واى فاى مترو الانفاق سلمنى شكرا

كتب: شهرزاد الثورة
علق شباب مواقع التواصل الإجتماعى على خدمة الواى فاى التى اعلنت عنها الحكومة فى الفترة الأخير والتى يبدأ تشغيلها فى نهاية العام ورغم انها خدمة مجانية تقدمها الدولة لركاب المترو لكنها اثارت سخرية الشباب فى مسألة ربط كلمة السر فى الدخول للشبكة بالرقم القومى وقام فريق أكسجين مصر باستطلاع آراء الشباب على صفحات 

التواصل فكانت الأراء ساخرة احيانا ومستنكرة احيانا اخرى حيث قال بعضهم ان توظيف الشباب هو الأولى بالرعاية من شبكة الواى فاى وان الحكومة لم توف المواطن جميع احتياجاته ولم تحل مشاكله حتى تقف عند خدمة الواى فاى وتشكك الكثيرون فى نية الحكومة بربط الواى فاى بالرقم القومى للمواطنين وهو ما اثار غضب وسخرية البعض أن تترك الداخلية عملها من توفير الأمن ومحاربة الإرهاب وتشغل نفسها بمراقبة الشباب وعمل شبكةأمنية لتصيد 

الشباب . فيما قال احد المتابعين ان هناك صعوبة فى فتح الشبكة بالرقم القومى للمستخدمى المترو حيث ان المترو يتردد عليه ملايين البشر كل يوم وفيما يلى بعضا من حوار الشباب مع فريق اكسجين مصر قال رامى محمد من السويس : اكبر فخ لشباب اللي هينزل في تجسس ع الفيس اصلا لما يكون واي فاي ف قلب المترو كده انا بتسلم رسمي
وعلق شارلى شابلن : ازاي يعني يبقي الباسورد بالرقم القومي ؟؟ عارفة متوسط الباسووردز هيبقي كام ؟ موضوع فكسان طبعا وشكله كده هبل يعني ومش هيتعمل
أكسجين : بس رأى الشباب انها مصيدة للمراقبة وتحديد المكان وربطها بمعلومات عن كل شخص ؟؟ شارلى : عندهم حق طبعا وانا مقدر شكوكهم .. بس انا قصدي ان المترو بيركبه في اليوم 5 مليون مصري تقريبا .. ازاي شبكة هيتسجل عليها 5 مليون باسوورد ؟؟!!..
واضاف شارلى : مافيش برمجة في العالم لكل الكم ده من الباسووردات علي شبكة واحدة .. انا رأيي انه محاولة عشان يعدوا التذاكر اللي غلت ويوهمونا انه فيه خدمة جديدة تستاهل رفع الاجرة بس في الاخر بلح وقال محمود المنجى : أنا من رأيي إنها مش أكتر من مصيدة ، ومحاولة ربط موبايل كل شخص ، بالشبكة المعلوماتية لأمن الدوله واعتبره شريف الجبالى تعدى على الحرية الشخصية قائلا : دا اصلا تعدي علي الحريه الشخصيه مش فاهم ايه العلاقه بين الواي فاي والرقم القومي أكسجين : تفتكروا الداخلية ممكن تسيب امن البلد وشغلها وتقعد على الشبكة تراقب اللى بيلعب واللى بيتكلم وغيرها؟؟ 

شريف الجبالى : ماهو بيعتبروا التجسس من امن الدوله ودا في عقيدتهم اصلا انا بصراحه وللامانه شايف انهم بيتعاملوا افضل شويه مع الشباب اللي ملهوش علاقه بتيار الاسلام السياسي رامى محمد : والله العظيم الحكومة عندها استعداد تعلن حالة الطوارء علشان ميكنش وراهم غيرنا و هي الحكومه هتعمل واي فاي ببلاش علشان خدمة الشباب ازاى اللي خلا الشباب معاهم تعليم عالي ومتوسط ومن غير تعليم 
بس كل الشباب عاوزه شغل مش واي فاي الواي فاي هيجيب فلوس .. بس احنا لما نفكر الحكومه تعلن ان واي فاي ببلاش وممكن تعمله ببلاش انا مش هطلع من المترو
وقال محمود منجى : هي مش عاوزة اللي بيلعب ، هي عاوزة تقصر على نفسها مشوار إنها تراقبك بطريقة معينة ، دا غير إن كتير من الشباب الثوري بيدخلوا بأسامي ومعلومات مش صحيحة 100% ، فهي لما تجبرك إن تدخلي برقمك القومي فهي عرفت توصلك أو على الأقل توصل للي عيلتك وتكون أداة ضغط عشان تعرف توصلك بسهولة أكسجين : الحكومة بتقول الرقم القومى لزوم الأمن علشان التفجيرات والإرهاب تفتكروا دة ممكن يخدم الحرب ع الإرهاب من وجهة نظرهم؟؟ 
فولان الفولانى : يعنى الحكومة تطلع بيان بتقول للارهابي خلي بالك انت متراقب ماتدخلش واي فاي في المترو مازن انا كدة عايش : مفيش نت فمصر اصلا انتو فرحانين بفتح صفحه الويب ع 9 شهور ونسأل يقولك بتحمل!!!!! السيد حلمى : وهي ضاقت بيهم يا ست الكل ويفتحوا واي فاي ف المترو. ده الواحد مبيعرفش ياخد نفسه وكان اقوى تعليق على الفيسبوك : من عمرو الهوارى ..أحلى حاجه في مصر ان الحكومه عندنا لما بتلاقي زياده في الاسعار وزباله في الشوارع وزحمه في المواصلات وحمير في المطاعم وفوسفات في المايه وقطط بتجري في المستشفيات بتقوم عاملالنا واي فاي في المترو.
وكان تعليق الجامد من فانتازيا : لو الحكومه عندها حد يعرف ببرمج مليون باسوورد مختلف علي واي فاي ممكن واحد من المليون يركبه ويدخل فيه يبقي الحكومه دي جباره ومظنش انها محتاجه تراقب هههه قالك واي فاي برقم قومي يا بيه انت لسه عندك كمبيوترات من 85 في المصالح احنا هنشتغل بعض

ملحوظة: المادة 65 من الدستور المصرى
حرية الفكر ، والرأى مكفولة . 
ولكل إنسان حق التعبير عن رأيه بالقول، أو بالكتابة، أو بالتصوير، أو غير ذلك من وسائل التعبير والنشر.

-------------------- اكسجين مصر :اسعى لاثبات الحقائق المجردة فهذا ما تقضيه امانة الكلمه