مفاجأة فى مؤتمر صحفى كبير وموسع فى بداية شهر تسعة خلال ثلاث اسابيع القادمة هيكون هناك مفجأة وانجازات لم يفعلها على الأرض غيرنا وهنعلن عن المفاجأة دى ان شاء الله 
أكسجين : هل هناك خطة عمل على الأرض من خلال الأحزاب فى المحافظات والحركات الثورية هل فى دورات تدريبية للعمل فى البرلمان القادم او خطة توعية وما الى ذلك ؟؟ 
فى البداية حملة البرلمان للشباب من ناحية الفكرة والتمويل تحت رعاية الدكتور محمد سليمان صاحب شركة سوفت روز للمنتجات الورقية احنا بالفعل شغالين على الأرض وبنعمل اجتماعات و اقامة حلقات الملتقى بكل الحركات والمجموعات وفى مجموعات على الأرض وفاعليات ومنسقينا فى جميع المحافظات بمطبوعات بتدعوا لفاعليات الملتقى والحملة لا تتحدث مع الناس عن السياسة بشكل مباشر وبنعمل دورات تدريبية فى التنمية البشرية والشغل مع الجميع بعيدا عن أى مظلة سياسية والكلام فى السياسة الناس كارهة ليه فدلوقتى بنعمل الملتقى والتدريب والتوعية بحيث يخرج الفرد من حالة كره ورفض للسياسة الى حالة من الإيجابية والرغبة فى المشاركة فى الحياه السياسة بروح ايجابية ويبتدى هو يدعى الناس للمشاركة والإيجابية ولازم ننزل فى الإنتخابات ومينفعش نفضل سلبيين 
أكسجين : يعنى الهدف من الحملة هو عودة النشاط والوعى السياسى بشكل غير مباشر ؟؟ 
طبعا والغرض منه عدم ترك الساحة السياسية للتيارات الضالة مينفعش انها ترجع تتملك للحياه السياسية تانى فى مصر فبعد كدة هيخرج من الملتقى من يشارك ويقول انا هكون منسق وفى اللى هيشارك وينضم للحزب وفى اللى هيقول اكون ايجابى اكتر وانزل انتخابات واللى مش هيعمل حاجة هيشارك فى التوعية بايجابية فاحنا بنحاول نقوى حزبنا حزب شباب بيحب مصر ونعمل له ارضية واسعة ومن خلالنا نرجع الناس للعمل السيسى بايجابية بعد ما بعدت عنها وزهقت على مدار 3 سنين ونقوى الحملة على الأرض لأن الناس لو مصحيتش وصحى الوعى جواها ورجعت للحياة السياسية من تانى فالبرلمان اللى جاى عارفين مين بيجهز نفسه له اما الفلول او الإخوان وانا بتكلم عن الناحيتين واحنا لو ملحقناش نفسنا ونتجمع ككتلة عاى اننا نمسح الكتلتين دول احنا هنخسر ومصر كمان هتخسر و بالتأكيد هتساعد فى وجود برلمان قوى مساند وداعم فى بناء الدولة واستكمال مؤسساتها واستحقاقات الديمقراطية الأهم فى المرحلة دى 
أكسجين : اين يعقد هذا الملتقى وكم تم تنفيذه منها ؟؟

احنا عملنا 3 ملتقيات وفى الملتقى الرابع يوم السبت ان شاء الله الساعة 2 الظهر فى مقر الحملة 9 شارع النصر فى المعادى ومن ضمن الفاعليات بنعد لتدريب المحاضر الدولى المعتمد اللى هيقوم بيه الحزب هو تدريب 36 ساعة على مدار ست ايام والكوادر الناتجة منه بنبتدى نوظفها فى تدريب على مستوى المحافظات بنديهم الماتيريال بتاع الملتقى بس برة المقر وعلشان نتحرك على مستوى الجمهورية يقدروا يتحركوا يعنى لو عندى ملتقى فى اسيوط وفى كادر تدريبى هناك او بنبعت كادر من كوادرنا وبالتالى بنوسع دايرة الملتقى والمستفيدين منه والناس هتطلع تتكلم بشكل ايجابى عن المشاركة السياسية وتزيد مساحة الدعم والتوعية وبنقدر نجند اعداد تقدر تأسس الحزب ونشهره ونحط الحملة على الأرض من خلال اعداد كبيرة ونرجع على بلدنا بفايدة كبيرة وبرلمان قوى 
