الجمعة 5 سبتمبر 2014
تصوير : محمد اكسجين _كتب : شهر زاد الثورة
. العدل أساس الملك صرخة من مواطن بلغ من العمر 57 عاما ولديه اربعة اطفال أكبرهم عنده 11سنة وأصغرهم عنده 6 شهور إلى السيد رئيس الجمهورية ..إلى السيد وزير الداخلية والسيد وزير العدل والسيد محافظ القاهرة الدنيا داست عليا لدرجة انى بمشى فى الشارع ودموعى بتنزل لوحدها وصابر وراضى بأمر الله كان ليا كشك أمام القصر العينى بارزق منه وكان هو باب رزقى الوحيد وكان جنبى 4 أكشاك مرخصين من 40 سنة جت الحكومة وشاليتهم وانا من ضمنهم قبل شهر رمضان بأيام ورضيت لأن اللى مشى عليا مشى على الأربعة التانيين وبعد أسبوع جه واحد من اصحاب الأكشاك الأربعة جاب عربية سوزوكى وفرش عليها البضاعة قلت الله يبارك لهم وفكرت نفس الفكرة عن طريق موتسيكل متحرك وفرشت عليه البضاعة بتاعتى وانا تحت امر اى حد بيمثل الحكومة من أصغر عسكرى لحد وزير الداخلية ملحوظة تيجى الحكومة تشيلنى وتسيب الناس التانية ليه وهم اخدين كهربا من الكشك اللى جنبهم انا عاوز افهم ..اشمعنى أنا ....؟؟ ودة معناه ايه بالظبط ..؟؟ عايز افهم هل دى محسوبية ولا حاجة تانية ..؟؟؟ انا عايز افهم يعنى اشمعنى أنا .. المساااااواة فى الظلم عدل ....ارحمو قال تعالى ( ان الله يأمركم أن تؤدوا الأمانات إلى أهلها وإذا حكمتم بين الناس أن تحكموا بالعدل ان الله نعمايعظكم به ان الله كان سميعا بصيرا ) صدق الله العظيم ملحوظة لاحد بيموت مكان حد ولا أحد بيلغى رزق حد وفى رسالة اخرى كتبها على الواجة الثنية للموتيسكل بسم الله الرحمن الرحيم الأستاذ المحترم رئيس حى مصر القديمة تحية طيبة وبعد مقدمه لسيادتكم من المواطن المغلوب على امره ..السيد محمود امبابى تحت ازالة اربعة أكشاك من امام القصر العينى ووافقنا على قرار سيادتكم على اساس المساواة فى الظلم عدل ولكن حضر المهندس سعيد مسئول الأشغال ومعه عربية سوزوكى وأوقفها مكان الأكشاك وقال انها مرخصة وحتى لو انها مرخصة فقد تمت ازالة الأكشاك وهى مرخصة وللعلم العربية مرخصة بالمنيل وليس أمام القصر العينى ولعلم حضراتكم تانى ان صاحب الرخصة بتاعة قريبتهم وهم مش اصحاب الترخيص ولا المكان وصاحبة الترخيص متوفية من سبع سنوات وارجو من سيادتكم فهم الوضع الحالى لأننى لن اترك هذا المكان طالما توجد هذه العربية فيه لأن المساواة فى الظلم عدل قال تعالى ( ان الله يأمركم أن تؤدوا الأمانات إلى أهلها وإذا حكمتم بين الناس أن تحكموا بالعدل ان الله نعمايعظكم به ان الله كان سميعا بصيرا ) صدق الله العظيم ملحوظة لاحد بيموت مكان حد ولا أحد بيلغى رزق حد
0 تعليقات
أكتب تعليق على الموضوع