بالفيديو: شاهد لماذا خلعت هؤلاء الفتيات الحجاب

كتب :امانى محمود -تصوير: محمد اكسجين

الحجاب بين الفرض الدينى و الفرض المجتمعى : ـــــــــــــــــــــــــــــــــــــــــــــــــــــــــــــــــــــــــــــــــ حينما تدفع المجتمعات فتياتها لإرتداء الحجاب دون الإهتمام بالخلفية الدينية السليمة التى تعضد هذا الفرض سيتحول الحجاب من فرض دينى تلتزم به

المسلمات إلى فرض مجتمعى يلتزم به المجتمع ، و هذا ما حدث فى مطلع القرن الماضى ، فمن منا لم يشاهد الأفلام القديمة التى كانت تناقش قضايا و أحداث قديمة على سبيل المثال ثورة 1919 ، ففى فيلم (بين القصرين ) تجد الفتيات فى المجتمع المصرى و هن يرتدين الحجاب ( بيشه ) سواء كن من الطبقة العليا فى المجتمع أو المتوسطة منه بل و حتى الراقصات منهن و دون التقيد بأى قيم

دينية فهى تحترف الرقص و الغناء فى أماكن خاصة ( عوامات ) و مع هذا تخشى السير فى الشارع دون إرتداء الزى السائد و الذى يؤصل لحجب وجهها و رأسها ( بيشه و حبره و ملاية لف سوداء ) . لو كان هذا الإحتشام دينى لتفهمنا الأمر ، و لكن أن تكون كل تلك المبالغة فى الإحتجاب مجرد فرض مجتمعى تمتثل له كافة بنات حواء على مختلف طبقاتهن و أخلاقهن ، فهذا هو التناقض بعينه

. قبل أن نأمر فتياتنا بالحجاب علينا غرس القيم الدينية و التى ستجعل من الحجاب مجرد تتممة لصورة المسلمة الحقيقية صاحبة الفطرة و القلب السليم والعقل الواعى ، ربوا أبنائكم على أخلاق دينهم الحنيف ثم إنتظروا ثمار زروعكم .

تم إختيار مجموعة متباينة من فتياتنا اللائى خلعن الحجاب بعد فترات بعضها كان قصير و فى احيان اخرى كانت فترات طويلة ، و قمنا بلقائهن و الحديث معهن كلاً على حده للوقوف على أسباب لبسهن و خلعهن الحجاب و طرق تعامل المجتمع و الأسر مع كلاً منهن ، و وجهنا لهن عدة اسئلة و كانت الأسئلة كالتالى :

هل لبسك الحجاب قرار شخصى و لا أتفرض عليكى  ؟
ما هو سبب خلعك للحجاب الان ؟
ما هو إحساسك بعد خلع الحجاب ؟
هل اختلف تعامل الناس معاكى بعد خلع الحجاب ؟
فى رأيك الحجاب فرض و لا سُنة و لا حرية شخصية ؟
ايه اللى بيخلى الشباب يتحرش بالبنات ؟

و كانت هذه هى لقاءاتنا مع الفتيات و تلك إجاباتهن على أسئلتنا كالتالى : 

الشابة الأولى و تعمل مخرجة (شيرى بدر )و أجابة على الأسئلة كالتالى :
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

مخرجة (شيرى بدر ):قلعته لأنه مش مدينى سنى و مش شبهى و اتاخرت فى خلعه لأنى خفت من كلام الناس

// كان قرار شخصى بضغط غير مباشر ( كل الشلة اتحجبوا ماعدا أنا و بنات العيلة كمان حى الأصغر و كنت الوحيدة الغير محجبة فأتحجبت)
// قلعته لأنه مش مدينى سنى و مش شبهى و اتاخرت فى خلعه لأنى خفت من كلام الناس
// حسيت انى صغرت 20 سنة و كأنى رجعت ايام الجامعة ، اول يوم نزليت فى الصبح حسيت الشمس طالعه قوى و الهوى مختلف ، و الدنيا منورة و مختلفة و كأن الحجاب كان على عينى مش على راسى .
//بيكلمونى عادى و عارفينى و سلموا عليه عادى ، و بالعكس إن فى ناس من الزملاء و أصدقاء الوسط السياسى و الذين كنت اظن أنهم عندهم وعى اكثر تدخلوا فى قرارى الشخصى و بعد كده قفلت باب المناقشة معاهم ، و بعضهم اعتبر أن القرار ده اخلاقى وهيخلى الناس يبصوا لى بنظرة مش كويسه  ، بل بالعكس انا من حى شعبى و الجيران و الموجودين حواليه بيتعاملوا عادى و متفهمين و كده ، و بعض الزملاء دول عملى دعم نفسى .
// أنا شيفاه سُنة مش فرض و لكن انا مقدرش اقول رأيى ، الحجاب زيه زى اللى مش بيحج او بيصلى ممكن اأيه حاليا و ممكن أأديه بعدين
// قبل ما اخلع الحجاب كانوا بيتحرشوا بيه اكتر من دلوقتى