أكسجين : مين صاحب الفكرة وهل تصريح السيسى اننا لانملك رفاهية الوقت لتجربة الشباب هو كان المستفز او العامل المحرك لخروج هذه الحملة ؟؟
احنا الحملة شغالة من قبل التصريح دة بفترة طبعا صدمنا بالتصريح دة بس احنا معاه لأن مصر مش متحملة انها تخوض اى تجربة سواء بالشباب او غير الشباب فالبرلمان للشباب بدأ من قبل كدة وبرلمان للشباب مكنش على اساس انى ادخل الشباب البرلمان وخلاص لكن على اساس قوى من عنصرين عنصر الفكر الجديد ونشاط وحماس الشباب وعنصر الخبرة الناس الكبيرة اللى فى البرلمان بس الأغلبية من الشباب والتدريب والوعى اللى بنحاول نعده لهم من خلال الملتقى فيكون عندى برلمان قوى ومؤثر 
أكسجين : هل هيبقى فى دعم لوجستى للشباب اللى هينزلوا هل هيبقى فى دعم مادى للشباب اللى لا يمتلك ماديات الحملات الإنتخابية هل هيكون فى ائتلاف ةتحالف انتخابى ؟؟ 
الحملة مؤكد مؤكد ما بتعملش اللى بتعمله غير علشان تدعم لوجيستى وغير لوجيستى لترشيح الشباب وسندعم كل المرشحين على مستوى الجمهورية وهننزل ب 600 مرشح شاب فى كل الدوائر الإنتخابية والدعم المادى جاى من دكتور محمد سليمان وفى دعم ذاتى من خلال الشباب نفسهم وهدف من ضمن الأهداف الأساسية زى ما قلت احنا عندنا كتلتين اساسيتين موجهين وجاهزين ولو احنا ككتلة تالتة منظمناش نفسنا واتوحدنا هيروح البرلمان للكتلتين دول وهتفتت الأصوات وبالتالى هنخسر الكتلة التالتة هى اللى هى ليس لها انتماء من الناخبين العاديين هو المستهدف من الحملة من هو منتمى للبلد مش اخوان ولا وطنى واحنا همنا يبقى برلمان قوى يدعم مؤسسة الرئاسة ولو مكانش داعم لمؤسسة الرياسة هياخد البلد وينزل 
أكسجين : سؤال يدعم مؤسسة الرئاسة بمعنى مؤييد وداعم بشكل مطلق ؟؟ ألا يتنافى مع دور البرلمان الرقابى ؟؟؟ 
يدعم مؤسسة الرياسة لا يعنى هدم مؤسسة الرياسة أكسجين : يعنى دة مختلف عن دوره الرقابى ؟؟ لا دة هنعارض وننقد النقد البناء وليس اعتراض من اجل الإعتراض وهدم المؤسسات وفى ناس بتعارض بس علشان تخربها 
أكسجين : بالنسبة لمسألة الإعتراض قانون انتخابات مجلس النواب فيه عوار شديد وبيتجاهل الأحزاب وقد يقضى على التعددية والحياة الحزبية ما موقف الحملة من القانون بما فيه من عيوب ..ولماذا تأخر صدوره حتى الآن ؟؟ وعدم وضوح موعد اجراء الإنتخابات ؟؟ 
