بالفيديو: المستشار الطبي للرئيس : مفيش حاجة اسمها ثورة جديدة دى فرقعة وكلام فاضى

تصوير:محمد اكسجين/كتب:شهرزاد الثورة

الدكتور أحمد عكاشة، المستشار الطبي لرئيس الجمهورية ورئيس الجمعية المصرية للطب النفسي

ردا على سؤال حول امكانية حدوث ثورة جديدة فى مصر

قال الدكتور عكاشة : مفيش حاجة اسمها ثورة جديدة فى مصر دة كله كلام فرقعة كلام فاضى جدا والشعب زهق من اربع رؤساء جمهورية فى خمس سنين وخمس او ست رؤساء حكومات 8 وزراء صحة فى خمس سنين و8 وزراء تعليم الناس زهقت من كتر التغيير وعايزين ثبات و استقرار الشعب عاش نوع من انواع الزهق حتى الإنتخابات زهقوا يروحوا الإنتخابات يقال اننا عملنا 8 انتخابات خلال خمس سنين ومفيش شعب فى الدنيا يقدر يعمل كدة

وعن تفسيرذلك لعزوف الشباب عن المشاركة فى الإنتخابات ونسبة المشاركة التى لم تتعدى 28%

وصف الشباب بأنهم يحبون القهواى ومتابعة ماتشات الكورة ولا يهتمون بالسياسة والإنتخابات وانهم اقل الفئات اهتماما بالإنتخابات وعدم مشاركتهم شيئا طبيعيا ويتوافق مع الأرقام العالمية وقال ان النسبة الأكثر اهتماما بالمشاركة فى الإنتخابات تكون بين متوسطى العمر وكبار السن وان الأكثر عزوفا ومقاطعة للإنتخابات فى العالم هم الشباب والفقراء إلا اذا كانت المشاركة نظير مقابل مادى

وقال ان الشباب عندهم ماتش الكورة و القاعدة ع الإنترنت احسن من الإنتخابات

--------------- اكسجين مصر :اسعى لاثبات الحقائق المجردة فهذا ما تقضيه امانة الكلمه