الشابة الثانية و تعمل موظفة ببنك  (سمر سعد )و أجابة على الأسئلة كالتالى :
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

(سمر سعد ) هناك أراء تقول أن الحجاب ليس فرض و لكنه عادة قبلية أو مجرد سُنة

// كان قرار شخصى تماماً .
//  لبسته بسبب العادة المجتمعية حيث أن كل الناس لبساه و بعد كده فى الجامعة و غيرت من شكل لبسى و لمدة 13 سنة  الى وجدت أن هناك أراء تقول أن الحجاب ليس فرض و لكنه عادة قبلية أو مجرد سُنة و كان هناك بحث منطقى يقول بعدم كون فرض الحجاب و بالرغم من أن هناك رد من دار الإفتاء و لكن ليس هناك رأى قاطع شعرت به وانا أقتنعت اكثر بالكلام اللى فى البحث و قريب لطريقة تفكيرى  و فى خصال سيئة لازم نهتم بيها زى النميمة و السرقة و حتى لو الحجاب فرض برضه مش بالقوة اللى احنا مدينهاله .   
//  شعرت انى متسقة مع نفسى و شعرت بالحرية رجعت لى تانى
// فى الاول كان صعب مهدت له شوية و اول يومرحت الشغل كان الناس مستغربين و بعد يومين بقى عادى ، فى ناس كانت شايفه انى كده اجمل 
و اشيك ، و فى ناس قالوا لاحول و لا قوة إلا بالله و ليه كده ، و قليلين من قطعوا علاقتهم بيه .
// موصلتش لرأى ، و انا أميل لأنه عادة مجتمعية
//  بص انا عندى مبادرة اتكلمت فيها مع اصحابى على سبيل الهزار ، فكرة التحرش بالمتحرش و تصوير فيديوهات

الشابة الثالثة و تعمل صحفية  (شيماء حمدى )و أجابة على الأسئلة كالتالى :
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

صحفية (شيماء حمدى ) مفيش علاقة بين التحرش و بين خلع البنات للحجاب

// والدى كان مقتنع أن البنت فى سن معين لازم تتحجب للتفرقة بينها و بين غير المسلمة
// خلعته لأنى نضجت و عرفت أن الحجاب مش رمز العفة و التدين ، وحاليا تشوف البنت لبسه حجاب ولابسه جيب قصيرة و بنطلون ضيق
الحجاب وسيلة مجتمعية طائفية للتفرقة بين المسلمة و غيرها ، على الرغم من أن فى السبعينات كانت البنات يلبسون المينى جيب و البنات كانت كويسه و مكنش فى تحرش و اغتصاب، و انا خلعته لأنى شفت المنظر و الوضع لادخل له بالدين و لكنى مجبرة عليه و لا علاقة بين أن اكون محترمة او لا .
// احساسى انى انتزعت حقوقى ، فانا من حقى البسه أمتى و اخلعه امتى .
// اهلى كانوا مستائين لكن اتعودوا لكن فى حد دخلى على الإنبوكس و قالى حسبى الله و نعم الوكيل فيكى ، لو أى بنت خلعت الحجاب زيك ذنبها فى رقبتك علشان انا ثورجية  
// انا مش متعمقة فى الدين و لا خلط للدين بالقرارات الشخصية
// مفيش علاقة بين التحرش و بين خلع البنات للحجاب

الشابة الرابعة و تعمل مدرسة (منار شكرى )و أجابة على الأسئلة كالتالى :
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

مدرسة (منار شكرى ) بعد ما اعتمدت على نفسى و اشتغلت و لن يجبرنى أحد عليه

// تم إجبارى عليه زى معظم البنات
// خلعته بعد ما اعتمدت على نفسى و اشتغلت و لن يجبرنى أحد عليه
// حسيت انى حرة و كنت مربوطة و مقيدة و اصبحت حرة
//  تغيرت نظرتهم ليه ، فى ناس من عيلتى قطعونى و اعتبروا عيارى فلت ، كانى اشتغلت رقاصة مع ان لبسى مختلفش خالص الفرق هو الحجاب اللى على راسى .
// معتقدش ان ربنا هيسيب أعمال الخير اللى ممكن تكون اى واحدة بتعملها و يعلقها من شعرها علشان مش محجبة ، إحنا دينا دين يسر و مش عسر
// تحرش بصديقتى المحجبة وانا معاها و رفعنا عليه قضية