هو انالسة كنت بتناقش فى اجتماع امبارح وقلت اننا لايجب ان نتسرع فى اصدار قانون الإنتخابات لأن التسرع ممكن يوقعنا فى مشكلة عدم دستورية وكدة وبالتالى يتعطل الإستحقاق التالت بتاع البرلمان ألم يأخذ هذا القانون وقت اطول من الللازم فى حين صدر عشرات القوانين فى عهد عدلى منصور وامس صدق الرئيس السيسى على قانون الضرائب العقارية وتم تجاهل توصيات مجلس الدولة وملاحظاتها على القانون بصراحة اللى مأخر صدور القانون بصراحة مش مسألة التصديق عليه اللى مأخر هو وجود كتلة تقدر تزيح الكتلتين وتبقى متفقة مع بعضها وتقدر تزيح الكتلتين اللى قلنا عليهم قبل كدة .. يعنى دور الحملة ايه فى الضغط من اجل تعديل القانون والضغط من اجل اصادره وتحديد موعد الإنتخابات بالتعاون مع الأحزاب والحركات الثورية الحملة دورها هيبقى بعد دخول البرلمان اللى من خلالها نلاقى آلية لتغيير قانون وتغيير دستور لو عايز 
أكسجين : معنى ذلك انكوا ستخوضون الإنتخابات على المقاعد الفردية وتتنازلوا عن التعددية وتعرضوا الحياه الحزبية للإغتيال وهدم الحياه الحزبية من اساسها 
الحملة هتدعم حزب وهننزل على قوايم هيكون فى 8 قوايم وهيبقى مرشحين من اعضاء حزب شباب بيحب مصر ودة الحزب الوحيد اللى هتدعمه الحملة حزب شباب بيحب مصر تحت التأسيس ومننساش ان الحملة منطلقة اساسا من حزب لينا وجهة نظر فى التعددية الحزبية وانها مطلوبة وبتثرى الحياة السياسية واحنا متفقين على كدة بس الكلام فى دة هيكون جو البرلمان 
أكسجين : هل هيكون فى تنسيق بينكوا وبين احزاب تانية 
لا مفيش تنسيق مع احزاب التنسيق مع حركات شبابية وجبهات كيانات ثورية انما احزاب لا 
أكسجين : حتى لو كانوا شباب من احزاب تانية وانضموا للحملة ؟؟ 
ممكن يكون فى شباب فى احزاب تانية تحزو حزونا وتقوم بعمل مشابه للحملة شباب من اجل البرلمان واحنا بنرحب باى نشاط من اى اتجاه لكن تعاون او تنسيق مع احزاب غير وارد حاليا 
أكسجين : هل هناك تنسيق مع الأجهزة الأمنية بتاخدوا تصاريح لنشاطكوا هل هناك اى عقبات تواجه نشاط الحملة من اى نوع 
احنا بنتعاون مع كل الجهات فى الدولة اللى بتسعى لضمان ولاء كل الشباب لمصر وبس ومش لحد تانى وطبعا بناخد تصريحات من الأمن وعندنا رحلة لقناة السويس الجديدة بنخلص تصريحها من الشئون المعنوية فى الجيش وعندنا جولة بالدراجات هطوف محافظات الجمهورية كلها كدعاية للحملة واخدنا تصريحات من الداخلية واحنا شغالين تحت مظلة الدولة ومؤسساتها وعندنا قناعة كاملة انه لا سيادة إلا سيادة الدولةواذا كنا هنختلف لازم نختلف بطريقة نظامية مختلفة مش بشكل اهوج الشكل الأهوج احنا اشتغلنا بيه ووصلنا لأشياء كبيرة بس فى ثورة يناير وللأسف عدم وجود نظام وعدم وجود آليات منظمة للعمل ادى الى 3 سنين من التدهور أكسجين : نقدر نقول انه تعديل للفعل الثورى وتصحيح مساره على الأرض دة حقيقى ومن ضمن الكلام اللى قلناه امبارح وجوب استعادة روح يناير واستعادة حب البلد واستعادة وجوب المشاركة فى الحياة السياسية وعودة التوحد والتعاون وعدم ترك البلاد لأى فصيل عايز يهدها وعدم الإستهانة بفصائل تهدد الدولة 
