ردود أفعال سائقى التوك توك بعد قرار محلب بمنع التوك توك وسحب ترخيصه

رصدت كاميرا أكسجين مصر بعضا من آراء سائقى التوك توك بعد قرار رئيس الوزراء بسحب التوك توك الغير مرخص وتغريمه 1500 جنيه وكانت رود الأفعال كالتالى تعليقك ايه على قرار محلب بسحب التوك توك ؟؟ ازاى يعنى أومال هناكل منين أكسجين : انت متجوز ؟؟ ايوة طبعا متجوز وفى عيال ومسئوليات ومصاريف وبعدين ازاى مينفعش التوك توك يتمنع نعمل ايه نسرق يعنى عايزنا نسرق كدة نسرق ومفيش غير كدة اومال هنعمل ايه ؟ وفى تعليق آخر على نفس الموضوع كان الرد يعنى لو منعوا التوك توك احنا مش هنشتغل حاجة التوك توك فاتح بيوت ..أنا بجهز نفسى لا بسرق ولا ببيع مخدرات شاب زى بيعتمد على نفسه وبيشتغل تقفل باب رزقه يعمل ايه ؟؟ مفيش مانع من الترخيص واحنا عارفين ان فى مصايب وتكاتك مسروقة وعارفين انها مسروقة وشغالة معانا فى الموقف بس هيعملوا ايه ؟؟ فممكن يتعمل الترخيص ومحدش يشتغل عليه سنه أقل من 21 سنة لكن تمنعه ازاى وتقفل بيوت يعنى هنشتغل ايه مفيش قدامنا غير اننا نسرق زيهم ودة مستحيل احنا عارفين ان فى نسبة 25% من سواقين التوك توك وحشين بيعاكسوا ويعلو الكاسيت ممكن يسرق لكن برضه فى ناس كويسة عايزة تاكل عيش واخلاقها كويسة والناس بتستنجد بينا فى المناطق العشوائية والمناطق اللى التاكسى مش بيروحها وبنتعامل معاهم باحترام ونساعد العجوز ونوصله لأماكن صعب التاكسى يدخلها .. احنا عايزيين نعيش وناكلها بالحلال والبلد واقفة والبنزين غالى نعمل ايه وتعليق آخرالتكاتك فاتحة بيوت كتير احنا هنعمل ايه بنصرف على بيت واقساط وجمعيات ناس كتير باب رزقها هو التوك توك لو منعه هنعمل ايه يعنى وهو مساعد ناس كتير اللى بيشتغل علشان رزقه وأكل عيشه غير اللى بينزل يعمل مشاكل احنا هنظلم ناس كتير كدة أكسجين : بقالك كام سنة شغال على توك توك ؟؟ بقالى حوالى 8 أو تسع سنين كتير يعنى وتعليق سائق توك توك : انا معايا باكالوريوس زراعة وشغال على توك توك وفر لى فرص عمل وانا اشتغل فيها نعمل ايه يعنى اشتغلنا على توك توك وكمان عايزين تلغوه احنا مش لا قيين شغل نعمل ايه نصيع ؟؟ انا راجل متجوز وعندى ثلاث اولاد ومسئوليات يعنى نعمل ايه ؟؟ هتعمل ايه لو القرار دة اتطبق ممكن تشتغل فى ايه ؟؟ لو اتطبق يوفروا لى وظيفة تأمن مستقبلى علشان خاطر عيالى مش علشان نفسى يعنى اعمل ايه انا مش عايز حاجة من الدنيا غير مصاريف عيالى ورزقهم أكسجين ؟؟ بتكلفك كتير مصاريف التوك توك ؟؟ لا مصاريف التوك توك على أدها وانا بقالى سنتين ونشغال عليه واللى جاى على أد اللى رايح هم فاكرين التوك توك دة شغال وبيجيب ايه يعنى وبيكسب كام ؟ أكسجين : الحكومة بتقول ان التوك توك عامل ازمة وزحمة فى الشوارع ؟؟ ولا زحمة ولا أزمة هم كدة ولا التوك توك عامل حاجة هم علشان فى سواقين توك توك أخلاقهم وحشة وشمامين ... بس فناس كتير محترمة ومتعلمة واخلاقها كويسة ودة مصدر رزقها ومش علشان فى ناس وحشة يبقى الكل وحشين أكسجين : هتعمل ايه لو القرار دة اتطبق ؟؟ عايزيين يطبقوا القرار دة يبقى يوفروا شغل .. انما نجوع احنا وعيالنا دة حرام ميرضيش ربنا ولو منعوا التوك توك هشتغل عليه برضو يعنى هأكل عيالى منين <">

-------------------- اكسجين مصر :اسعى لاثبات الحقائق المجردة فهذا ما تقضيه امانة الكلمه