كتب: محمد خالد
في المترو
شاب دخل بيبيع اقلام رصاص و جاف و الوان ..
الشاب دة اتكلم و قال ارسم حلمك بالقلم الرصاص علشان مش هيتحقق و هيتمسح .. و اكتب بالجاف شهادة وفاتك .. و ارسم بالوان صورتك في الشارع
الشاب بيتكلم بحرقه و قهر ..
يطلع راجل كبير و يقولوا بدل ما انت بتبيع اقلام روح دور علي شغل تاكل منه عيش و تفتح بيت ..
الشاب قالوه هو انا لقيت شغل و قولت لا دة انا بلف علي رجلي علشان خاطر اصرف علي اختي اللي في جامعة و امي ..
الراجل يقولوة يعني انت مش لاقي شغل و اخوتك في الجامعة ..
الشاب طلع شهادة تخرجة و الصدمة انه متخرج من كلية اقتصاد و علوم سياسية جامعة القاهرة دفعة 2012 بتقدير جيد جدآ و مش اشتغل في مجالة علشان هو مش ابن باشا و لا ابوه حاجة كبيرة في البلد مش اشتغل علشان مش معاة وسطة ..
يرد الراجل الكبير المستفز و يقولوة و انت اية اللي يدخلك كلية و انت عارف انك مش هتعرف تشتغل بيها ..
من هنا و اي حد ممكن يعمل كدة .. رديت علي الراجل و قولتلوة و انت مين علشان تقول يدخل اية و مش يدخل اية هو مش بنقادم كن حقة يحلم و يحقق حلمة مش ذنبنا انكو اتولدوا و الجذمة في بوقكو مش ذنبة انة دخل كلية و نجح و تعب فيها علشان يحقق لاهله مستوي كويس
اللي انت بتقوله دور علي شغل دة احسن منك و من اللي زيك علي الاقل لسة عندة امل و حلم عاوز يحققة .. مش زيك عايش بتقول اة اة اة لحد ما طلع عين ابونا من قوله اة
الراجل بيبصلي و بيقولي بتكلمني كدة ازاي .. قولتله بكلم بلساني اللي انت كل يوم بتخرسة بمواقفك و بتطبيلك ..
طلعت ست كبيرة وقالتلي تسلم في امك و الراجل الناس هاجت علية و الشاب قالي ربنا يكرمك حسستني ان انا مش لوحدي ..
قولتلوه خلي عندك هدف انت احسن مننا بارادتك و لما تيجي تبيع قول قلم رصاص ارسم بيه الحلم و قلم اللوان لون بيه الحلم و قلم جاف اكتب بيه حلمك اللي اتحقق
خلي عندك امل في بكرة .. احنا كتير
---------------------------------------------------------------------------------------------
اكسجين مصر
0 تعليقات
أكتب تعليق على الموضوع