فوزى الرشيدى يكتب : و مازال العرض مستمر

فوزى الرشيدى يكتب : و مازال العرض مستمر ومازال العرض مستمر بنقطه بئى ولا من غير هى خلاص مش فارقه كتير العرض بنقطة أو من غير عروض كتيرة معروضه شاشه وحالها مقلوبة دا خاين ودا طابور ، شباب سيس لأ دا عميل مؤامرة ماسونيه العيال دى قابضة كتير وكل دوول كانوا فى التحرير هتفوا وقالوا حرية نزلت دقن مصنوعه هتفت وقالت كراسينا دى بلادنا خلاص وبئت لينا نزلت جماعه بدبورة قالت يلا منك له هات الكورة واللى يفوز ياخد المعمورة راحوا قعدوا فى المقصورة فلول اخوان وبدبورة دا يباصى دا يصلح دا يشوط جدع ياباشا جات فى عينيه عموا الثورة ولاد الأيه. ثورة عبيطة ومجنونه من الهلوسه الى حصلت فيها ، اخوانى ثائر عسكر يحموها . قسموها كراسى مصنوعه عملوا دورى وعملوا كاس فى الخيانة المشروعة دا وسواس ودا خناس نصبوا اللعبه ع الشباب وعلى دمه شربوا الكاس. وبعد ما خلاص شالنا الكهنوت بصينا حوالينا يمين وشمال الشباب هو اللى إنشال . جابوا مكانهم خونه البنا مشوا ع الخطة المرسومه خيانه وقتل خطف وحرق ، فاق الشعب فى لحظة ملعوبة بعد ما عصر الليمونه. نزل الشباب ومعاهم فلول ضد الاخوان ماهو الكل كان زهقان. رجعت الدبورة العسكورة من تانى ع الساحه الملعونه قفلوا الكلام قفلوا الميادين ، تجار وطن after تجار دبن ، بس يدوب فتحوا الشاشات مش للشباب ولا لـ المعارضيين لا لا للمعرضببين. طب والإخوان ؟ دوول خلاص رجعوا الزنازين ، ماهم خونه تجار دين ملوا البلد بالارهابيين . طب ومبارك ؟ دا خلاص براءة يابييييه دا كان مع الثورة أومااااال أيه ، حتى عز كمان ثائر جاى من الميدان وجمال وعلاء دوول مظلومين . ورجالة مبارك عايشه السبوبة مبارك مرسى سيسى مش فارقه ياباشا إحنا معانا الكماشه وكله اهو بئى ع الشاشة كل الحكايه شباب خاين وطابور خامس واللى يعارض ولا يقول ، شوهه أمه بئى على طول ، فكرهم دايما بالعراق ولا بسوريا و لا بليبيا ولا إقتلهم وإبعت فديه. فى النهاية المنتهة يانظام غبى يا اللى مش فاهم مطلبى الجيش دا جيش بلادى منه أنا وابويا وجارى واخويا وولادى لا بتاع مبارك ولا سيسى وهو اللى حقه يحمينى ، لا سيسى جيشى ولا مرسى دينى الشباب هما الأفيش فى مووت بلده يحب يعيش ، واللى فى السجون دوول فاهمين عضم القبور هو اللى يعيش ، وتحيا مصر بيك من غيرك ، مصر عايشه بولادها اللى نزلوا وهتفوا يا مان يسقط يسقط كل من خان ، عسكر فلول إخوان.
-------------------------------------- اكسجين مصر :اسعى لاثبات الحقائق المجردة فهذا ما تقضيه امانة الكلمه