وقف اهالى عشش السودان منددين بتجاهل الحكومة لهم بعد هدم عششهم واخلائها مع وعد بتسكينهم .. 120 يوم يعيشها الأهالى بنسائهم واطفالهم فى الخلاء وبرد الشتاء .. يحمل اطفالهم لافتات بلا حقوق ... وطفلة تحمل لافتة حقى فى الدستور عمره ما شاف النور ويقول احد المتضررين من المواطنين : احنا كنا عايشيين فى عشش بس مرتاحين والحمد لله جت الحكومة قالت هنبنى لكم ونسويلكم .. قلنا ماشى فجم يوم التسليم من غير انذار وهدوا علينا العشش وخدوا الشقق بتاعتنا اللى بنوها الناس اللى اتبرعت بيها والفلوس وتزوير فى الأسامى وجابوا ناس غير الناس وحطوا ناس فى الشقق بتاعة الحى وشغالين بقى اسامى يوم التسليم ملقناش ولا اسم من الأسامى بتاعتنا .. وتقول امرأة عجوز تشارك فى الوقفة انا استلمت لكن ولادى معاهم عيالهم وزوجاتهم ما استلموش حاجة وهم قاعدين فى الأوضة بتاعتهم بس وسط الزبالة الأوضة اللى جنبهم اتهدمت والتراب والهدد عملهم حساسية وخصوصا زوجة ابنى الحامل والبنت الصغيرة بنتها مرضت من الريحة والزبالة ... ولم تبتعد كاميرات أكسجين مصر عن الموقع خطوة حتى التقت بعدد آخر من المحتجين .. رجل فى الستينات من عمره يقول انه كان لديه قطعة ارض وضع يد فى شارع مصر والسودان ولم يحصل على شقى فى المقابل رغم ان المسئولين عن الحى اعطوا لآخرين من الشارع الخلفى رغم ان قطعة الأرض تم بناء ثلاث عمارات عليها بقول للسيسى شوف الفساد اللى فى البلد علشان كل واحد بيدى الشقق للى يعرفه وبالمحسوبية واللى يدفع .
ولأن معظم المعاناة تقع على النساء والأطفال وقفت احداهن تشكوا انها كانت من السكان الذين تم اخلاؤهم فى المرحلة الأولى وهدم عششهم ولكنهم لم يحصلوا على الشقق وقالت انهم منحوا شقق لمن هو من خارج المنطقة واتهم بعض المحتجين الجهات المسئولة بالفساد والمحسوبية وانهم اعطوا من لا يستحق رغم انهم يفترشون الأرض تحت السور على الحصر هم واطفالهم لشهور وهم يزيد عددهم عن 400 فرد يفترشون الأرض فى عز البرد بقول للرئيس السيسى انزل شوف شعبك هو فين الأمان اللى اتحقق واحنا عايشين فى الشارع
 |
| جانب من وقفة أهالى عشش السودان أمام مكتب المحامى العام بمحكمة السودان |
 |
| سبنالكم القصور ورضينا بالعشش هديتوها علينا ورميتونا فى الشارع اهالى عشش السودان |
 |
| طفل من اهالى عشش السودان حمامى فى الخلاء يا حكومة |
 |
| عايزين نعيش زيكم احنا مش حيوانات |
 |
| (ميصحش كدة يا رئيس) 012 يوم نايم فى الشارع رسالة اهالى عشش السودان الىالى النحنوح بتاع نور عنينا منذ قليل من امام محكمة شمال الجيزة |
 |
| هديتوا عششنا وضربتوا بيوتنا |
--------------- اكسجين مصر :اسعى لاثبات الحقائق المجردة فهذا ما تقضيه امانة الكلمه
0 تعليقات
أكتب تعليق على الموضوع