بالصور:مهندس رقابة جودة يتعرض لتعذيب ووضع رأسه فى الحمام بقسم الشروق

كتب:شهرزاد الثورة
بلاغ للنائب العام من جورج برسوم  المحامى الموكل عن جرجس كمال  المحبوس فى القضية رقم 13729 مستأنف القاهرة الجديدة ضد ضباط قسم الشروق واتهامهم بتعذيب موكله بالضرب المبرح دون اسباب مختصما فى ذلك كل من الضابط محمود تراس

 والضابط باسم الوزير  والضابط عمرو خضراوى والضابط الشرطة محمد كامل وطالب محامى المتهم النيابة بسرعة الإفراج عن موكله وعرضه على الطب الشرعى لإثبات ما به من اصابات جراء التعذيب الذى تعرض له فى القسم وعرضه على طبيب لمساعدته بسبب حالة الإعياء الشديد التى يعانى منها بعد تعرضه للتعذيب على يد ضباط قسم الشروق بلا رحمة ولا انسانية ودون وجه حق واستنكرت ايفون كمال اخت المجنى عليه ما تعرض له اخيها ونشرت صوره وآثار الضرب والتعذيب تظهر على جسده على صفحتها الشخصية مطالبة بمحاسبة الجناه من ضباط الشرطة لإنتهاك كرامة اخيها وتعذيبه داخل الحجز وفى حوار مع ايفون

كمال اخت المجنى عليه فى واقعة التعذيب داخل حجز قسم الشروق قالت  ان جرجس اخويا مهندس رقابة وجودة واتقبض عليه  من 3 شهور فى حادث سيارة كان مأجرها لكن الظابط نسى السيارة والحادث وبسبب عدم قبول اخى انه يشتمه بأمه لفق له قضية سرقة حسنة اللى المحضر بتاعها منشور وكان فى المحضر سرقة مبلغ 6500 دولار من مصرى عائد من السعودية وصورة المحضر ومواصفات الجناة مكنش فيهم اخويا خالص وفى نص المحضر قال المجنى عليه انه لم ير سائق السيارة اللى هاجمته فالظابط اتهم اخويا انه كان معاهم وانه هو السواق  رغم انه ميعرفهمش ورغم انهم فى حجز تانى خالص وكتب فى المحضر انه هو سائق سيارة

التشكيل العصابى دة ومش كدة وبس دة بعد ما اخد اخلاء سبيل فى قضية الحادث عمل له كعب داير على اقسام الشرطة ولفق له ست قضايا أخرى  اخد براءة فى قضيتين منهم واخلاء سبيل فى قضيتين ولسة قضيتين اخد فيهم حكم واحدة انتحال صفة اخد فيها 3 سنين وست شهور وقضية تانية سرقة اخد فيها ست سنين سجن ورغم ان التحريات كلها كانت لصالح اخويا لكن الظابط اللى اسمه محمود جمعة دة رافض ان اخويا يخرج من الحبس وكل شوية يشوف قضية يلفقها لأخويا دة غير التعذيب اللى فى الحجز كل شوية اسمع صراخهم فى التليفون ويقولوا عايزيين حقوق الإنسان حد يلحقنا بيضربونا من اول يوم العيد وبيحطوا رؤسونا فى الحمام . المشكلة انه لغاية دلوقتى لم يعرض على الطب الشرعى ولم يتم الكشف عليه يعنى قضايا ملفقة وتعذيب ومفيش رحمة ولا علاج ولا عارفين نجيب حقه ....... انا بطالب بالتحقيق فى كل اللى بيحصل فى قسم شرطة الشروق وسلخانة التعذيب اللى شغالة هناك انقذوا الناس هناك .

السيارة

خطاب من نقابة المحاميين

-------------------- اكسجين مصر :اسعى لاثبات الحقائق المجردة فهذا ما تقضيه امانة الكلمه