نورا عفيفى تكتب : ابنتي الاسكيني مع الحجاب

نورا عفيفى

ابنتي والاسكيني والحجاب

المشهد الأول ( الحجاب )

لا تتعجب من العنوان فهو يختصر القصة اللي هاحكيها دلوقتي ليكم

بنتي رزان عندها 13 لاقيتها في يوم داخلة تتكلم معايا في موضوع مهم يا ماما أنا لبست الحجاب أنا أندهشت وسالتها من أمتي ؟ من يومين وخلاص مش عايزة اخلع الحجاب تاني طيب ليه يا رزان كده يا ماما علشان مش عايزة ادخل النار مين اللي قال ليكي الكلام ده المدرسة في المدرسة قالت لينا اللي مش بيلبس الحجاب بيتعلق من شعره في النار وانا مش عايزة ادخل النار طيب ممكن يارزان تأجلي الحجاب ده لما تكبري وتكوني قادرة انتي تأخدي القرار ده علشان مش هينفع تقلعيه تاني لا ياماما انا خلاص لبسته ومش هاقلعه تاني وشكلي كده أحلي طيب يارزان انا مش موافقة وانا هالبسه ياماما خلاص يبقي مش نتكلم تاني مع بعض سكتت البنت شوية خلاص ياماما مش هالبسه دلوقتي لما ادخل ثانوية عامة فرحت لتأجيل الموضوع

مشهد 2 ( الأسكيني )

ماما انا عايزاكي تنزلي معايا اجيب بنطلون جينز ماشي ياحبيبتي يالا نروح في المحل ايه رأيك يا رزان في البنطلون ده لا ياماما ده واسع من تحت وانا عايزاها ضيق يعني عايزة البنطلون يكون أزاي أنا عايزة بنطلون أسكيني وعرفتي منين الأسكيني ده انا عمري ما لبسته ياماما كل أصحابي في المدرسة والدرس بيلبسوه بس ده ضيق اوي يا رزان هتلبسيه ازاي هو انا باحبه ضيق وروحت ضيقت كل البناطيل اللي عندي علشان تبقي سكيني طيب هو الاسكيني مش حرام ما انا عارفة أنه حرام وعيب بس انا عايزة البسه طيب والحجاب يا رزان اللي كنتي عايزة تلبسيه عادي ياماما هألبس حجاب واسكيني

هنا سكتت خالص لأن مبقاش في كلام ممكن أقوله ما الكل فعلا لابس الاسكيني والحجاب مع أنهم دونت ميكس وواضح كده أن البنات لازم تقلع حاجة من الاتنين الاسكيني أو الحجاب علشان الصورة تبقي صح

---------------------------------------------------------------------------------------------
اكسجين مصر