بالصور:مرضى جراحة اليوم الواحد فى مستشفى النيل للتأمين الصحى بشبرا الخيمة يفترشون الأرض والممرضة : احمدوا ربنا

كتب: شهرزاد الثورة
يقول هانى المصرى بعد انه توجه للمستشفى لإجراء جراحة عاجلة .. انا خدت جواب من الشغل على عيادة النيل بشبرا دكتور العياده اعطانى تحويل للمستشفى المفروض بروح مكتب الدخول الا بيسجلنى انى دخلت ويعمل اجراءت الدخول وده حصل والمفروض طالما مكتب الدخول وافق يبقى لازم يكون فى سرير فاضى وده مكنش موجود وكنا خمس افراد هتعمل عمليات وتمشى بعد ساعتين ثلاثه بعد العمليه قولت لرئيسة التمريض احنا ليه قاعدين على الارض قالت احمدو ربنا اسمها سناء فى جرحات اليوم الواحد الدور التالت اتخنقت ونزلت للمدير علشان هيه قالت مش عاجبك امشى والمدير بعت معايا ولد ليها أكسجين : يعنى مفيش استراحة بكراسى للإنتظار ؟؟ لالا خالص أكسجين : حجرة على البلاط كدة وكنتوا كام واحد قاعدين فيها ؟؟ مش حجره كمان كنا قاعدين فى الطرقه بتاع المستشفى انا وخمسه معايه ده غير الحالات الحريم الا انا باعت الصور بتاعتهم لاكسجين أكسجين : ازاى الحريم يقعدوا فى الطرقة على الأرض والناس بتمر عليهم رايحة جاية ؟؟ أهاااااا مستشفى زباله وحاجه تقرف والناس غلابه مضطره تصبر على الهم علشان مصالحها تخلص .... بجد حسبى ونعم الوكيل أكسجين : انت عامل عملية ايه ؟ انا عامل عملية استئصال كيس دهن وخراج مع بعض من تحت الابطى أكسجين : ملاحظاتك على المستشفى من ناحية النظافة وتوفر العلاج والخدمة الطبية ؟؟؟ زباله كله زباله بلا استثنى الا حاجه واحده العمليات مقبوله كويس أكسجين : هل اشتريت علاج على حسابك من خارج المستشفى ؟؟ اه النهارده جبت علاج على حسابى المفروض بعد الخروج من العمليات الدكتور يكتب العلاج ويصرف من المكان لكن هناك لا لازم ترجعى تانى للعياده وتختمى البطاقه العلاجيه من الشباك وتنظرى ساعتين ثلاثه علشان تدخلى للدكتور يكتبلك علاج مين طالع من عمليه هيستحمل يلف اللفه دى كلها وهو خارج من العملية تعبان ورغم ان دى جراحة بسيطة اومال لو كانت جراحة كبيرة او حالة خطر المريض يعمل ايه .. دى كانت آخر كلمات هانى بسبب ارهاقه لم يستطع تكملة الحوار ولكن يبقى السؤال لم يكن هانى الوحيد فى جراحة اليوم الواحد واذا لم تكن المستشفى موفرة كراسى فقط لراحة المريض لساعات قبل اجراء الجراحة فماذا تفعل بالمرضى الذين يفترشون البلاط فى طرقة المستشفى يدهسهم المارة وتلقى عليهم الممرضات نظرات وبعضهن يتمتم بكلمات تؤذى مشاعرهم وتنال من كرامتهم ......... متى يحترم هذا البلد مواطنيه ؟؟ .......... ومتى يجد رعاية صحية دون اهدار كرامة فى هدوء وطمأنينة وعلاج متوفر وحسن استقبال وتوفير استراحة للإنتظار واسرة للمرضى فى ابسط صورة دون طوابير انتظار دون علامات ارهاق وألم تكسوا الوجوه ... دون عبس وغضب من المتعاملين معهم ....... متى نحترم آدمية الإنسان ؟؟ لو قارنت اى مستشفى عام او مستشفى تأمين فى مصر بأى مؤسسة لعلاج الحيوانات فى اوروبا ....... سيجد المصرى انه لا يعامل نصف معاملة الحيوان فى اى مكان فى العالم

-------------------- اكسجين مصر :اسعى لاثبات الحقائق المجردة فهذا ما تقضيه امانة الكلمه