بالصور:شباب اسوان يحقق التوافق على الأرض فى تجربة فريدة لحملة شباب ينمى فى محافظة اسوان

كتب:شهرزادالثورة

نجاح مذهل لحملة شباب ينمى واثبات وجود فى وقت قصير رغم اختلاف توجهات اعضاءها وانتماءاتهم السياسية إلا انهم استطاعوا التوافق فى العمل على الأرض فى حملة شباب ينمى شباب يشتغل على الأرض مع الناس ومع المسئولين حتى لو كانوا لهم معارضين المهم هو مصلحة البلد والوصول للناس وتقديم أعلى فايدة للوطن .. بدأت أكسجين مصر حوار مع احدى أعضاء الحملة ومنسق اللجنة القانونية لها .. أستاذة ألفت صالح وكان الحوار كالتالى 

أكسجين : أولا تعرفينا بالحملة وهدفها ؟؟ احنا مجموعه شباب عاملين حمله اسمها شباب ينمى المجتمع ب اسوان وبنشارك ف اى فاعليه ف اسوان وبنشتغل ندوات ومعسكرات نظافه وتدريبات وورش محليات مثلا وتنمية بشريه ولا للمخدرات وحجات كتير أكسجين : رائع الفكرة بس بدأت ازاى؟؟ مجموعه ولاد وبنات قلنا بدل ما نعارض النظام نحاول نتعاون معاه علشان نخدم بلدنا😛 وعادى بقه بنعمل اجتماع اسبوعى وعاملين خطه شهريه كل خمس ايام بنعمل حاجة ، أكسجين : يعنى بتعملوا الفاعليات من خلال الدولة وبالتعاون مع اجهزتها؟؟ آيوة فعلا أكسجين : انتو من اتجاهات سياسية متعددة ولا شغالين تحت مظلة معينة ؟؟ كل واحد ليه انتمائه مثلا انا حزب العيش والحريه وغيره الكرامة وغيره اتجهات مختلفة

أكسجين : هل وجدتم معوقات فى التعامل مع الحكومة اللى انتوا معارضين لها .. وهل وجدتم صعوبة فى توحيد افكاركوا واحداث توافق ما بينكوا ؟؟ معوقات الصراحة لا توافق ما بينا ممكن انا الوحيدة اللى بعمل مشاكل عشان ضد تعاون مع حزب لا مستقبل وطن مثلا أو أى حاجة زى كدة أكسجين : هل شاركتوا بأفكار لحل مشاكل معينة و ايه ابرز الأنشطة اللى شاركتوا فيها الناس بنعمل معسكرات نظافه ف أماكن كلها قمامه احنا بقالها شهرين فقط بس الحندلله أثبتنا وجودنا ف الشارع شاركنا ف عيد المسيحين ف الكنسيه عيد استقلال السودان روحنا تهنه للمحافظ الجديد عيد اسوان القومي أكسجين : هل المحافظ والمسئولين بيرحبوا بمشاركاتكم دى وفاعلياتكم ؟؟ جدااا أكسجين : شاركتوا ازاى فى عيد استقلال السودان ؟؟ جات لينا دعوه من السفيره وروحنا فقط أكسجين : جميل انكوا فى وقت قصير قدرته تثبتوا وجودكوا فى الشارع وبين المسئولين لكن هل فى هيكل تنظيمى للمجموعة الحمدلله وكمان بنعمل اجتماع شهرى مع المسؤلين ب مجلس المدنيه اه طبعا مسئول اعلامى مسول اتصال مسئول مالى علاقات عامه لحد فتره مؤقته لحين بس ناخد مقر للحملة وبعدها نعمل منسق عام للحملة أكسجين : عددكوا كام تقريبا ... والتمويل المادى ظروفه ايه ؟؟ طبعا كلمونا ف مصر. حمله المحليات بتاعت احمد جاد وعايزينى نشتغل معاه ويدينا تدريبات كامله ف القاهره علشان المحليات وغيره وفرحان جدااا بشغلنا التمويل ذاتى كل واحد بيدفع اللى يقدر عليه عددنا حوالي ٢٥ أكسجين : رائع التجربة بتاعتكو فى اسوان بس لكن هل فى احتمال تعميمها فى محافظات تانية والتنسيق ما بينكوا كمجموعات عمل على الأرض ؟؟ والله لو حد كلمنا من اى محافظه أحيد هنتعاون معاهم أكسجين : طيب انتوا عاملين مقر للحملة علشان الإجتماعات وكدة قريب ان شاء الله انما اجتماعنا دلوقتى بيتم فى النادى أكسجين : التجربة بتاعتكوا رائدة وتستحق الإشادة الصراحة ويارب تكملوا على خير يارب ويبعد عننا الفلول أكسجين : هل ممكن تكملوا فى انتخابات المحليات وتشاركوا فيها باْذن الله اكيد أكسجين : رسالة منك للشباب اللى نفسه يعمل حاجة وبيكتفه اليأس وفقدان الأمل لازم نشتغل شغل خدمى وتوعى للبلد حتى لو احنا مختلفين مع النظام لان دى بلدنا والحكومه لوحدها مش هتقدر

--------------- اكسجين مصر :اسعى لاثبات الحقائق المجردة فهذا ما تقضيه امانة الكلمه