أول حوار مع رامى زين بعد حصوله على جائزة القلم الحر للإبداع العربى

 الجمعة 5 سبتمبر 2014 

كتب : شهر زاد الثورة

انفراد :أول حوار مع رامى زين بعد حصوله على جائزة القلم الحر للإبداع العربى ولأول مرة ننشر القصيدة الفائزة ..عم يا بتاع البدل

حصل الكاتب والشاعر الشاب رامى زين على المركز الثالث مكرر فى مسابقة القلم الحر للإبداع العربى (النسخه الخامسه) على مستوى الوطن العربى فى الشعر العامى والجدير بالذكر أن هذه المسابقه قد شارك فيها 5 آلاف كاتب وشاعر عربى من مختلف الدول وظلت التصفيات مستمره 8 أشهر إلى أن وصل إلى النهائيات وحصلت على المركز الثالث مكرر وقد تم تكريمه من السيد محافظ الفيوم وسكرتير عام المحافظة وسط عدد من الأدباء والصحفيين وكان موقع أكسجين مصر أول من ينفرد بلقاء الكاتب الشاب الفائز بهذه الجائزة وكان لنا معه هذا اللقاء الحصرى أكسجين : أنت دارس حقوق وواضح من صفحتك انك مهتم بقضايا قانونية بعينها
انا محامى وعضو اتحاد المحامين العرب ومهتم بكل قضايا المواطن المصرى ومهموم بيها واضح جدا وتأثيره كمان على كتاباتك أكسجين : 
بس خلينا نبتدى من الجايزة ونرجع فلاش باك فالأول اعرف الجايزة اللى حصلت عليها وازاى تم ترشيحك للجايزة دى ؟؟ 
مسابقة القلم الحر للإبداع العربى هى مسابقه سنويه تقام على مستوى الوطن العربى تم فتح باب التقدم لها هذا العام فى شهر ديسمبر الماض يشارك فيها 12 الف كاتب من مختلف الدول العربيه 
أكسجين : هل تم ترشحيك من قبل جهة معينة تابعة لوزارة الثقافة مثلا ولا انت اللى اتقدمت للمسابقة بنفسك
لا تقدمت بنفسى وقد استمرت التصفيات 8 أشهر
أكسجين : ايه العمل اللى اخترته للإشتراك فى المسابقة وعلى اى اساس اخترته

قصيده اسمها عم يا بتاع البدل

أكسجين : هل دى اول مرة تشترك فى مسابقات ؟؟
نعم ولكن لى ديوانين بالأسواق شاركوا فى معارض دوليه كتير

 أكسجين : ما شعورك فى مراحل المسابقة ومدى صعوبتها ؟ لا شك اعطتنى دفعه قويه وثقه بالنفس

أكسجين : ما تأثير هذه الجائزة على خططك المستقبلية فى مجال الكتابة والشعر؟؟
 اكيد بالنسبه للخطه فهى إصدار ديوان كل عام وبالنسبه للحلم أن أصبح بأمر الله شاعر العاميه الأول فى الوطن العربى

أكسجين : فلاش باك ونقول متى بدأت الكتابة ومين اكتر حد اثر فى حياتك وقلمك ؟؟

بدأت الكتابه من أربع سنين بس واكتر حاجه أثرت فى قلمى الواقع المصرى

أكسجين : معتز بوالدتك وحاطط صورتها خلفية عنك هل لها دور فى ظهور موهبتك ؟؟

والدتى ووالدى كل حاجه ليا وطبعا كانوا بيشجعونى وبيرفعوا من روحى المعنويه

أكسجين : هل متأثر بأحد الشعراء او الكتاب

 ؟؟ بيرم التونسى
أكسجين : هل يمكن ان يتأثر رامى زين بعمله كمحامى وبتفاعله بهموم الناس فيكتب عملا روائيا ؟؟
اكيد وبالفعل بدأت التفكير فى هذا الأمر
أكسجين : بما انك تكتب الشعر العامى فهل ستسعى ليكون ذلك الشغر مغنى يعنى يتحول للشعر الغنائى ؟؟

