كلمات اغنية :انا مواطن خايف وبقيت مش شايف - ياسر المناوهلى

«أنا مواطن خايف، وبقيت مش شايف، غير إني أخلع أو أعيش فيها هايف.. خيري متبدد، أمني متهدد، عايش متردد، أصل أنا وعيي زايف.. سمعته قال إننا فقرا، ننزل دحديرة نلاقي نقرة، الشعب بكلمة بقى نكرة، حواليا الخير على مدد الشوف، نفسي أصرخ واللي مانعني الخوف.. أنا بخ كلمة تلبشني، كده كخ أوعى ليهبشني، ولا يحبسني، ولا يلبسني، ولا يهرسني، ولا يدبسني، مع إني دافع له علشان يحرسني.. يا مستني الماية، ما تستنى شوية، منتاش أد العقرب ولا حمل العمبوكه.. يا اللي ع الترعة حود ع المالح، متناش ساقي أرضك طول ما التخل طارح.. يا أخي ماية إيه ووطنك ضايع، في شبه الدولة أنت صايع، آه يا صاحب السبع صنايع، عيب ميصحش كده وده وده وده وده وده وده.. حَرَّم تهتف وتقول حرية، وتسرسب في الديمقراطية، مالها الفاشية، والسلطوية، حلوة الأمنية، يا عيني ع القمعية، مع إني دافع له علشان يحرسني.. أنا مواطن خايف، وبقيت مش شايف، غير إني أخلع أو أعيش فيها هايف.. خيري متبدد، أمني متهدد، عايش متردد، أصل أنا وعيي زايف، آه يانا يا وعيي يا صغير وزايف، الباشا مجوعني ومبسوط إني خايف، مع إني دافع له علشان يحرسني، شكله لا حارسها ولا حارسني، وإن فكرت أحاسبه في سجنه يحبسني، أو دبابته تدوتسني، أو طلقة تخرسني، مع إني دافع له علشان يحرسني».