رصاصة مجهولة تهدد حياة ومستقبل طفلة وتستقر فى المخ

كتب:شهرزادالثورة
كندة احمد عبد الله طفلة عمرها 3 سنوات كانت بصحبة والدتها وأمام العمارة التى 

تسكنها فوجئت الأم بصوت طلق نارىوسقوط ابنتها غارقة فى دمائها .. اعتقدت لأول 

وهلة انها اصيبت بحجر سقط فوق رأسها وانه جرح سطحى فى الرأس فذهبت بها 

للمستشفى لتجد المفاجأة ان طلق الرصاص الذى سمعته قد اصاب ابنتها وتسبب فى كسر 

فى الجمجمة برصاصة 9 ملى استقرت فى المخ وأثرت على عصب العين اليمنى وطبعا 

انضربت الرصاصه من مكان مجهول وهي في وسط البلد والساعه 9 مساءا وهى مع 

والدتها ورغم تبليغ الشرطة لم يتحرك أحد ولم يتم البحث عن الجانى حتى الآن ... كندة 

فى المستشفى منذ اسبوع ى مستشفى الرمد بالجامعة معرضة حياتها للخطر وقد توجه 

 محافظ الإسماعيلية لزيارة الطفلة كندة وأمر بتقديم كافة الرعاية الطبية والصحية لها 

وإلتقط المحافظ عدة صور مع الطفلة واهلها وتوقف الأمر عند ذلك . هل سيظل الفاعل 

مجهول ومصير ومستقبل الطفلة مجهول ........ هل هناك من مسئول لا يكتفى بالتصوير 

مع ضحايا البلطجة وغياب الأمن ... وهل سيتم علاج الطفلة على نفقة الدولة لو احتاجت 

لعملية جراحية فى الخارج ام سنترك الرصاصة داخل مخ الصغيرة يصيبها بالعجز بقية 

حياتها

اجرت أكسجين مصر حوارا مع السيدة أميمة شاهين عمة الطفلة كندة كان هذا فحواه

أكسجين : بعد زيارة المحافظ لكندة هل تم اى تقدم فى التحقيقات لمصدر الرصاصة ؟؟

لا مافيش اى تغيير انا اعتقد هما عاملو كده عشان الافتتاح

أكسجين : طيب مفيش اى معلومات عن موضوع اطلاق الرصاص خالص كان فرح خناقة ؟؟

ماكنش فى اى حاجه ناس قاعده فى شارع عشان جو حر

أكسجين : طيب هل حد وعد بعلاج كندة على نفقة الدولة او سفرها برة مصر ؟؟

المحافظ طلب منهم يتابعو موضوع كنده لحد دلوقتى محدش. راح تانى

اخويا راح للمستشار عسكرى انها تدخل مستشفى عسكرى برده مافيش جديد من الرغم 

والدى. معاشات قوات مسلحه

أكسجين : الدكاترة قالوا ايه عن حالتها وخصوصا تأثير الرصاصة على العين؟؟

هى ضغطه على العين و ثابته. عند عصب العين اليمنى

أكسجين : وهل يمكن اجراء جراحة لإستخراجها ؟؟
هيا. لازم تعمل عمليه عشان حاليا زى انتى شايفه فى الصوره مش فى مستوى واحد



أكسجين : يعنى ايه مش فى مستوى واحد ؟؟

واحده فى مكانها تانيه الرصاصه مطلعاها قدام

أكسجين : طيب انتى شايفة انها تحت رعاية طبية كاملة ولا فى قصور فى الخدمة اللى 

بتتلقاها ؟؟

هيا كده اخرهم هما طلبو تدخل عمليه اخويا رفض عشان الهايعملها دكتور تجميل وا حنا محتاجين دكتور اوربت

أكسجين : ودة متاح فى مصر؟؟

آه فى القاهره والزقازيق

أكسجين : يعنى فى كفاءة لدقة الحالة وخطورتها ولا انتوا محتاجين تدخل مستشفى 

عسكرى او علاج فى الخارج ؟

احنا عايزين دكتور  يعرف يعالج الحالة. فى مصر او فى خارج

أكسجين : لو هتوجهى رسالة لمسئول هيكون مين وتطلبى ايه ؟؟

اوجه رساله لكل مسؤل مختص انه ينظر للحاله عشان دى طفله عندها ٣ سنين ومظلومه 

واخدت رصاصة وهيا تحت بيتها المفروض مننزاش من منازلنا عشان مافيش امن يا 

ترى هايحصل ايه بعد كده ياريت بسرعه نوصل لحل. عشان طفله بتتعذب بقى عندها 

حاله نفسيه اعصابها. تعبت

أكسجين : يعنى ايه نوع المساعدة اللى طلباها ؟؟ طبية ولا امنية للوصول للجانى ولو 

طبية ايه بالتحديد ؟؟


اوصل لدكتور وعنايه للطفله اطلب يكون فى امان ربنا ستر لكنده فى كام طفل ممكن 

يحصل كده فيهم عايزه دكتور اوربت عشان رصاصه فى مكان حرج فوق عصب العين 

بالظبط

-------------------- اكسجين مصر :اسعى لاثبات الحقائق المجردة فهذا ما تقضيه امانة الكلمه