ليس فى خطتى ولا اميل للشعر الغناءى

أكسجين : من منشورات صفحتك اجد اهتمامك بتوصيل المعلومة القانونية لمتابعك اكتر من نشر اعمالك الأدبية ليه
 ؟؟ نوع من التوعيه والتثقيف فالأمر ليس أعمالى فقط فالمهتم بالشأن العام مهتم بكل ما يخص المواطن ويوعيه وهذا دورى ككاتب وقانونى
 أكسجين : المواطن ينقصه وعى سياسى ولا وعى قانونى ولا تطبيق القانون هو ما ينقص الجميع؟؟!

! المواطن يحتاج الوعى القانونى أولا حتى يستطيع استيعاب التوعيه السياسيه فابسط حقوق المواطن لا يعلمها وطبعا غياب القانون كارثه
أكسجين : رأيك فى اوضاع القانون وحقوق الإنسان واجراءات التقاضى فى مصر وخاصة فيما يخص قضايا الثوار والنشطاء ؟؟ وضع القانون فى مصر سيء ولا يوجد فى مصر حقوق إنسان و المحاكمات السياسيه ظالمه والقاضي فيها قراره ليس بيده

أكسجين : حضرتك بتقول ان المحاكمات سياسية وليست قانونية .......وانها تصدر دون رغبة القاضى !

! نعم
أكسجين : ألا تخشى من ارائك الساسية ان تؤثر سلبا على مستقبلك كشاعر ؟؟

أثرت بالفعل وحرمت من الظهور على بعض القنوات التليفزيونية ولكن مستقبلا عندما تتضح الأمور الملتبسة على الناس لن تؤثر

أكسجين : رأيك كرجل قانون فى الدعوات التى تقول بعدم اهمية اجراء انتخابات مجلس النواب وان البرلمان يعطل مسيرة الدول ؟؟

الناس فى مصر بتنتخب عضو مجلس الشعب عشان الصرف والاسفلت و كأنها انتخابات مجلس الحرفيين وده راجع للتجهيل المتعمد للشعب بدور عضو مجلس الشعب واكيد وجود البرلمان مهم جدا آمال مين هيحاسب الحكومه أكسجين : ايه اهم الرسايل اللى يحب رامى زين يوصلها بقلمه للناس؟؟ توعية الناس بحقوقهم وتخفيف المعاناه عنهم بمناقشة مشاكلهم بأسلوب ساخر ومحاولة تقديم حلول أكسجين : ايهما اقرب إليك رامى زين المحامى أم رامى زين الشاعر والكاتب ؟؟ يعنى بتلاقى نفسك فين اكتر؟؟ الكتابه الأقرب لى من المحاماه أكسجين : ممكن نقرأ القصيدة الفائزة بجايزة الإبداع العربى الحر اللى حصلت عليها عم يا بتاع البدل يا اللى غاوى فصّلى بدله سوده تخبى البلاوى تكون شيك ع الموضه أصلى ناوى أدخل الأنتخابات ع الموضه الفرنساوى عايز أترسم ع الناس الغلابه عايزهم يشوفونى أسد الغابه عشان يصدقونى فى أى حاجه وألاقى على طول طلباتى مجابه وأوزع وعود وأوزع هدايا وساعتها أصوتهم هتبقى معايا بس عشان تكمل الحكايه عايزك تركز وتفتح معايا وياريت تملالى البدله جيوب تكون كبيره تخبى العيوب تشيل الورق وتشيل الكروت وتشيل كتير م البنك نوت وأشيل فيها كل حاجه حتى لو خبيت فيها حوت أو عربيه وتلاجه ودى من أهم الشروط وبعد كل ده لسه برضه محتاس خلاص حقك عليا وسع شويه المقاس