فوزى الرشيدى يكتب : فهَّمنى شكراً

بجد عاوز أفهم من الناس اللى بيتآيد من غير ماتفهم موضوع التفريعه دا هل هيزود عدد السفن ؟

الاجابه لأ لأنها مش قناة تانيه دى تفريعه عشان المراكب بدل مبتقف من واحده بالليل ل 6 الصبح متركنش تعدى من التفريعه دى بس طيب هتزود الدخل طبعا لأ لأنك مش هتزود عدد السفن ولا هتزود تسعيرة المرور لأنك مش بالساهل تعلى فى تسعيرة المرور طيب انت وسعت ال 193 كيلو لان عندك القناة من ناحية عرض 280 متر والعبارات الكبيرة حاليا من 300 ل 320 متر ؟ طبعا لأ محصلش طب أنت عارف ان دخل القناة القديمه طول السنه مش بيتخطى ال 4 مليار جنية مصرى فى السنه ودا بيمثل 5% من الدخل القومى مصر يعنى مثلا دخل قناة السويس عام 2014 / 2015 كان 405 ملايين دولار لو ضربتهم فى سعر الدولار يدوب حوالى 3 مليار مصرى طيب خليها متوسط 4 مليار

طيب تعرف انك لامم 64 مليار من الناس بفايدة سنوية 15% منهم 12% لأصحاب رأس المال و 3% للبنك اللى شارى الدين من الدوله وبيدفع الفوايد للناس الفترة اللى فاتت يعنى انت عاوز فوايد للناس والبنك فى السنه مالايقل عن 3 مليار جنيه غسر بعد 5 سنين مطلوب ترجع ال 64 مليار لأصحاب رأس المال.

طب تعرف ان ال 64 مليار جنية مصرى بالمتوسط دخل القناة لمدة 16 سنة ع الاقل لو حسبنا المتوسط 4 ملياردخل سنوى بعد التفريعه ؟ عرفت ليه احنا بننتقد العقول اللى بتفكر وبتلبس الطواقى من دا ل دا فكر كده انت واستعمل عقلك ومتخليش حد يفكرلك قبل عقلك مايصدى من قلة الاستعمال

هلاقى حد يقول هيعمل مشاريع التفريعه طب ماهى مكنتش محتاجه حفر تفريعه لان المشاريع كانت تتعمل ع شرق القناة القديمه غير ان حاليا مينفعش لاكتر من سبب بالتربه والاحتباس الحرارى وملاحة الارض وتجويف 35 كيلو متر.

نفسنا البلد تتقدم فعلا لكن مش بالوهم وصناعة الاوهام والتطبيل وصناعة القصور ع الرمله

-------------------- اكسجين مصر :اسعى لاثبات الحقائق المجردة فهذا ما تقضيه امانة الكلمه