أكسجين : مش خايفين تتهموا بالعمالة بالوقوع تحت سيطرة رجال الأعمال اتهامات بالتمويل والعمالة او اى اتهامات من هذا القبيل يعنى مش بعيد فيناير بقت دلوقتى مؤامرة يعنى مش خايفين من الإتهامات دى 
احنا مش خايفين من حاجة احنا عارفين نفسنا كويس ومحدش هيخلوا من الإتهامات احنا فى مجتمع الثقافة فيه مش قوية لكن فى النهاية افعالنا على الأرض والنتايج اللى هنحققها هى اللى هتخلى الناس تحكم علينا وانا واحد من الناس اللى شاركوا فى يناير صحيح بعدت عنالساحةالسياسية بسبب عدم وجود آلية نظامية للعمل السياسى لكن بحاول ابث روح الميدان وروح الثورة فى العمل 
أكسجين : مش خايفين من شق الصف والإنشقاق حد يحاول يسيطر على الحملة او يوجهها 
طبعا لا يلدغ المؤمن من جحر مرتين والحمد لله محصلش معانا موضوع انشقاقات واحنا حرصيين على عدم وجود انشقاقات من خلال مبادئ واضحة وافكالر واضحة وقواعد تنظيمية متديش فرصة لحدوث اى انشقاقان فاحنا حذرين جدا من الناحية دى وعاملين اجراءات احترازية من خلال سيستم معين هل هناك شروط او متابعة او وصاية تعليمات من الجهة الممولة لا مفيش تعليمات مفيش سيطرة مفيش شروط هو الشرط الوحيد بس ان اللى داخل الحملة يكون داخل من اجل مصلحة البلد الدنيا والعليا فقط وان كان بيسعى لمصلحة شخصية فبيسعى لها من خلال المصلحة العامة 
أكسجين رسالة تحب ترسلها للشباب ؟؟ 
رسالة للشباب باختصار احنا معملناش كل اللى عملناه علشان نسيب البلد احنا عملنا كل اللى عملناه علشان البلد تقوم ومصر الثورة واهدافها فاحنا فرصتنا من خلال البرلمان لأن هو الإستحقاق رالأخير والحمد لله مؤسسات الدولة بدأت تشتغل فاحنا مينفعش نستسلم للإحباط والإنهزامية لابد اننا نشتغل والبرلمان من اهم مؤسسات الدولة لازم تكون تعمل بأساس قوى ونستعين بروح يناير لحب البلد وفى اتجاه التغيير واحنا لو بعدنا المشاركة يبقى بنسلم البلد على طبق من فضة لقوى بعينها وكتل جاهزة وبتحاول ترجع مرة تانية 
أكسجين : بالنسبة لحركة تمرد حسن شاهين ومحمود بدر اعلنوا عن نيتهم للترشح فهل فى نية او تنسيق للتعاون ودعم شباب تمرد من خلال الحملة وخصوصا بعد ما اتهم الشباب بدر انه امنجى وما ثار حولهم من كلام وانتقادات ؟؟ 
حركة تمرد اعلنوا عن نيتهم لتكوين حزب فلو اسسوا حزب يبقى مفيش تعاون لأننا بنسموا فوق الأيدلوجيات والتوجهات الحزبية انما لو فضلوا حركة يبقى ممكن يكون فى تعاون وتنسيق والمقصود بيه عدم تفتيت الأصوات واختيار الأفضل يعنى لو كان للحملة مرشحين فى دايرة فيها حسن شاهين او محمود بدر بيحصل مفاضلة وتصفية واختيار بينهم ايهم سيتم دعمه وهو اختيار الأنسب لتفادى تشتيت الأصوات وخصوصا انه من المتوقع ان الوطنى والإخوان هيكون لهم مرشحين معلنين وغير معلنيين ويتم تشتيت الأصوات عليهم ومن الآخر احنا لتكوين القايمة القومية بس تكون شابة واحنا بنقوم بجولات مكوكية فى جميع المحافظات ومفيش حركة فى حارة مش هتكون معانا كل حركات الشباب هدفنا الأول هو البرلمان للشباب