 |
| مركز شباب الجزيرة بعد التجديد |
أعلنت وزارة الشباب أمس عن فتح باب العضوية الموسمية المؤقتة لمركز شباب الجزيرة وذلك لمدة 6 شهور من أول نوفمبر 2015 حتى آخر ابريل 2016 برسوم تقدر ب 750 جنيه لعضوية النشئ حتى والشباب مواليد 1980 ومبلغ 1500 جنيه للفرد مواليد ما قبل هذا التاريخ وللأجانب 500 دولار عن نفس مدة العضوية فيما يؤكد المهندس خالد عبد العزيز وزير الشباب والرياضة أن فتح باب الاشتراك بالعضوية الموسمية يأتى فى إطار حرص الوزارة على توسيع قاعدة المستفيدين من ممارسة الرياضة والأنشطة الشبابية المتميزة التى يقدمها المركز وتعليقا على الخبر الذى لاقى
اعتراضا ورفضا من فئات مختلفة من الشباب بسبب ارتفاع اسعار العضوية عن مدة مؤقتة 6 شهور وخاصة انها تدخل ضمن شهور العام الدراسى وبالتالى فالإستفادة منها قليلة مقابل مبالغ كبيرة للفرد لا تتحملها اسرة متوسطة ضمن مصروفات ايام دراسية دون استفادة حقيقية .. واعترض البعض على القرار حيث ان مركز الجزيرة هو مركز حكومى للشباب وليس نادى خاص لتكون اسعاره بهذا الشكل حيث اشار البعض فى تعليقهم الى سوء الخدمات المقدمة
فى النادى الى جانب الزحمة والغلاء فيما يقدم فيه من خدمات يقول أحمد عبد الدايم تعليقا على الخبر : ده اسمه مركز شباب مش نادي يعني الاشتراك لازم يكون رمزي مراعاة لظروف الشباب والناس الغلابه يعني تكلفه اربع افراد كل ست شهور 4500جنيه كتير جدا علي الشباب والناس اللي دخلها بسيط يعني يدفع اشتراك في المركز ولا مصاريف المدارس ولا الكهربا ولا الغاز ولاالدروس الخصوصيه الناس مش ناقصه اعباء كفايه كده حرام اعتقد انه قرار محتاج اعاده نظر وتحديد قيمه رمزيه للاشتراك لانه مركز شباب غير هادف للربح المفروض المستفيد من هذا المركز هما الشباب والناس الغير قادرين علي اشتراكات الانديه الكبيره
وقال وسام شريف : قرار وحش جدا المفروض ان ده نادي للناس اللي علي اد حالها الناس تجبلكم فلوس منين !!! يعني مين اللي هيروح يدفع 750 او 1500 مقابل 6 شهور بس ! لا وفترة دراسه كمان يعني محدش فاضي يروح كل اسبوع انتو خليتوه مش مركز شباب دا بقي نادي استثماري وبعدين شباب صغير هيجيب الفلوس دى كلها منين وعلقت جودى أحمد : واللهى العظيم حرام يعنى ندفع فلوس المدارس والا ندفع فلوس الدروس والا ندفع ايه بالظبط يعنى الواحد علشان يرفة اولادة شويه فى مركز شباب يدفع كل دة طب ليه خلاص بقى بلاها نادى بلاها ترفيه بس عايزين البلاد تنصلح حالها طب ازى مع الاستغلال دة
هذا بعض ما كتب تعليقا على الخبر على الصفحة الرسمية لوزارة الشباب فهل يستجيب الوزير بتخفيض الأسعار للشباب مراعاة للأسر ومعاناتها وقت الدراسة ومصاريف المدارس .. يا وزير الشباب حس بالناس الغلابة حس بالشباب دة مركز حكومى مش نادى استثمارى
--------------- اكسجين مصر :اسعى لاثبات الحقائق المجردة فهذا ما تقضيه امانة الكلمه
){kind=link}
6 تعليقات
ياسيادة الوزير ده اسمه مركز شباب مش نادي يعني الاشتراك لازم يكون رمزي مراعاة لظروف الشباب والناس الغلابه يعني تكلفه اربع افراد كل ست شهور 4500جنيه كتير جدا علي الشباب والناس اللي دخلها بسيط يعني يدفع اشتراك في المركز ولا مصاريف المدارس ولا الكهربا ولا الغاز ولاالدروس الخصوصيه الناس مش ناقصه اعباء كفايه كده حرام اعتقد انه قرار محتاج اعاده نظر وتحديد قيمه رمزيه للاشتراك لانه مركز شباب غير هادف للربح المفروض المستفيد من هذا المركز هما الشباب والناس الغير قادرين علي اشتراكات الانديه الكبيره
ردحذفياولاد الكلب
ردحذفالاستعباط ووزارة الشباب (اشتراك مركز شباب الجزيرة ب750 جنيه فى 6 شهور )
Mohamed Abdou Serag الواحد ندم انه دفع الفلوس بتاعة التجديد ف نادي فاشل و فاسد زي ده ، الاداره زي الزفت و ناس كل همها جمع فلوس علي حساب الغلابه .
ردحذفMostafa Aly ياجماعه ده مركز شباب عارفين الشباب عملوا ايه فى25/1. و30/6 شالوا حكام يالله نرفع صوتنا الي رئيس الجمهوريه ولو سياته ناسى الشباب عملوا ايه يالله نفكروا
ردحذفWèSsàm Sherif قرار وحش جدا المفروض ان ده نادي للناس اللي علي اظ حالها الناس تجبلكم فلوس منين !!! يعني مين اللي هيروح يدفع 750 او 1500 مقابل 6 شهور بس ! لا وفترة دراسه كمان يعني محدش فاضي يروح كل اسبوع انتو خليتوه مش مركز شباب دا بقي نادي استثماري
ردحذفHussien Tag Eldin وهجيب الاستمارات منين ؟ من نادى الجزيره ولا نادى الصيد ....... وبعد العضويه هاخد لقب الباشويه .
ردحذفأكتب تعليق على الموضوع